Gueñes-Itsaso goi tentsioko linea bertan behera uztea eskatu dute

  • Gueñesetik Itsasora (Gipuzkoa) goi tentsioko linea elektriko bat sortzeko proiektua zabaldu zen 2011n. Alegazioen ostean, sei urtez stand-by egoeran egon da, eta orain, Espainiako gobernuak berriro aktibatu gura du, 2018an eraikitzen hasteko. Bada, egitasmoaren aurkako aldarria egin dute prentsaurrekoan EHNEk, Eguzkik, EH Bilduko hainbat kargudunek eta Garaiko alkateak. Proiektua bertan behera uztea eskatu dute.

Anboto @anboto
2017ko martxoaren 16a
EHNE eta Eguzkikoak, Zaldibar, Igorre, Antzuola eta Elgetako alkateak, eta Berriz, Zornotza eta Iurretako zinegotziak, gaur

26 herritan zehar igarota, 74 kilometroko ibilbidea izango du linea berriak, 30 metroko zabaleragaz. Ingurumenean eta herritarren osasunean kaltea ekarriko duela uste dute aurka agertu diren eragileek. “Lerroak minbizia-eragile direla dioten azterketak ugariak dira”, azaldu dutenez. Gainera, estatuan ezarritako esposizio neurriak zaharkituta daudela ohartarazi dute. “Gure osasuna eta ingurumena, beste behin ere, oligopolio baten mesedetan jartzea da linearen helburua”, kritikatu dute.

Linea sortzeko motiboa, “enpresa elektriko handiek negozioak mantentzea eta argindar fakturak igotzen jarraitzea” dela uste dute. “Benetako arrazoia, espainiar sistemaren gainprodukzioa Frantziara eramatea da”, gaineratu dute.

Udaletan hasi dira lurjabe kaltetuekin alegazioak garatzen. Berrizen, esaterako, aho batez onartu zuten atzoko bilkuran aurkako mozioa EAJk, EH Bilduk eta PSE-EEk. Udal teknikaria aurkako txosten bat prestatzen dabil, eta kaltetuei zein herritarrei  atxikimendua eskatuko diete. Iurretako udal batzordean ere aho batez egin dute aurka.

 

Albiste hau Markel Onaindiak argitaratu du Anboton eta CC-by-sa lizentziari esker ekarri dugu ARGIAra.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Goi tentsioko linea  |  Energiaren sektorea

Goi tentsioko linea kanaletik interesatuko zaizu...
Azkenak
EGILEA
Eguneraketa berriak daude