ARGIA.eus

2020ko ekainaren 02a

Herrietako hauteskundeen lehen itzuliko emaitzak ez dituzte baliogabetuko

  • Herrietako bozketen bigarren itzulia ekainaren 21era atzeratzea proposatu du Edouard Philippe Frantziako Lehen Ministroak. Horrez gain, lehen itzuliko emaitzak kontutan hartuko direla zehaztera eman du gobernuak, hots, ez dira legediak eskatzen duen bezala baliogatuko.

Jenofa Berhokoirigoin @Jenofa_B
2020ko martxoaren 17a
Koronabirusaren epidemiaren erdian egin dira herrietako hauteskundeak

Azkenean, koronabirusa dela eta, hauteskundeen bigarren itzulirik ez da egonen igande honetan. Lehen itzuliaren biharamunean eman du erabakiaren berri Emmanuel Macron Frantziako Estatuko presidenteak. koronabirusaren kontra harturiko neurrien multzoan dago hauteskunde horien atzeratzeko erabakia. Xehetasunik ez du eman ordea aldaketak ondorioztatu galderei buruz: legeak hala beharturik –Hauteskundeen Legediako L.56 artikuluari segi, "hauteskundeen bi itzuliak konektatuak izan behar" direlako– ezeztatuko dira lehen itzuliko emaitzak? Zer gertatuko da lehen itzulitik hautaturiko auzapezen kargualdi berriari dagokionez?

Diskurtsoaren biharamunean datoz erantzunak. Bigarren itzulia ekainaren 21ean egitea proposatu du Edouard Philippe Lehen Ministroak. Hala ere, maiatzean koronabirusaren epidemiari buruzko egoera sanitarioak bideratuko luke datarena, Philipperen hurbilekok zehaztu dutenez.

Lehen itzuliko emaitzak mantendurik

Bestalde, kontutan hartuko dira hauteskundeetako lehen itzuliko emaitzak. Lehen itzulitik garaipena lortu duten auzapezei dagokionez –eta osatu diren herriko kontseiluei buruz–, ezjakintasuna da nagusi. Ohiz kanpoko egoera izanki, erantzunak ez daude hain argi.

Izandako abstentzio tasa alimaleaz ez du oharrik egin Frantziako presidenteak. Baina "eskerrak" eman dizkie bozkak antolatu eta bozkatzera joandakoei. Koronabirusaren hedapena mugatzeko asmoz "arduratsuki" jokatzeko manua eman duen arren, kutsatzeak mugatzeko helburuz etxean geratzea erabaki zutenei ez die hitzik luzatu. Alta, parte hartzea %55koa izan zen martxoaren 15eko lehen itzulian. Gainera, ezker eskuin entzuten diren lekukotasunei segi, bozketarako gobernuak planteaturiko segurtasun sanitario neurriak ez ziren beti errespetatuak izan: bozkatzaileen arteko distantzia, soluzio hidroalkoholikoa “nahi” zutenentzat, eskularrurik gabeko bozka kontaketak, eta abar. Horretaz ez zuen hitz egin Macronek lehen itzuliaren biharamuneko hitz hartzean.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!


Herri bozak 2020 kanaletik interesatuko zaizu...

Azkenak
EGILEA
Argia buletina
Egunaren laburpena
zure e-postan
Eguneraketa berriak daude