2021eko ekainaren 16a
Bertsozale elkarteak adierazi duenez, Hazparneko Bertso Eguna atzeratzea erabaki dute, Ipar Euskal Herrian egun dauden baldintzekin ezinezkotzat jo baitute emanaldia egitea.
Maiatzaren 22rako aurreikusita zegoen Hazparneko Bertso Eguna, baina atzeratzea erabaki du Bertsozale Elkarteak. Izan ere, egun Ipar Euskal Herrian dagoean egoerak ez du emanaldia egitea ahalbidetzen, eta datorren urtera atzeratzea erabaki da, data zehatzik gabe.
Hasieran, urteko lehen Bertso Eguna izan behar zuen Hazparnekoak baina arrazoi berberengatik atzeratu zen maiatzera eta azkenik, berriz ere atzeratzea erabaki da. Saiorako sarrera erosita zutenei dirua itzuliko zaiela adierazi dute.
Hala ere, Iruñean eta Getarian antolatutako Bertso Egunak egin ahal izan zituzten otsailean eta martxoan. Hazparnekoarekin batera, "pandemiak kulturan eta bertsolaritzan utzi duen arrastoa leuntzeko eta plaza indartzeko" apustuaren baitan kokatzen dira. Bide horretatik hainbat emanaldi antolatzen ari dira: Eskolarteko finalean parte hartu gabe geratu diren gazteentzako Eskolatik Plazara, proposamen berritzaileak plazaratzeko Bidaiak bertso saioak edota maiatzen 6an lehen saioa izango duen Gerturatu Eta Lau ekimen parte-hartzailea jarri dituzte martxan.
Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.
Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!
