'Harrotasunak ez du mugarik' aldarrikatu du Bizkaiko Ekainaren 28ko koordinakundeak

  • Europara datozenak gogoratuko dituzte aurten. Haiek abegi onez hartzen ez diren heinean mundu berririk ez dela izango adierazi du koordinakundeak.


2016ko ekainaren 24an - 10:49
Bizkaiko Ekainaren 28ko koordinakundeak Europara datozenak jarri ditu aurten erdigunean.

Hala dio Bizkaiko Ekainaren 28ko koordinakundeak prestatu duen idatziak: “Europako hiritarrok azken boladan ez dugu harro egoteko moduko arrazoi askorik”. Gerrak, ihesaldiak eta errefuxiatu guneak bizi behar izan dituzte eta dituzte Europara datozenek, eta horietako batzuek gainera, disidentzia sexualaren estigma jasan behar dutela salatu du koordinakundeak. Aurten beraz, Europara etorri diren gay, lesbiana, trans eta gainerako guztiak ikusarazi nahi dituzte.

Europar Batasunak desberdinenganako beldurra eta erasoaren diskurtsoa eraiki izana salatu dute, eta azpimarratu dute gizabanakoaren askatasunari eta giza aniztasunari zor zaion errespetuaren kontrako giroa sortzen ari dela. Eta hala dio idatziak: “Denok argi eduki behar dugu gaur hemen aldarrikatzen ditugun askatasun sexualak, Bilbon azken 39 urteotan egin dugun bezalaxe, gainerako herritarren askatasunekin batera baino ezin direla benetan garatu”.

Gehituk lehen aldiz festa herrikoia antolatu du ekainaren 25eko arratsaldean

Urtero bezala, ekainaren 25ean harrotasun festa antolatu du Gehituk. 00:00etatik aurrera elkartuko dira Egiako kultur etxean. Urterokoa da harrotasun festa, aldiz, aurten festa osoagoa prestatu dute.

Arratsaldean haurrak izango dira protagonista. 17:00etatik aurrera Gros auzoan marrazkiak, aurpegi margoketa, ipuinak eta musika izango dira, eta LGTB erreferenteak eredutzat eskainiko dituzte.

19:00etan bideoklip musikalak proiektatuko dituzte. Ondoren, Ekainaren 28ko harrotasun eguneko manifestua irakurriko dute eta Orlandoko atentatuan hildakoei omenaldia egingo diete. Musikak eta mokaduek giroa alaituko dute arratsean. Arratsalde osoan Gehitu, AMPGYL eta Amnisty Internationalek informazio mahaia jarrita izango dute.


Kanal honetatik interesatuko zaizu: LGBTI
LGTBI pertsonak armairutik ateratzeko beldur dira lantokian

LGTBI kolektiboko hamar lagunetik bederatzik sekretuan mantentzen du bere sexu-joera laneko nagusien aurrean, eta lautik hiru ez da armairutik ateratzen lankideekin. Zergatiez, beldurrez eta arriskuez hitz egin dute Espainiako LGTBI+ Federazioak egin duen ikerketan.


Elena Guinea. Guztiontzako guneak sortzen
“Taberna bat edukitzea ardoak ateratzeko bakarrik, paso”

Etxe honetan askok ezagutzen dute Elena Guinea: 2021eko abenduan aldizkariaren azalean agertu zen, titi bakarrarekin eta irribarretsu, alboan zituela Sandra Barkaiztegi eta Olatz Mercader. Iñurri elkartearen (Min)bizi podcastean entzungo zuten beste hainbatek —Argia... [+]


Bilboko eraso homofoboa Legebiltzarrera iritsi da

Santomasetan bi homofobok sudurra apurtu zioten 23 urteko gazte bati eta kasu horren harira hainbat galdera egin dizkio Elkarrekin Podemos-IUk Eusko Jaurlaritzari, LGBTfobiari aurre egiteko neurrien inguruan. Bilboko EHGAMek ere badu zer esana: "Zisheteronorma babesten... [+]


2024-01-08 | ARGIA
LGBT+ eragileek Baionako apezpikua salatu dute Aita Santuak bikote homosexualez esandakoa desitxuratzeagatik

Eliza katolikoak abenduaren 18an argitaratu zuen Fiducia supplicans agirian bikote homosexualak bedeinkatzeko aukera eman zuen. Abenduaren 29an, beste agiri baten bidez, Marc Aillet Baionako apezpikuak Aita Santuaren hitzak bere modura interpretatu zituen. Bere elizbarrutiko... [+]


2023-08-24 | Ilargi Manzanares
Pertsona trangeneroen aurkako erasoak handitu egin dira

Eraildako Trans Pertsonen Behatokiak egindako “Trans hilketen monitorizazioa” txostenean 2021eko urriaren 1etik 2022ko irailaren 30era 44 herrialdeetan izandako 327 pertsona transen hilketak salatu dira.


Eguneraketa berriak daude