Atzera bota dute Itsaso-Deikaztelu tentsio handiko linearen eraikuntza

  • Autopista elektrikorik ez! plataformak larunbatean Iruñean emandako prentsaurrekoan jakinarazi du atzera bota dutela Itsaso eta Deikaztelu batzen dituen tentsio handiko linearen eraikuntza.


2017ko apirilaren 03an - 11:13
2014an linearen kontra egindako protesta.

Iturri fidagarrietatik jaso dute albistea, Espainiako Gobernuaren Ingurumen Ebaluaziorako Zuzendaritzak modu ofizialean jakinarazi baitie hori. Plataformak esan du erabakiak 2011tik defendatzen dituzten argumentuak berretsi dituela, eta azpiegituraren aldeko arrazoibideen funts falta agerian geratu dela.

Azken urteetan ekimen ugari egin dituzte erabaki hori lortzeko: 14.000 helegite inguru jarri dizkiote proiektuari, ehun Udalek baino gehiagok egitasmoa eraikitzearen kontrako mozioak onartu dituzte eta herri galdeketa ugari antolatu.

Ez da geldiaraztea lortzen duten lehen tentsio handiko linea, 2011n ere lortu baitzuten Gasteiz-Muruarte linea bertan behera uztea. Hala ere, Espainiako Energia Sareko buruek erretiratutako proiektuaren ordez beste bat aurkeztuko dutela uste dute, eta adierazi dute jada hasi dituztela horren kontra egiteko lanak.

Plataformatik kritikatu dute Nafarroako Gobernuak ez duela gaiari buruzko adierazpenik egin azken bi urteetan, eta konpromisoa eskatu diote gobernuari eragindako udalei eta herritarrei babesa emateko.


Kanal honetatik interesatuko zaizu: Goi tentsioko linea
2022-05-16 | Jon Torner Zabala
Nafarroa eta Gipuzkoa artean 431 elektrizitate dorre eraikitzearen aurka agertu dira ia 200 elkarte

Nafarroa eta Gipuzkoa artean, Barasoain eta Gabiria lotuko dituzten 80 metroko 431 elektrizitate dorre eraiki nahi dituzte REE Espainiako Elektrizitate Sareak eta Forestaliak. Autopista Elektrikorik Ez plataformak batzarra egin du Etxarri Aranatzen; bertan, proiektuaren aurkako... [+]


Goi-tentsioko beste linea bat egingo dute Nafarroan, Erriberritik Castejoneraino

Forestalia enpresak Nafarroan beste poligono eoliko bat eraikiko duela jakinarazi du Sustrai Erakuntza Fundazioak. Nafarroari eragiten dioten goi-tentsioko bi linea ere baditu enpresa honek.


2021-11-10 | Hala Bedi
Beste goi-tentsioko linea bat egin nahi du Forestalia enpresak Araban, Berantevilla eta Erriberabeitia artean

Hirugarrena izango da, Lautadan eta Arabako Errioxatik igarota Añanan planteatu baititu beste bi. Hainbat herritako udalak aurka agertu dira.


2021-11-03 | Hala Bedi
Iruraiz-Gaunako Udalak Arabako Lautada zeharkatzen duen goi tentsioko linea elektrikoa ez egiteko eskatu du

Txosten tekniko batek udalerrian izango dituen eragin larriez ohartarazi ostean, Iruraiz-Gaunako Udala proiektuaren aurka agertu da eta alegazioak aurkeztea erabaki dute udal taldeek.


2019-07-17 | Z. Oleaga
Bizkaiko golkoan goi tentsioko kablea urpetik pasatzeko egindako ikerketak dio lurra ezegonkorra dela

Capbretoneko arroila inguruko lurra ezegonkorra dela adierazi du Red Eléctrica de España (REE) eta Réseau de Transport d'Electricité (RTE) enpresen ikerketa geologikoak. Kablea botatzeko ibilbide berrien aukera aztertu bitartean proiektua... [+]


Eguneraketa berriak daude