Positibo eman duten haurren gurasoek, “gertuko eta zuzeneko bizikideak” direnez, ordaindutako baja hartzeko aukera izango dute. Ez da negatibo eman duten haurren gurasoen kasua izango ordea, María Jesús Montero Espainiako Gobernuko bozeramaileak astearte honetan argitu duenez.
Pandemia hasi eta berehala onartu zen langileek “malgutasun handiagoa” izatea lortuko omen zuen neurria. Hala, ordaindu gabeko lanaldi murrizketak baimendu zituzten, kaleratzeko zailtasun gehiago jarriz.
Espainiako Gobernuaren ikuspuntutik ordea, PCR proba negatiboarekin berrogeialdian dauden haurren gurasoek ez dute malgutasun horren premiarik. Honela mintzatu da María Jesús Montero Espainiako Gobernuko bozeramailea: "Argi dago positibo eman duten umeen gurasoak gertuko eta zuzeneko bizikideak direla, eta beraz, ordaindutako baja hartzeko aukera izango dute; ez, aldiz, PCR proban emaitza negatiboa izan duten umeen gurasoek”.
Ministroak azpimarratu du positibo ematen duten pertsonen bizikide guztiek halabeharrez egin beharko dutela berrogeialdia, eta kasu horretan, ordaindutako baja izango dutela lanean, "inguruan kutsatze gehiago izan ez dadin". Baina zalantza ugari piztu dira zer egingo duten haurra berrogeialdian etxean duten gurasoek seme-alaben zaintza bete ahal izateko. Espainiako Gobernuak ez du bat bera ere argitu.
Frantziako Gobernuak, aldiz, aurreikusi du gurasoek baja hartzeko aukera, baldin eta seme-alabak joaten diren eskola itxi behar badute koronabirus kasuren batengatik. Gabriel Attal Macronen gobernuko bozeramaileak astearte honetan aurreratu duenez, zentroren bat ixteko erabakia zentroaren beraren eta tokiko agintarien artean hartuko dute. Attalen arabera, "eskola batean kasu bat gertatuz gero, hartu beharreko neurriekin eta erreakzioarekin aukera guztiak aztertu dira".
Positiborren bat agertzean, ikaslea isolatuko dute eta berarekin harremanetan egon direnak "isolatzera" gonbidatuko dituzte. Testak "susmorik egotekotan" egingo dituzte, eta emaitzak lehenbailehen jakiten saiatuko dira.
Guardia Zibilaren esanetan, Victor de Aldama enpresariak ordaindutako diru kopurua litzateke hamar milioi euroko hori, eta Espainiako Garraio Ministerioak pandemia garaian egindako salerosketei lotuta legoke. Ostegun honetan utzi dute aske García, epailearen aurrean... [+]
Hego Euskal Herrira pilulaz betetako 722 kaxatxo iritsi dira, COVID-19a larri pasatzeko arrisku handiko gaixoentzat zuzenduta. Europar Patasunak COVID-19arentzako ahotik hartzeko gomendatu duen lehen pilula antibirikoa da Pfizerren Paxlovid eta Espainiako Gobernuak 253 milioi... [+]
Pandemiaren eragina indarkeria matxistan azterketa kaleratu berri du Espainiako Gobernuak. Bertan ondorioztatu dute eraildako emakume kopurua gutxitu egin dela, hauek kontrolatuta eduki dituzten denbora gehitu izanaren ondorioz. Baina emakumeen suizidioak gizonenak baino gehiago... [+]
Merkatura ateratzear den Hipra txertoari patenteak kendu diezazkiola eskatu diote hogei erakundek Espainiako Gobernuari. Izan ere, Kataluniako multinazional honek COVID-19aren aurkako txertoa egiteko entsegu klinikoetarako diru publikotik gutxienez 15 milioi euro jaso ditu.
Eneritz Zubiaurre irakaslea da, eta lan eremu horretan egin zen gizarteko lehenengotako txerto deiari erantzunez, ziztada hartu zuen 2021eko martxoaren 14an. Astra Zeneca egokitu zitzaion. “Inork, ezta txertoa jarri zidan erizainak ere ez zidan ohartarazi izan nitzakeen... [+]