Presoen kolektiboko 8 bitartekari atxilotu dituzte, 20 pertsonaren aurkako operazioan

  • Guardia Zibilak zortzi lagun atxilotu ditu asteazkenean EPPK-ko mintzakideen kontrako operazioan. Atxilotuetako zazpi Madrilera eraman dituzte. Zulueta Bilbon dago oraindik. SUP Espainiako Polizien Sindikatuak haserre hitz egin du albistea zabaldu zuelako Barne Ministerioak gertatu aurretik. "Operazioa 20 pertsonaren aurkakoa zen".

ARGIA @argia
2014ko urtarrilaren 09a
Guardia zibilak Bilbon (Argazkia: @mugarteburu)

Ondorengoak dira atxilotuak: Arantza Zulueta eta Jon Enparantza abokatuak; Aitziber Sagarminaga, Jose Campo, Egoitz Lopez de La Calle, Aintzane Orkolaga, Asier Aranguren eta Mikel Almandoz dira atxilotuak. Denak aurretik ere atxilotu izanak dira.

Atxilotuak ez dira gaur epailearen aurretik pasako, Naizeko Alberto Pradillak Espainiako Auzitegi Nazionaleko iturriak aipatuz Twitterren argitaratu duenez. Operazioarekin lotuta, Iñaki Goioaga Amaiurreko senatariaren bulegoa ere miatzen ari da Guardia Zibila, "froga gehiago lortzeko" asmoarekin.

Operazioa 20 pertsonaren aurkakoa zen

"Operazioa 17:00etarako zegoen aurrikusia, eta 20 bat pertsona atxilotzeko zegoen prestatua. Azkenean atxilotuak zortzi izan dira, beraz, hor dago azken emaitza". Ostegunean, operazioaren nondik norakoen berri zuen Barne Ministroak adierazi du akatsak ez duela kopuruan eraginik izan. SUPeko kideek "kartzela zigorrarekin ordaintzeko moduko akatsa" kalifikatu dute.

Filtrazioaren ondorioz, gertatu baino lehen agertu da hedabideetan operazioaren albistea. Espainiako Barne Ministerioak atxiloketei buruzko prentsa-oharra igorri du medioetara eta handik minutu batzuetara beste mezu baten bitartez informazio hori ezeztatzen saiatu da. Ordurako ordea, bolo-bolo zebilen hedabideetan eta sare sozialetan.

Atxilotuen artean Asier Aranguren iruindarra dago. Ezaguna da besteak beste Asier ETA biok dokumentaleko protagonista delako.

Goizaldeko 4:30 ingurura arte izan dira poliziak Zuluetaren bulegoan; eta Enparantza ere goizaldean eraman dute bulegotik etxera.

Espainiako Gobernuaren azalpenak

Sarekadari buruzko azalpenak eman ditu Jorge Fernandez Diaz Espainiako Barne ministroak. Bere esanetan atxilotutako pertsonak "presoak kontrolatzeko" erabiltzen zituen ETAk.  "Beste pauso bat eman dugu ETA desegiteko Zuzenbide Estatua egiten ari den borrokan".

Atzerri Gaietarako ministro Jose Manuel Garcia-Margallok ere hitz egin du operazioari buruz. Bere esanetan, Herriraren kontra joan den irailean egindako operazioari segida eman dio gaurkoak. Garcia-Margalloren arabera, gaurkoak argi erakusten du Rajoyren gobernuak "ez duela negoziatuko" ETArekin.

Eusko Jaurlaritza eta Sortu

Jaurlaritzak adierazi du espero duela EPPKren bitartekarien aurka egindako operazioa "erabat justifikatua egotea". "Bakearen eraikuntzako prozesu konplexuan garai berriak bizi ditugu", eta operazioa nahasitzat jo du.  Urkulluren Gobernuak polizia operazioaren eragin eta xehetasun guztiak jakin arte ez duela baloraziorik egingo adierazi du. Sortuk dio "EPPK-k eta euskal preso ohiek konponbidearekiko adieraziriko konpromisoari bakearen etsaiek emandako erantzuna da gaurkoa". Urtarrilaren 11n Bilbon egingo den manifestaziora joateko dei egin du.

Eusko Jaurlaritza, EAJ, Sortu, Lokarri, Aralar, ELA, LAB, Tantaz Tanta, Alternatiba eta Ernairen erreakzioak bildu ditugu albiste honetan.

Ertzaintzarekin tentsio uneak

Bilbon tentsio uneak izan dira Ertzaintzaren eta atxilotuei babesa eskaintzera hurbildu diren herritarren artean. Beheko argazkian Ertzaintzak kargatu aurreko instantea ikusten da. Laura Mintegi EH Bilduko bozeramaileak Twitter bidez kontatu duenaren arabera, polizia autonomikoko agenteak jendearen aurka oldartu dira eta gutxienez lagun bat atxilotu dute. Naiz.info-k 19:00etan jakinarazi duenez, Basurtoko ospitalean atxikita dauka Ertzaintzak Elkano kalean zauritu duen gaztea.

Ertzaintza

Operazioa iruditan

Donostiako Matia kalean Jon Enparanzaren etxe ingurua moztu du Guardia Zibilak. Ertzaintzarekin elkarlana egin dute.

Jon Enparantza etxera igo osteko uneak.

Donostia. Argazkia: @larbelaitz (16:45etan sareratua).

"Atxilotuak askatu, alde hemendik!" lemadun pankartaren atzean jendea biltzen hasi da Antiguon (Argazkia: @larbelaitz / 16:25etan argitaratua)

17:30etarako jende ugari inguratu da Enparantzaren etxe aurrera. Ertzaintzaren eta Guardia Zibilaren lerroaren aurrean atxilotuak askatzearen aldeko oihuak egin dituzte. Ikusi bertan grabatu dugun bideoa:

Euskal Herriko hainbat lekutan miaketak egiten ari da Guardia Zibila. 15:30ean iritsi dira Bilboko Elkano kaleko abokatuen egoitzara, eta ordurako baziren jada zenbait kazetari han atarian, gutxi batzuk, Berria egunkariak jaso duenez.

15:55 aldera heldu dira poliziak Hernaniko egoitzara. Antziola kalean polizia-lerroa jarri dute (argazkia: Urko Apaolaza).

Guardia Zibila Hernanin

Lasarten ere Guardia Zibilaren autoak daude, Uistin kalean.

Guardia Zibila Lasarten

Lekeition, Arantxa Zuluetaren etxea miatzera joan dira Guardia Zibileko agenteak (argazkia: Leako Hitza).

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!


EPPK kanaletik interesatuko zaizu...
Milaka pertsona presoen alde korapiloak deslotzeko eskatuz

Euskal presoen auziari konponbidea ematea eskatu dute larunbat arratsaldean milaka pertsonak Bilbon. Kalera Kalerak deitu zuen manifestaziora, eta Presoak kalera. Bada garaia lelopean egin da Casillatik Bilboko udaletxerainoko bidea.


Presoen aldeko elkartasuna irudikatu dute 11.000 lagunek Parisen

“Bakea Euskal Herrian, orain presoak” lemapean, 11.000 lagun batu dira Parisen arratsalde honetan. Euskal Herriko xoko guztietarik hurbildu da jendea eta guztien artean bete dute 10.000 manifestari biltzeko helburua. Alderdi eta kargu ezberdinetako hautetsiak ere egon dira, presoen aldeko elkartasunak biltzen duen aniztasunaren seinale.


2017-11-19 | Xabier Letona
Herrira auzia: 600 urteko kartzela eskaera presoak babesteagatik

EPPK-ko presoak defendatzea arriskutsuagoa da XXI. mendeko Espainian frankismo gorrian baino. Edo haien aldeko lan politikoa egitea, haien eskubideez arduratzea edo beren senideak diruz babestea. Salbuespenezko dena da ETA doktrinak bizi-bizi dirau.


Euskal, espainiar eta frantses burgesiaren azken defentsa lubakia

Zer adierazi nahi dugu lerroburu horretan? Bada, beharrezko dutela aurrean duten euskaldunek funtsezko gaiei planto ez egitea. Hau da, Euskal Herria praktikan herrialde okupatu gisa onartzea, okupatzaileei aurre egin gabe.


2017-07-23 | Xabier Letona
EPPK, urratsez urrats askatasunaren bidean

Oso ausarta da EPPKren erabakia. Lehenbiziz bere bizitzan, badaki aurrerantzean bera izango dela bere buruaren guztiz jabe, ez duela ETArekin partekatu beharko ezer, molde batez edo bestez ETA desagertzera doalako eta presoek arduratu beharko dutelako beren etorkizunaz, beti ere euskal gizartearen laguntzarekin.


2017-07-17 | Xabier Letona
EPPK, urratsez urrats askatasunaren bidean

Oso ausarta da EPPKren erabakia. Lehenbiziz bere bizitzan, badaki aurrerantzean bera izango dela bere buruaren guztiz jabe, ez duela ETArekin partekatu beharko ezer, molde batez edo bestez ETA desagertzera doalako eta presoek arduratu beharko dutelako beren etorkizunaz, beti ere euskal gizartearen laguntzarekin.


EPPK-k hartutako erabakiaren inguruan

Alderdiek, kolektiboek edo espetxean nahiz “kanpoan” dauden militanteek hartutako jarrera politikoen aurrean dugun iritzia edozein dela ere, ideia, kokatze eta dinamika politikoei buruzko eztabaida, gure ustetan, gutxieneko irizpide batzuei loturik egon beharra dago.


2017-07-03 | ARGIA
ETAk aurten iragarri dezake bere desegitea

Hori da astelehen honetan Deia egunkariak argitaratu duena eta, honen arabera, erakunde armatuak urte bukaerarako eman dezake desagerpenaren berri.


2017-04-25 | Patxi Ruiz Romero
Erakundeko zuzendaritza batzordeari

Bada denbora bat, Berria-n eta interneten argitaratutako nire gutuna dela eta, nirekin kontaktuan jarri zinetela gutun horren argitaratzearekin Erakundearen hiru diziplina arau apurtu nituela informatzeko:

1) Ezker Abertzale osoaren ildoaren kontrakotasuna maila publikoan adieraztea.

 2) Zatiketa saioak babestu eta elikatzea.

 3) Erakundearen arauen eta barne diziplinaren urraketa.


Presoak hurbiltzeko "ahal duten guztia" egiteko eskatu die EPPK-k Urkulluri eta Barkosi

EPPK Euskal Preso Politikoen Kolektiboak Berria-ra eta Gara-ra igorritako agirian jakinarazi du “udaren erdialderako” plazaratuko dituztela eztabaida prozesuaren ondorioak. Azken urtean “presoen gaian” gizarteak egin duen lana eskertu dute, konpromisoa eskatu diete Iñigo Urkulluri eta Uxue Barkosi eta Jean-Rene Etxegarairen jarrera etsenplu gisa jarri dute.


Eguneraketa berriak daude