Emakumeak borrokan
Maddalen Iriarte (EH Bildu)

"Herri honen etorkizunagatik egon behar dugu larunbateko manifestazioan"

  • Katalunian 155. artikulua ezarri izanaren aurka eta erabakitzeko eskubidearen alde manifestaziora deitu dute, larunbaterako, Gure Esku Dagok, EH Bilduk eta gehiengo sindikalak. Mobilizazio deialdi horren karietara hitz egin dugu EH Bilduko legebiltzarkide Maddalen Iriarterekin. “Espero dugu manifestazio hau ere aurrekoak bezain arrakastatsuak izatea, asko dago-eta jokoan”, esan digu.

Unai Brea @unaibrea
2017ko azaroaren 02a
\"Euskal Herrian de facto ezagutu dugu 155a jada\", Iriarteren iritziz.

Zer dago jokoan, zehazki?

Demokraziaren alde bilduko gara, Espainiako Estatuak erakutsi duelako inposizioa, zigorra eta kartzela direla bere hizkuntzak; ez da estatu demokratikoa, eta aldarrikatzen duen legalitatea zapaldu dezakeela uste du. Herri honen etorkizunagatik egon behar dugu larunbateko manifestazioan, edozein proiektu defendatzeko aukeraren alde, erabakitzeko eskubidearen alde, ikusten ari baikara 155. artikuluaren aplikazioa etor dakigukeela, hemen ere urrats jain batzuk ematekotan. Argi utzi dute independentismoa onargarria dela intimitatean, teoria hutsean, baina hura gauzatzea ez.

Egunotan 155a Katalunia ez beste herrialde batzuei ezartzeko mehatxuak entzun izan ditugu PPko zenbait politikariren ahoetatik, izan ere.

Esango nuke Euskal Herrian de facto ezagutu dugula 155a jada. Besteak beste, Gasteiz eta Iruñeko legebiltzarretan onartutako legeak, Madrilen gustukoak ez direnak, Konstituzio Auzitegiaren bitartez bertan behera utzita. 155. artikuluaren aplikazioa horren guztiaren azken ukitua da.  

Aurrekoan EAJk bat egin zuen manifestazio deialdiarekin, oraingoan ez.

Oraindik orain jakin dut EAJ ez dela manifestazioan egongo. Uste dut euskal herritar oro egon daitekeela 155aren aurka; EAJren boto-emaileak ere egon daitezke manifestazioan. Edozein kasutan, herritarrek erakutsiko digute, ardura politikoak ditugunoi, demokrazia gehiago nahi dutela.    

Eusko Legebiltzarrak Kataluniako Errepublika aitor dezan urratsak iragarri zenituzten. Nola doa prozesua?

Legez besteko proposamena eginda dago, eta Legebiltzarreko erritmoen araberakoak dira hurrengo urratsak, motel doa. Zer gerta daitekeen? Joseba Egibarrek esan du bera izango zela lehena Kataluniako Errepublika aitortzen; nik pozez ipiniko dut nire sinadura berarenaren alboan.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!


Katalunia independentziarantz kanaletik interesatuko zaizu...
2019-05-20 | ARGIA
Bost parlamentari katalan presoek beren agiriak jaso Madrilen eta berriro espetxera eraman dituzte

Europan eta munduan jende asko harritzeko irudiak zabaldu dira gaur Madrildik. Espetxetik poliziek estu zainduta eramanik, Oriol Junqueras, Josep Sànchez, Jordi Turull eta Josep Rull diputatu hautatu berriek Madrilgo Kongresuan eta Raul Romeva senatariak Senatuan jaso dituzte beren kargua adierazten duten agiriak, ondoren berriro polizia berek hartuta espetxera eramanak izateko.


2019-05-15 | ARGIA
Bartzelonako epaitegiak ez ditu herritarren diru-ekarpenak onartu eta Generalitateko kideen ondasunak bahitzen hasi da

Bartzelonako 13. Instrukzio Epaitegiak prozedura abian jarri du Kataluniako Generalitateko kideen ondasunak bahitzeko. Urriaren 1eko erreferenduma antolatzeagatik prozesatuta dauden pertsonen bermeak ordaintzeko elkartasun-kutxa baten bidez haien 3,7 milioi bildu ziren, baina epaitegiak ez ditu onartu.


2019-05-12 | Santi LeonÚ
GAIZKI ERRANKA
Txioa

Kataluniako preso politikoen kontrako epaiketan, irain klasikoekin batera bertzelako laidoak aipatu dituzte poliziek, iazko urrian giro larderiatsua nagusi zela erakusteko: “Votarem” oihu egiten zigun jendeak. Nik dakidala, inork ez die poliziei gogorarazi bozkatzeko asmoa adieraztea ez dela iraina.


2019-04-09 | ARGIA
TV3 eta Catalunya Radio, auzipetuen aulkian

Urriaren 1eko erreferendumarekin loturan, bi hedabideotako zuzendariak auzipetu dituzte. Orotara 32 dira auzipetuak.


2019-04-09 | Z. Oleaga
Herritarren boteretzearen kronika amaitu gabea

Hala Bedi, La Directa, ARGIA: hiru komunikabide independiente bildu ziren maiatzaren 5ean Gasteizen. Aitzakia, ARGIAren mendeurreneko ospakizunak; tokia, Hala Bediren lokal berria; zitaren xedea, prozesu katalanaz ikastea La Directako Jesus Rodriguez kazetariaren eskutik. Hamarnaka pertsonek entzun zituzten Rodriguezen hausnarketak, katalanez edo euskarara itzuliak, Maria Coleraren, Itzulipurdika kolektiboaren eta EHNE sindikatuaren laguntzari esker.


2019-04-07 | Z. Oleaga
Jes˙s Rodriguez, La Directa-ko kazetaria
"Eraldaketa sozialaren borroka eta independentzia erabat lotuta doaz egun"

Jesús Rodriguez Selles pertsona ezaguna da Kataluniako kazetaritzan. 1996. urtetik ari da informazioaren munduan lanean eta militatzen, beti ere prentsa konprometitu eta tokikoaren lubakitik. Hamabost urte dira La Directa komunikabidearen oinarriak jartzen hasi zela hainbat kiderekin batera. Apirilaren 5ean Gasteizen izango da, ARGIAk eta Hala Bedi irratiak elkarlanean antolatutako hitzaldian hizlari. Elkarrizketa hau ere bi hedabideotan aurkituko duzu, Hala Bedin irrati-elkarrizketa... [+]


2019-04-04 | ARGIA
Lazo horiak kendu dituzte ertzainek legebiltzarreko leihoetatik, Bakartxo Tejeriaren aginduz

EH Bilduren bulegoan zeuden jarrita preso katalanen aldeko ikurrak. Eraikineko segurtasun zerbitzuek kendu dituzte Eusko Legebiltzarreko presidente Bakartxo Tejeriaren ebazpen bati jarraiki.


2019-04-02 | Xabier Letona
Espainiako Polizia CUPeko zuzendaritzan zelatari bat sartzen saiatu zen

2017ko udaberrian izan zen, urriko erreferendumaren aurretik eta infiltrazioaren helburua kontsultari buruzko datuak biltzea zen, Kataluniako La Directa hedabideak jakinarazi duenez.


2019-04-02 | ARGIA
"Kataluniako prozesua eta garaipenaren ikasbideak" hitzaldia apirilaren 5ean Gasteizen

La Directa hedabideko Jesús Rodríguez kazetari zailduak emango du, 18:30ean Hala Bediren lokalean. Hala Bedik eta ARGIAk elkarlanean antolatu dute eta ARGIAren mendeurrena ospatzeko ekitaldietako bat da.


Azkenak
EGILEA
Eguneraketa berriak daude