Hambacheko basoa husten saiatzen ari da Alemaniako polizia

Amaia Lekunberri @amaialekunberri
2018ko irailaren 13a
Hambacheko kideak bi polizia agenteren aurrean, iaz (Argazkia: hambacherforst.org)

Gaur bertan zabaldu dute alerta mezua Hambacheko basoko ekintzaileek. Bertan diotenaren arabera, Westdeutscher Rundfunk telebista eta irrati kate publikoak emandako informazioaren bitartez, Ipar Renania-Westfaliako eraikuntza ministroak basoko zuhaitzetako etxeak husteko agindua eman duela jakin dute. Azaldu dutenez, sute arriskuaren aitzakia erabili du husteari bidea emateko, zuhaitzetan dagoen jendearen segurtasuna zaintzea helburu duen esku hartzea bailitzan. Ekintzaileei heldu zaien informazioaren arabera, Ipar Renania-Westfaliako “operazio handi eta luzeenetarikoa izan daitekeela diote”.

Blindatutako kamioiak eta ur kanoia baso inguruan ziren goizeko 08:00ak aldera. Hauen atzetik gerturatu dira larrialdi ibilgailu ugari, poliziaren esku hartzeak izango duen tamaina zein izan daitekeen ulertzera emanez. 08:30ak inguruan sartu dira basoan goizaldetik inguruetan ziren polizia agenteak, eta zuhaitzetako etxeak husteko 30 minutu zituztela jakinarazi bertan zirenei. Basoko bizikideak operazioari erresistentzia egiteko prest agertu dira ordea, eta poliziak ez dituela geldituko adierazi dute.

 

Alemaniako ZDF telebista kateko kazetari Ralph Goldmanek zabaldutako informazioaren arabera, erresistentzian ari ziren zenbait kidek bidea mozteko egindako harresia desegiten eman du poliziak lehen ordu eta erdia. Ostean, langileek basoa garbitzeko lekua behar zutela argudiatuta kazetariak kanporatzeari ekin diote agenteek, bertan egotea “arriskutsuegia” dela esanez.

 

Erresistentzian diharduten pertsonen kontra indarrez ari da esku hartzen polizia, Yaena Kwon kazetariak zabaldu duen bideo honek erakusten duenez:  

Polizia ekintzaileen aurka biolentzia erabiltzen ari dela salatzen ari dira bertatik.

Egunetan aurreikusitako egoera

Hambacheko bizikideak ez ditu ustekabean harrapatu basoa husteko operazioak. Aurreko ostegunean eremua husteko saiakeraz geroztik, polizia inguruetan ibili baita. Are gehiago, irailaren 9an, igandea, poliziak astelehen goizaldean eremua husteko asmoa zuela zioen informazioa heldu zitzaien Hambacheko kideei. Biharamunean, baina, baretasuna nagusi zela argitu zuen egunak basoan, eta poliziak desalojorik egongo ez zela jakinarazi zuen. Errepideak blokeatuta aurkitu zituzten, eta basoa husteari ekin aurretik bazeukaten bidea zabaltzen nahikoa lan. Ordutik, berehalako huste baten esperoan, erne ibili dira Hambacheko kideak.

Zer dago basoa husteko xedearen atzean?

RWE konpainia elektrikoak basoaren 100 hektarea hustu nahi ditu lignitoa ateratzeko. Lignito edo ikatz arrea ateratzeko lur azaleko hiru meategi daude Hambachen, eta bertatik ustiatzen duena erreta argindarra sortzen du RWE enpresak. Meategia etengabe ari dira hedatzen, eta dagoeneko basoaren hiru laurden jan dituela kalkulatzen da. Alemaniako basorik zaharrenetarikoa denaren milaka urtetako eboluzioa epe motzean suntsitzen ari dira.

Basoaren suntsipenaren bitartez mundu osoa kaltetzen dela ohartarazten dute ekintzaileek. Izan ere, Hambacheko hiru meategiek eta Rhenaniako bost zentral elektrikoek, Alemaniako karbono dioxidoaren herena isurtzen dute. Berotegi-efektua eragiten duen gasa izanik, mundu osoko klima aldaketan daukan eragina kontuan hartzekoa da.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Ingurumena  |  Alemania  |  Okupazioa

Ingurumena kanaletik interesatuko zaizu...
2018-09-19 | Hainbat egile*
Iraultza Txikien Akanpada: ongi bizitzeko hiru egun

Ez dugu argi bidea. Ziurgabetasunak galarazten digu sarri xendra berrietarako lehen pausoa. Baina saiatu beharra dago. Galtzeko beldur barik. Esperientzia sozialek ez dute gainerako zientziek duten errore-marjina. Akatsik nimiñoena ere porrotzat hartzen da, baita guk geuk ere. Baina esperimentu sozialik gabe ez dago garapenik.


2018-09-19 | ARGIA
Santa Anako haritzak: Lapurdiko kostaldeko hirigintza basatiari aurre egiteko ikur

Urruña eta Ziburu arteko hainbat auzo-bide handitzeko lanetan 24 haritz handi arriskuan daudela ohartarazi dute Santa Ana eta Penditxeneako bizilagunek. Arbolak salbatu eta ekosistema babesteko sinadura bilketa hasi dute eta jadanik 1.600 lagunen atxikimendua jaso dute.


Langile bat hil eta hainbat zauritu dira Belgikako erraustegi batean izandako leherketan

Pertsona bat hil eta lau zauritu dira gutxienez Indaver konpainiako erraustegi batean, Anberestik gertu dagoen Stabroek hirian joan den ostegunean leherketa izan ostean. VRT hedabidean jaso dute albistea eta diotenez, ez dago argi zerk eragin zuen leherketa. Bigarren aldia da bi urtetan istripua gertatzen dela erraustegi honetan.


2018-09-18 | Zero Zabor
Zabalgarbik 2005etik 600.000 tona eskoria lurperatu ditu kontrolik gabe, salatu du Zero Zabor Bizkaian-ek

ZZB Zero Zabor Bizkaian plataformak salatu du 2005etik gaurdaino Zabalgarbi erraustegiak 600.000 tona eskoria –hondakin nahasiak erretzeak utzitakoak– isuri dituztela Bizkaiko zabortegietan eta hori kontrol egokirik gabe egin duela, prozesuaren kalitatea bermatzen duen Gaiker fundazioak horretarako legezko akreditaziorik ez daukalako.


Piztu Bilbo Itzali MTV hiri ereduaren inguruan hausnartzeko lekua

Iraila sartuta gauden honetan pasatu berri den Abuztuko hilabetera begira jarriko gara eta udazkenean Bilbo hirian izango diren ekitaldi nagusiei begira ere.


2018-09-18 | Enbata
ENARGIA: %100 berriztagarri den zuen argindar hornitzailea Ipar Euskal Herrian

I-ENER, 450 akziodun kondatzen dituen energia ekoizle sozietateak %100 berriztagarria den argindarra eta SCIC (Société coopérative d’Intérêt Collectif) (*) forma ukanen duen egitura baten bidez bere aktibitatea bultzatuko duen ENARGIA (www.enargia.eus) izeneko tokiko argindar hornitzaile bat sortuko du.


2018-09-17 | Zero Zabor
Karrantzako Minda usteletik Zubietako erraustegira: nork ikertu behar ditu EAEko ate birakariak?

Bizkaiko Entzutegiak erabaki berri du Karrantzako Minda araztegiaren kiebrak badituela errudunak eta Bizkaiko bailara honetako azienden simaur-isuriak birziklatzeko proiektua antolatu zutenak kondenatu ditu, tartean Eusko Jaurlaritzako Nekazaritza saileko zuzendari postutik arazteagiaren bultzatzaile nagusia izan zen Martin Askazibar (EAJ), lekuko beste zenbait agintari ohiz gain.


2018-09-16 | Garazi Zabaleta
Jakoba Errekondo
"Gure baratzetik eta landareetatik ikasteko tresna da Landareak Lantzen agenda"

Extra, extra! Kalean da dagoeneko Landareak Lantzen bigarren zenbakia, 2019 urterako agenda-liburua! Udan ez da oporrik izan Jakoba Errekondo eta Antton Olariagarentzat, eta kurtso berriaren hasierarekin batera hemen da beste behin ARGIArekin elkarlanean egindako uzta: Errekondoren azalpenekin eta Olariagaren marrazkiekin osatutako agenda-liburua. Lana ezin da amaitutzat eman, dena den: erabiltzailearen nota, zita eta argibideekin osatua izateko pentsatua dago Landareak Lantzen.

[+]


2018-09-16 | Jakoba Errekondo
Sagardoaren emakumeak

Fruituak bildu eta dolarerako bidean jartzeko sasoia da. Udarea (Pyrus communis), sagarra (Malus x domestica), mahatsa (Vitis vinifera)... Bide motz eta azkarra dirudi baina makina bat itzulinguru eta hauen saihesbide landu behar dira fruitua muztio eta muztioa edari alkoholdun bihurtu arte.

Nire ustez, fruitu eta haziekin edari alkoholdunak egitearen arrazoi nagusiak bi izan dira. Batetik, uztak kontserbatzeko era bat da: alkohola iraunarazle edo kontserbatzaile denez, fruitu asko zenean... [+]


Code Rood mugimendua
Ehunka lagunek enpresa kutsakor bat blokeatu dute hiru egunez Herbehereetan, klima aldaketaren aurka

Code Rood mugimenduak bigarren aldiz blokatu du klima aldaketa eragiten ari den enpresa kutsakor bat, Herbehereetan. NAM izeneko enpresak gas tankeak dauzka Groningen hiritik gertu, eta bizilagunak gune kutsakorra izateaz gain, lurrikarak eragiten dituela salatzen ari dira. 700 lagunek desobedientzia zibileko ekintza prestatu eta 50 orduz sarbideak itxi zituzten, enpresaren lana etetea lortuz. Bost lagun zauritu zituen poliziak. Jarraian ekimenaren argazki eta bideoak.


Azkenak
EGILEA
Eguneraketa berriak daude