Herritar bakoitzari bonutan 100 euro ematea proposatu du EH Bilduk, merkataritza txikian kontsumitzeko

  • EH Bilduk legez besteko proposamena aurkeztu du EAEko legebiltzarrean tokiko merkataritza txikia sustatzeko. "Bonu-denda" deiturikoen bidez, herritar bakoitzak 100 euro izango lituzke saltoki horietan kontsumitzeko.


2020ko apirilaren 09an - 16:57
Tokiko merkataritza eta ekoizleak galanki sufritzen ari dira koronabirusaren ondorioak eta administrazioaren neurri zorrotzak (arg: Urumeako Kronika)

Eusko Legebiltzarreko diputazio iraunkorrean eztabaidatu nahi du gaia koalizio abertzaleak. Proposamena egin du 18 urtetik gorako herritar bakoitzari 25 euroko lau bono-denda emateko; hauen bidez merkataritza txikian erosketak egin ahal izango lirateke. Erosketak, konfinamendu neurriak kendu eta hurrengo bi hilabeteetan egin ahal izango lirateke eta bonu bakoitza gutxienez 75 euroko erosketarekin erabiltzea litzateke baldintzetako bat –kultur produktuen kasuan 60 euroko gastua egin beharko litzateke–.

Iker Casanova EH Bilduko bozeramailearen esanetan, "tokiko merkataritza inoizko egoerarik zailenean dago koronabirusak eragindako krisiaren ondorioz eta horrek inoizko erantzunik ausartena eskatzen du Jaurlaritzaren aldetik".

Denera zazpi milioi erosketa baino gehiago lirateke, Casanovak emandako datuen arabera, eta bonuak saltokietan ezezik ostatuetan ere erabiltzeko lirateke, baina beti baldintza berarekin:  "Konfinamenduan itxita dauden mikro-enpresetan soilik erabili ahalko lirateke, hau da, 10 langile baino gutxiago eta 2 milioi eurotik beherako fakturazioa dutenak".

EH Bilduren ustez ezinbestekoa da ekimen hori eta antzekoak martxan jartzea, koronabirusak denda txikiei sorturiko kalte ekonomikoei buelta emateko. Eta hasierako inbertsioa handia izanik ere, haren onurak nabarmenak lirateke. Eusko Jaurlaritzak 200 milioi euro jarri beharko lituzke, baina 600 milioi eurotik gorako kontsumoa sustatuko luke eta zeharkako zergetan ordainetan ekarritakoa 140 miloi euro lirateke.


Irakurrienak
Matomo erabiliz
#1
Gorka Bereziartua
#3
AEK koordinakundea
#4
Ruben Sánchez Bakaikoa
Azoka
Kanal honetatik interesatuko zaizu: Tokian tokiko ekonomia
2023-05-16 | Euskal Irratiak
Milioi euro pasako salmentak barnekaldeko saltegietan, Euskal Herria Bihotzean txekeen bidez

Baxenabarre eta Xiberoako merkataritza bultzatzeko xedez sortu zen Euskal Herria Bihotzean elkartea, duela hamabost urte. Erosketak hurbileko saltegietan egiteko usaia zabaltzeko, opari eta kultura txekeak sortu zituzten.


'Beterri Saretuz' ekonomia eraldatzailearen sarea ekintzara pasako da

Beterri-Buruntzako hainbat enpresa eta eragile biltzen dituen ekimenak ostegunean aurkeztuko ditu bere ekintza plana eta aurtengo helburuak, Usurbilen. 2019an sortua, parte hartzean oinarrituriko proiektuen ekosistema sustatu nahi du sareak eskualdean, ekonomia eraldatzailearen... [+]


Paretaren kontra

Jakina da eskuduntzen auzia erabakigarria dela arlo ekonomikoan. Botere banaketa zehazten omen du. Eta zorrotzagoak bagara, boterea nork duen, eta beraz, nork ez duen ere ezartzen duela esan dezakegu. Eskuduntza nagusiak estatuek beretzat gorde dituzte, baina kapitalak du eredu... [+]


Trebiñu ofizialki Arabako parte izateko ekimena abian jarri dute berriz

Argantzungo eta Trebiñuko udaletako osoko bilkurek gehiengo osoz erabaki dute lan-mahai bat sortzea, egun Burgoseko probintziaren administraziopean dagoen barrundia ofizialki Arabako parte izatea lortzeko.


‘Hernani Burujabe’ aurkeztu dute, tokiko moneta, energia, zaintza eta ekonomia bultzatzeko egitasmoa

“Berreskuratu dezagun gure baliabideen kontrola!”. Esaldi horrekin aldarrikatu eta laburbildu dute Hernani Burujabe-ren oinarria. Ostiralean aurkeztu dute egitasmoa Hernanin, ekonomia desmerkantilizatu baterantz eta demokrazia sakonagorantz egiteko helburuz.


Eguneraketa berriak daude