Ikasle Abertzaleek salatu dute goizean goizetik hainbat fakultatetako ateak itxita daudela eta Ertzaintzaren presentzia "nabarmena" dela EHUko Gasteizko campusean. Jendea identifikatzen eta motxilak miatzen ari direla azpimarratu dute. Gaur 12:00etarako mobilizazio deia egin dute, EHUk jartzeko asmoa duen 34 espedienteen aurka.
Gutxienez hamabi pertsona identifikatu dituzte EHUko Gasteizko campusean, eta motxilak miatzen ari dira, Ikasle Abertzaleek jakinarazii dutenez. Gaurko deitu du mobilizazioa ikasle antolakundeak, 34 ikasle unibertsitatetik kanporatuak izateko arriskuan daudela salatzeko. IAk adierazi duenez, Ertzaintzaren presentzia "nabarmena" da campusean eta hainbat fakultatetako ateak itxita daude.
Iazko martxoaren 24ko ikasle greban 34 ikasle atxilotu zituen Ertzaintzak Gasteizko EHUko campusean. EHUk ikasle horiei espedienteak irekitzeko asmoa duela jakinarazi diete, gutun bidez. IAk salatu du "unibertsitatetik jardun, aldarri zein antolakuntza politiko oro bortxaz ezabatu nahi izatearen seinale" dela espedienteen irekiera.
Horregatik, mobilizazioa egingo du Ikasle Abertzaleakek gaur 12:00etan, Gasteizko campusean, Askatasun politikoak defendatu, espedienterik ez! lemapean. Hiru exigentzia mahaigaineratu dituzte: espedienteak atzera botatzea, polizia unibertsitatera ez sartzea eta unibertsitateko kontrol sozialarekin amaitzea.
Egun osoko jardunaldi politikoaren barruan, manifestazio bat egingo du 19:30ean, Gipuzkoa Plazatik abiatuta. "Azken asteotako jazarpen polizialaren eta errepresioaren" kontra mobilizatuko dira.
Bi lagunen kontrako epaiketa hasi da gaur, otsailaren 29ean, Bartzelonan. Akusatuetako bat Zeberiokoa (Bizkaia) da, eta bestea Esplugueskoa (Bartzelona). 2020an Bartzelonan etxegabetze bat gelditzen saiatzean, Esquadra Mossoak bortizki oldartu ziren han bildutakoen kontra... [+]
Fuerteventura (Kanariar Uharteak), 1954ko otsailaren 11. Tefiako Nekazaritza Kolonia abian jarri zuten uharteko aireportu abandonatuan, basamortuaren erdian. Nekazaritza kolonia eufemismoaren atzean, praktikan, kontzentrazio eremua izan zen Tefia, nagusiki LGBTI komunitateko... [+]
Bateraguneko auziko auzipetuen izenean hitz egin du Arnaldo Otegi EH Bilduko koordinatzaileak eta poza agertu du Espainiako Auzitegi Konstituzionalak auzia ez errepikatzea erabaki duelako. Estatuko herrien askatasun nahia modu demokratikoan bideratzeko deia egin dio Espainiako... [+]
Azken hiru urteetan %13,7 igo da Eusko Jaurlaritzaren segurtasun-aurrekontua. Datorren urterako igoera 44 milioi eurokoa izango da.