Larunbaterako manifestazio handia deitu du, Donostian. “Erreferenduma ez da delitua” lelopean ari dira deitzen herrietako mobilizazioak.
Kataluniako politikari independentisten espetxe zigorrak salatzeko, astelehen arratsaldez mobilizazioak egongo dira Hego Euskal Herriko herri askotan. Gure Eskuk Espainiako Estatuko Auzitegi Gorenak berriki jakinarazi duen epaia “demokraziaren aurkako eraso larria” dela salatu du. Hona hiriburuetan egingo diren elkarretaratzeen ordutegiak:
Donostia: 19:00etan, Bulebarrean.
Iruñea: 19:00etan, Udaletxe plazan.
Gasteiz: 19:30ean, Andre Maria Zuriaren plazan.
Bilbo: 20:00etan, Udaletxearen aurrean.
Auzitegi Gorenak 2017ko urriaren 1eko erreferenduma, besteak beste, sedizio delitu bat izan zela argudiatu du. Zigorraren laurdena betetzerakoan atera ahal izango dira kalera. Hala ere, Gure Eskuk adierazi duenez, “zigor epai honek ate handi bat zabaldu du eskubide zibil, politiko eta kolektiboak kriminalizatzeko”.
Proces auziarekin lotutako Kataluniako kontseilari ohiari desobedientzia delituagatik auzipetzeko erabakia jakinarazi behar zion epaileak. Ponsatik argudiatu du astelehenean ezin izan dela agertu, Europako Parlamentuan lana daukalako.
Carla Simóm zuzendariaren Alcarràs filma arrakasta izaten ari da, eta asteartean jakinarazi zen Oscar sarietarako hautagaia dela. Berria ezagutu eta gutxira, filmari izena ematen dion Kataluniako herriari buruzko Wikipedia orrian Urriaren 1ari buruzko... [+]
Oriol Junqueras, Raül Romeva, Josep Rull eta Jordi Turull politikarien kargugabetzeak Eskubide Zibil eta Politikoen Nazioarteko Ituna urratu zuela ondorioztatu du NBEk.
Gorenaren hirugarren aretoak iritzia aldatu du eta indultuari jarritako helegiteak aztertzea erabaki du orain. PSCk “espero du” indultatuak espetxera ez bueltatzea, eta Carme Forcadellek adierazi du “edozer gauza” espero duela Gorenetik.