Hasi da Kote Cabezudo argazkilariaren aurkako epaiketa, manifestarien txistu artean

  • Bederatzi urteren ondororen, abiatu da Gipuzkoako Auzitegian epaiketa nagusia: hamazazpi emakumeren salaketak ditu oinarri, eta sexu-izaerako 32 delitu egozten dizkiote, haur pornografiari, iruzurrari eta modeloen osotasun moralari lotutakoak, besteak beste. Epaitegi aurrean elkarretaratzea egin dute justizia eskatzeko eta akusatzaileei elkartasuna adierazteko.


2022ko martxoaren 07an - 16:46
Aurreko epaiketa batean egindako elkarretaratzea. / Argazkia: Iñaki Agirre, Irutxuloko Hitza.

Kote Cabezudo moda argazkilari donostiarraren aurkako lehen salaketa jarri zutenetik bederatzi urte igaro dira, eta orain abiatu da haren aurkako auzibide nagusia. Martxoaren 7an zen hastekoa, baina bertan behera utzi dute ordubeteren ostean; epaiketa egiteko baldintzak aurkeztu dituzte bi aldeek, eta horien gainean erabaki behar du epaileak. Besteak beste, defentsak hala eskatuta Cabezudok soilik fiskalaren galderei erantzungo die, ez akusazio partikularrarenei.

Bestalde, Mario Diez akusazio partikularraren abokatuak eskatu du akusatzaileen identitatea babesteko neurriak hartzeko; jakinarazi duenez, emakume askok oraindik ez dute erabaki epaitegian Cabezudoren aurrean egon nahi duten ala beste gela batean. Martxoaren 8an segiko du auzibideak, 9:30ean, eta bost aste iraungo duela aurreikusi dute. Fiskalak 121 urteko kartzela zigorra eskatzen du; akusazio partikularrak, aldiz, 2.338 urtekoa. Harekin lan egin zuten hamazazpi emakumeren salaketak dituzte oinarri, eta modeloei sexu-izaerako 32 delitu egin izana leporatzen diote: sexu erasoak, haur pornografia eta iruzurra, besteren artean. Martuteneko kartzelan dago argazkilaria, behin-behineko espetxealdian, baina auzibidea maiatzaren 4a baino lehen ebatzi ezean, aske geratuko litzateke, lau urteko gehieneko espetxealdia agortuta.

Justizia nahi dute

Gipuzkoako Auzitegiaren aurrean elkarretaratzea egin dute, Kote Cabezudoren Biktimentzat Justizia plataformak eta Indarka argazkilariaren biktimen taldeak deituta. Atzeko atetik sartu dira Cabezudo eta haren defentsa, Naizek jakinarazi duenez, baina txistu artean hartu dituzte manifestariek. Justizia galdegin eta elkartasuna adierazi die emakumeei, eta gogorarazi dute salaketa jarri dutenak baino gehiago direla biktimak: “Cabezudo pertsona ezaguna izan zen 20 urtez. Aste hauetan hemen egongo diren 21 emakume ausartez gain, biktima askoz gehiago daude”.

Martxoaren 8a bertan dela probestuta, kexatu dira talde feminista gehienen eta instituzioen babes falta izan dutela Cabezudoren akusatzaileek.


Kanal honetatik interesatuko zaizu: Indarkeria matxista
Sexu erasoak egiteagatik zigortu dute Gerard Depardieu aktorea, baina ez da kartzelara joan beharko

Hemezortzi hilabeteko kartzela zigorra ezarri dio epaitegiak, baina ez du zigorra bete beharko. Azken hamarkadan, dozenatik gora emakumek salatu dute aktore frantziarraren sexu erasoen biktima izan direla. 2021ean Les volets verts filmaren grabaketan eraso ziela salatu zuten bi... [+]


2025-05-12 | Euskal Irratiak
“Errientaren apartamentua ikasgelaren gainean zenez, ikaslea hara eraman eta bortxatzen zuen”

Donibane Garazi inguruko herri ttipi batean sortua da Bea, eta 1970eko hamarkadan ondoko eskola publiko batean ikusi zituen bortizkeria, sexu eraso eta bortxaketak salatu dizkigu. Irakasleak eragiten zizkiela tratu horiek ama eskolako eta lehen mailako haurrei, mutikoak bortizki... [+]


2025-05-08 | ARGIA
Iratxe Sorzabal absolbitu du Espainiako Auzitegi Nazionalak, “tratu gizagabeak” pairatu izana aitortuta

Epaiak dio 2001ean Sorzabalek egindako autoinkulpazioa "tratu txarren ondorioa" izan zela, eta beraz, "baliogabea" dela. 1995ean Irunen lehergailu bat jarri izanagatik atxilotu zuten 2001ean, eta bost egunez inkomunikatuta atxiki zuten, gogorki torturatuz.


Frantziako lehen ministroaren alabak ere salatu du “bortizki jipoitu” zutela Betharramgo ikastetxean

Alain Esquerrek idatziriko Le silence de Bétharram (Betharramgo isiltasuna) liburuan eman du lekukotza Helene Perlantek, François Bayrouren alabak. 1980ko hamarkadan egon zen ikastetxe katolikoan ikasle eta berrogei urte luzeetan isilik atxiki ditu bertan jasandako... [+]


2025-04-24 | Gedar
Indarkeria matxistaren aurkako babesa: Hego Euskal Herrian, salatutako kasuen %31tan ez ziren neurriak hartu

Espainiako Estatu mailan, behera egin dute bai ezarritako babes-neurriek bai aurkeztutako eskaerek.


Bortizkeria ikusgarri egitetik, ardura hartu eta erreparaziorako bideak antolatzera

Azken bi hamarkadetan indarkeria matxistaren gaia lehen lerrora ekarri du mugimendu feministaren borrokak, besteak beste, eta bikote arteko indarkeria edo “familia arazo” gisa deskribatzen zenak, eremu publikora eta kalera egin du salto. Indarkeria matxistaren... [+]


Baionako Xingar Ferian salatutako bortxaketa gaitzesteko elkarretaratzea egin dute

Ostegun gauean emakume bat bortxatzea egotzita atxilotu zuten gizon bat larunbatean. Gizona kasua argitu arte zaintzapean dago. Mobilizazioa egin du Itaiak astelehenean 18:30ean, Baionako Herriko Etxean, eta horren erantzukizuna azpimarratu du.


2025-04-11 | ARGIA
Uztaritze, Domintxaine eta Angeluko hiru ikastetxetan izandako hamahiru eraso salatu dituzte

Hamaika eraso Uztaritzeko (Lapurdi) San Frantses Xabierko ikastetxe katolikoan gertatu ziren, beste biak Domintxaineko (Zuberoa) ikastetxe katolikoan eta Angeluko (Lapurdi) San Josepe ikastetxe publikoan. Uztaritzeko ikastetxean ikasitako bost gizonek beren testigantzak eman... [+]


Betharramgo indarkerien berri “komunikabideen bidez” hartu izana zehaztu du Baionako apezpikuak

Prentsaurrekoa eskaini dute ostegun honetan Marc Aillet Baionako apezpikuak, elizbarrutiko hezkuntza katolikoko zuzendari Vincent Destaisek eta Betharramgo biktimen entzuteko egiturako partaideetarikoa den Laurent Bacho apaizak. Hitza hartzera zihoazela, momentua moztu die... [+]


2025-03-12 | June Fernández
Meloi saltzailea
Eskratxe

Antifaxismoari buruz idatzi nahiko nuke, hori baita aurten mugimendu feministaren gaia. Alabaina, eskratxea egin diote Martxoaren 8ko bezperan euskal kazetari antifaxista eta profeminista bati.

Gizonak bere lehenengo liburua aurkeztu du Madrilen bi kazetari ospetsuk... [+]


85 urteko espetxe zigorra eskatu dute Hondarribiko surf irakasle erasotzailearentzat

11 adin txikikori sexu erasoak egiteagatik 85 urteko kartzela zigorra galdegin du Gipuzkoako fiskaltzak. Astelehenean hasi da epaiketa eta gutxienez martxoaren 21era arte luzatuko da.


2025-03-07 | Laia Alduntzin
Hezkuntza gotorleku

Matxismoa normalizatzen ari da, eskuin muturreko alderdien nahiz sare sozialetako pertsonaien eskutik, ideia matxistak zabaltzen eta egonkortzen ari baitira gizarte osoan. Egoera larria da, eta are larriagoa izan daiteke, ideia zein jarrera matxistei eta erreakzionarioei ateak... [+]


Elizako sexu abusuen biktimei kalte-ordaina emango die Iruñeko Artzapezpikutzak, “laster”

Elizak 23 kasu ditu onarturik Nafarroa Garaian. Haiek "ekonomikoki, psikologikoki eta espiritualki laguntzeko" konpromisoa adierazi du Iruñeko artzapezpikuak.


2025-02-28 | Gedar
Adin txikiko neska bati eraso dio Sarako kirol entrenatzaile batek

 15 urteko emakume bati egin dio eraso Izarra klubean jarduten zuen pilota entrenatzaile batek.


Eguneraketa berriak daude