Gezurrak, iruzurrak eta manipulazioak Guardia Zibilak M8ko manifestazioaz idatzitako txostenean

  • Guardia Zibilak informazio faltsuak eta adierazpen manipulatuak sartu zituen M8ko manifestazioari buruzko txostenean, Espainiako Gobernuari pandemiaren hedapenaren errua leporatzeko, manifestazioa baimendu izanagatik. Txosten horrek ekarri du Moncloak Madrilgo erkidegoan duen ordezkaria, Jose Manuel Franco, inputatzea; baita eskuineko sektoreek Sanchezen exekutiboari leporatzen dioten arbitrariotasunaren ideiak indarra hartzea ere, manifestazio batzuk baimendu eta beste batzuk debekatu zituelako.


2020ko maiatzaren 27an - 11:00
Guardia Zibilaren zuzendaria, María Gámez, Espainiako barne ministroa, Fernando Grande-Marlaska eta Guardia Zibileko operazioen zuzendaria, Laurentino Ceña. Argazkia: La Vanguardia.

83 orrialdeko txostena helarazi die Guardia Zibilak epaitegiei. Bertan adierazten du martxoaren 5etik aurrera manifestazio guztiak debekatzea zela egokiena, eta Espainiako Gobernuak jakin bazekiela manifestazio horiek sor zezaketen “arriskua”.

Hala ere, informazio huts handiak egotea, jada gezurtatuta zegoen informazioa sartzea, edota galdekatutako lekukoen bertsioak manipulatu izana leporatzen diote Guardia Zibilari. Adibidez, OMEk pandemia urtarrilaren 30ean deklaratu zuela adierazten du, eta Gobernuak bere arriskua aurrez ezagutzen zuela. Baina handik hilabete eta erdira deklaratu zuen pandemia Osasunaren Mundu Erakundeak.

Arbitrariotasuna ere leporatu diete Fernando Simon Espainiako Osasun Larrialdien Koordinazio Zentroko zuzendariari eta Salvador Illa Osasun ministroari, manifestazioak debekatu ez, baina Madrilen ospatzekoa zen kongresu ebangelista bat debekatzeagatik. Simonek argitu zuen kongresu hori bereziki arriskutsua zela, 120 herrialdetako jendea joango zelako Espainiako hiriburura.

Gobernuko partaideak M8ko manifestazioan eskularru moreekin egotea ere kritikatzen du Guardia Zibilak, arriskuaren jakitun zirela argudiatuz. Ez du azaltzen, ordea, manifestaziora eskularru moreak jantzita joateko deia egin zutela antolatzaileek.

CGT sindikatuak martxoaren 10erako deituta zuen manifestazioa ere COVID-19agatik bertan behera geratu zela dio txostenak. Sindikatuko Bankuen saileko Madrileko bozeramaleak Guardia Zibilari emandako bertsioa bestelakoa da, ordea: hilabete amaieran egingo ziren kaleratze baten harira deitutako manifestazioa zen, eta kaleratzearen dataren bueltan deitzea egokiago ikusi zuten.


Kanal honetatik interesatuko zaizu: Covid-19 shockean adi
Hamar milioi euroko komisioak sortu zituzten Koldo García atxilotu duten maskaren operazioan

Guardia Zibilaren esanetan, Victor de Aldama enpresariak ordaindutako diru kopurua litzateke hamar milioi euroko hori, eta Espainiako Garraio Ministerioak pandemia garaian egindako salerosketei lotuta legoke. Ostegun honetan utzi dute aske García, epailearen aurrean... [+]


2022-03-29 | ARGIA
COVID-19aren aurkako pilulak iritsi dira Hego Euskal Herrira

Hego Euskal Herrira pilulaz betetako 722 kaxatxo iritsi dira, COVID-19a larri pasatzeko arrisku handiko gaixoentzat zuzenduta. Europar Patasunak COVID-19arentzako ahotik hartzeko gomendatu duen lehen pilula antibirikoa da Pfizerren Paxlovid eta Espainiako Gobernuak 253 milioi... [+]


2022-03-15 | ARGIA
Indarkeria matxista pandemian: erailketa gutxiago eta suizidio gehiago

Pandemiaren eragina indarkeria matxistan azterketa kaleratu berri du Espainiako Gobernuak. Bertan ondorioztatu dute eraildako emakume kopurua gutxitu egin dela, hauek kontrolatuta eduki dituzten denbora gehitu izanaren ondorioz. Baina emakumeen suizidioak gizonenak baino gehiago... [+]


2022-02-22 | ARGIA
Hipra txerto katalana merkaturatzear denean, patenteak kentzeko eskatu dute hogei erakundek

Merkatura ateratzear den Hipra txertoari patenteak kendu diezazkiola eskatu diote hogei erakundek Espainiako Gobernuari. Izan ere, Kataluniako multinazional honek COVID-19aren aurkako txertoa egiteko entsegu klinikoetarako diru publikotik gutxienez 15 milioi euro jaso ditu.


Hemen dator Gorillas, kalea hiltzeko makina berria: zuk eskatu eta 15 minutu barru etxean bertan jasoko duzu

Amazon ondoren Glovo, Deliveroo eta Uber Eats-ek gure hiri eta auzoetako bizimodua hankaz gora jarri dutela uste baduzu, adi hurrengo uhinari: heldu dira Cajoo, Flink, Dija, Gorillas, PicNic , Everli... COVID-19 betean sortuta, tximista bezala zabaltzen ari diren banaketako... [+]


Eguneraketa berriak daude