1983ko abuztuaren 8an jabetu zen botereaz, estatu kolpe baten ondorioz hain zuzen, eta bera bezalako beste bat botata: Efrain Ríos Montt generala. Oscar Mejía Víctores 85 urte zituela hil da (2016-01-01), bere gain zituen genoziodio karguei aurre egin behar gabe.

Rigoberta Menchu Bakearen nobel sariak kerella ezarri zion Espainiako Entzutegi Nazionalean, desagerketak eta tortura eta genozidioaren akusaziopean. Horren harira, 2011n gizateriaren aurkako krimena leporatu eta atxilotu egin zuten Guatemalan, baina urtebeteren buruan bertan behera gelditu ziren haren aurkako akusazio guztiak, epaile batek akusazioei aurre egiteko ezgaitasun mentala aitortu ziolako.