“Harrera Aurrera”, etxebizitza eskubidea eta migranteen harrera uztartzen dituen ekimena
Harrera Aurrera ekimenaren aurkezpena egin dute Iruñean, abuztu osoan Iruñerrian garatuko duten egitarauaren berri ematearekin batera. Etxebizitza eskubidea eta etorkinen harrera uztartzen dituen eztabaida, aisialdi eta borrokarako espazioak sortuko dituzte.
aurre egingo dieten hedabide independenteak
Harrera Aurrera aurkeztu dute Iruñean. Lehenagotik lanean egon direnSOS Nafarroa eta hIREKIn-en elkarlanaz sortu dute, Mugen Kontrako Ekintzaileak-ekin batera. Helburua argia dute: Arrazakeriaren aurkako jarrera ezkerreko eragile politiko guztien baitan egon beharra dago, baina ez hitzetan soilik, praktikan baizik.
Etxebizitza eskubidea eta etorkinen harrera uztartuz, abuztu osorako egutegi zabala aurkeztu dute gaur. Honekin arrazakeriaren kontrako ideia agenda politikoaren zentroan jarri nahi dute, elkarrizketa, eztabaida eta eraikuntzarako espazioak sortuz.
Antolatzaileek arrazakeriaren gaietan protagonistak direnak ekarri nahi izan dituzte eztabaidara. Adibide dira PAHko kideak, edota Feminismoa eta Islamaren inguruko jardunaldia -United Africa-ren eskutik-. Gainera, kontraste eta perspektiba ezberdinak bilatu dituzte, herrialde ezberdinetako egoerak ekarriz eta dinamika bera aberastuz.
Ekintza politikoa birpentsatuz
Harrera Aurrera sortu duten eragileak lehenagotik lanean ere ari dira haien espaziotan. Hala ere, arrazakeriaren aurkako borrokan sakontzeko beharra ikusi zuten. Hasieratik hasita, errefuxiatuen harrera hartuz, Mugimendu Sozialen funtzionamendua ere analizatu zuten. Ondorio batera iritsi ziren: mugimendu sozialetan etorkinen presentzia oso txikia da, eta baliteke honen zergatia planteatzen diren ideiak errealitate gordinago batetik urrun daudela izatea. Gainera, errefuxiatuen afera hartu bai, baina honen mugak zabaldu behar zirela ere ikusi zuten.
Dinamika berriak ezker perspektiba batetik beheragokoen beharrei erantzungo zien planteamendua izan beharra zuen. Beraz, etxebizitza eskubidea eta harrera zentroan jartzen dituen dinamika sortu dute, borroka bikoitza gisa.
Urgentziazkoa den etxebizitzaren beharrari kasu egiten dion arrazakerian kontrako esparrua da Harrera Aurrera. Mugimendu Sozialek eman beharreko pauso bati erantzuten dio, hauek baitira gizartean errefuxiatuei eta etorkinei harrera emateko beharra duten sektore inportanteenetako bat.
“Gizarte mugimenduek jarri behar dute ideia antiarrazista mahai gainean, eta ezker-eragile politiko guztiek haien praktikan lekukoa jaso”. Feminismoan jartzen dute antolatzaileek ispilua, urte askotako borrokaren ondoren ezkerreko eragileak pixkanaka ideia feministak praktikara eramaten ari baitira, haien burua behin eta berriz feministatzat hartuz.
Azkenik, helburuen lorpenerako desobedientzia aldarrikatu dute haien tresna gisa. “Inplikazioa beharrezkoa da gai honetan aurrerapausoak emateko. Injustizien aurrean desobedientzia da arma legitimoa.”
Egitaraua
Abuztuak 8: 19:00, Errotxapeako Gaztetxean
Recuperando derechos. Método PAH
Abuztuak 10: 19:00, Errotxapeako Gaztetxean
Melillarako Karabanako parte-hartzaileekin tertulia. Mugak Zabalduz.
Abuztuak 11: 21:00, Errotxapeako Gaztetxean
Afari Mundiala
Abuztuak 15: 19:00, Zabaldin
Del trabajo social al trabajo político, Berlineko babes-eskatzaile batzuekin. (Parte-hartzailea: Loger Mobilization Berlin)
Abuztuak 17: 19:00 Zabaldin
Refugio y acción colectiva en Barcelona. Proyecto y Convivencias desde “La Tomaquera”. (Parte-hartzailea: Punt de suport – Asamblea de apoyo a personas migrantes)
Abuztuak 19: 12:00, Gobernu Delegaritzatik
Txirrindula Martxa. HARREA AURRERA
Abuztuak 22:
Feminismo e Islam (Parte-hartzailea: United Africa)
Abuztuak 24: 19:00, Barañaingo Gaztetxean
Retos del movimiento social, propuesta desde el antiracismo.
Abuztuak 26: 12:00, Nabarreriatik
Manifestazioa. OPEN THE BORDERS, OPEN THE DOORS
Albiste hau Topatu.eus-ek argitaratu du eta Creative Commons lizentziari esker ekarri dugu.
Migrazio krisia deitzen diote neoliberalismoaren ondorio ankerrenetako bati. Ultraeskuinaren agendaren lehen puntuetako bat da langile klaseko migratzaileen aurkako neurri sorta. Baina faxismo berrituaren lorpenik handiena da gainerako indar politikoek bere egitea haien agenda... [+]
Migratzaileak deportatzeko neurriez mintzatzeko, EB Europako Batasuna osatzen duten 27 estatuetako Barne eta Migrazio ministroak bildu dira asteartean, Kopenhagen. Ondorioztatu dute EBko herrialde gehienek babesten dutela etorkinak deportatzeko neurriak gogortzea... [+]
Atherbea elkarteak Baionako eguneko harrera zentroa ixtea erabaki du higiene falta dela eta. Egunero 100 pertsona ingururi ematen zien dutxa hartzeko eta gosaltzeko aukera, baina lokalean labezomorro eta arratoi asko daudenez, itxi egin behar izan dute.
Portugalgo Gobernua osatzen duten Alderdi Sozialdemokratak eta CDS-Alderdi Popularrak Chega eskuin muturreko alderdiarekin bat egin dute Atzerritarren Legea erreformatzeko. Delitu larriak egiten dituzten migratzaile nazionalizatuei pasaportea kenduko diete, herritartasuna... [+]
Frantziako Estatutik kanporatu zituzten, asilo-eskaerak Espainiako Estatuan egin behar zituztela esanez. Asteak daramatzate zain Donostiako Amara auzoan.
Euskal Herritik eta Kataluniatik abiatu da aurtengo Mugak Zabalduz karabana. Calaisko itsasartea, Frantziako Estatuan du helmuga, giza eskubideak bermatzea eta berehalako erregularizazioa eskatzen ditu besteak beste.
17 urteko gazteari tiro egin zion Frantziako poliziak bere nahia bete du, eta Ipar Euskal Herrira ekarri dute lanera. Polizia gehiegikeriaren ondorioz hildako Merzouken kasuak mobilizazio eta protesta ugari eragin zituen Frantziako Estatuan.
"Oxala Mediterraneoko herrialdeek beren betebeharrak beteko balituzte, eta bilaketa eta erreskateko uretan eskura dauzkaten operatibo guztiak martxan jarriko balituzte, jendeak itsasoan arriskurik izan ez dezan". Mikel San Sebastian Aita Mari erreskate ontziko kidearen... [+]
Bestea”-k gogaituta du gizateria, duena kenduko dio, duena eraldatuko du, kutsatuko du... “Bestea”-k definitzen gaitu... baina “bestea” denok izan gaitezke.
Egun, nor da “bestea”? Nork seinalatzen du izan behar ez dena?
Zapalduen... [+]
Emaitza positiboa eman zuen iragan abuztuan egindako testak, baina Polizia Zientifikoaren laborategira bidali baino lehen Ondarroako komisariatik desagertu zen frogen poltsa.
Oraindik joan den astea asimilatzen nabil. Boterean daudenen eta botere ereduetan eragin nahi dutenen aldarriak ozen entzun ditugu nonahi. Sareetan zein kalean.
Izan diren manifestazio ezberdinetan, herrietako giza eskubideen garapen maila agerian geratu da. Amerikako Estatu... [+]
"Atzerriko terroristengandik" babestea arrazoi bezala jarrita, Donald Trumpek dekretu bidez agindu du zazpi herrialdetako pertsona guztiei debekatzea AEBetara sarrera, eta beste bost herrialdetako herritarrei mugak jartzea.
Boubacar Dioufek, Mbolo Moye Doole Bizkaiko manteroen eta kalez kaleko saltzaileen elkarteko kideak, Bilboko kaleetan arrazakeria eta abusu poliziala areagotu direla adierazi du.
Ainararen aurkako epaiketa dela eta, Bilboko Epaitegiarekin aurrean elkartu dira Manteroekin bat! plataforma eta bertaratutakoak poliziaren gehiegikerien eta egiturazko arrazakeriaren aurrean, elkartasunez antolatuko direla aldarrikatzeko.