Zazpi migratzaileri muga igarotzen lagundu diete mozorrotutako dozenaka lagunek

  • Euskal errepublikaren aldeko Ehun mugimenduak antolatuta, mozorroturik zihoazen dozenaka lagunek Irundik Hendaiara arteko bidea egin dute larunbatean, oinez, Frantziako Poliziaren aurrean. Tartean ziren Afrikatik iritsitako zazpi herritar, ostean Baionako Pausa harrera-gunera lagundu dituztenak. Migratzaileen aldeko ekintzarekin, "burujabetza iraultzari" hasiera eman diola adierazi du Ehunek.


2022ko ekainaren 06an - 08:09
Ehun

Ehun mugimenduak salatu du Frantziak erabaki duela Afrikatik datozen lagunak ezin direla pasa Gipuzkoatik eta Nafarroatik Lapurdi, Nafarroa Beherea eta Zuberoara, eta debeku horren ondorioz, bizi hobe baten bila Afrikatik etorritako hainbat lagun hil direla: "Bidasoa ibaia heriotzaren sinonimo bilakatu dute Frantziak eta Espainiak".

Mugan egindako ekintzarekin, "herritartasuna emateko eta gure herrian libre mugitzeko eskubidea" aldarrikatu dute. Afrikatik etorritako zenbait pertsonari Euskal Errepublikako Herritartasun Agiria (EEHA) eman diete, eta agiri horrekin "Euskal Herrian libre ibiltzeko aukera luzatu". Mugimenduak iragarri du uztailaren 4an beste ekintza bat egingo dutela.

Azpian, ekimenaren bideoa:

"Burujabetzak lapurtu dizkigute"

"Burujabetza iraultzak oinarrian irakurketa bat du: burujabetzak lapurtu dizkigute hainbat esparrutan, eta askotan mugatzen gara burujabetzak lapurtu dizkiguten horiei mesedez eman diezazkigutela eskatu edo erregutzera", azaldu zion Ehun mugimenduko kide Unai Apaolazak pasa den astean ARGIAri. Zigor Olabarriak egin zion elkarrizketa.

"Guk diogu horrek ez duela funtzionatzen, eta historiari begiratuz gero funtzionatzen duena dela burujabetzak praktikara eramaten hastea esparruz esparru", dio Apaolazak. "Euskal errepublikaren helburua lortzeko ere hori da bidea, askotan egin den bezala, askok egin duten bezala: intsumituak, ikastolak, Rosa Parks-ek... Gu urrats hori egitera goaz, uste dugu jendea erakarri dezakegula horrela".


Kanal honetatik interesatuko zaizu: Migrazioa
Polizia operazio "arrazista" Donostian: 29 lagun eraman ditu Poliziak identifikatzeko

Ostegun goizeko 8:00etatik 12:20era Polizia operazio handia egon da Donostiako Martutene auzoko etxe okupatu batean. Espainiako Poliziak, Ertzaintzak eta Udaltzaingoak elkarrekin egin dute operazioa, “atzerritarren bulegoaren operazioa” dela azaldu dute. Donostiako... [+]


Lotsaren ituna

Duela aste batzuk Bartzelonan batu ginen Mugak Zabalduz karabanaren aurtengo ibilbidea eta helburua zehazteko asmoz. Uztailean Trieste eta Balkanetako mugara joango gara, berriro ere (bederatzigarren edizioa da) Europak sustatzen duen migrazio-politikak sufrimendua eta heriotza... [+]


Materialismo histerikoa
Atzerritar

Eta mugak igarota ere zer, muga azalean geratzen da, eta betirako, etengabe, da atzerritar barruan muga daramana, hain atzerritar, ezen ez duen guztiz pertsona ematen. Ezen hori baino ez dugun ikusten, hemengoa izanik ere bai, askotan, ijitoa bada, adibidez, atzerritarra... [+]


Frontexek bazekien ‘Adriana’ ontziko migratzaileak arrisku larrian zeudela, baina ez zuen ezer egin

Greziako kostaldean joan den urteko ekainean 720 migratzaile zeramatzala hondoratutako itsasontziaren kasuari buruzko ikerketa publiko egin du Europako Herritarren Defendatzaileak. Azaldu duenez, Frontex erakundeak ez du nahikoa "tresnarik" egoera horietan bere... [+]


Eguneraketa berriak daude