Greziako kostazainen bertsioa zalantzan jarri dute
BBCk jaso duenez, asteazken goizean itsasontzia ez zen mugitu azken zazpi orduetan; kostazainek esan zutenaren arabera, ordu horietan Italiara bidean zihoan itsasontzia. Bederatzi atxilotuek gaur fiskaltzaren aurrean deklaratu beharko dute.
aurre egingo dieten hedabide independenteak
700 migratzaile inguru eramaten zituen hondoratutako ontziaren harira, Greziako kostazainek zabaldutako bertsioa zalantzan jarri du Erresuma Batuko BBCk. BBCren informazioaren arabera, hondoratu aurreko azkeneko zazpi orduetan ontzia ez zela mugitu esan dute haren inguruan ibili ziren itsasontziak. Kostazainen bertsioaren arabera, Italiara bidean zihoan itsasontzia, eta Greziak eskainitako laguntza ukatu zuten.
Berriak jaso dituen Greziako agintarien hitzetan, migratzaileek ez zutela laguntzarik eskatu diote, eta “arriskurik ez zutela”. Marine Traffic itsas analisirako plataformaren bidez BBCk ontziaren mugimenduaren jarraipena egin du. Mugimendua atzematen da, baina azkeneko zazpi ordutan “itsas mila gutxi batzuk” bakarrik mugitu zirela ikusi daiteke, Mediterraneo itsasoko haize eta olatuen ondorioz.
Nawal Soufi aktibista ontziko migratzaileekin kontaktuan zegoen. Astearteko 10:00etan abisatu zien egoera kritikoaz Italiari, Greziari eta Maltari. Soufi-rekin kontaktua zuten migratzaileek egoera kritikoa deskribatu zuten, hainbat hildako zeuden itsasontzian. Lucky Sailor ontziak janaria eta ura eman zizkien, Greziako Kostazaintzarekin elkarlanean.
Asteartean, migratzaileen ontziaren motorra geldirik zuen bitartean, hainbat itsasontzi pasa ziren inguruan. Faithful Warrior itsasontziak egindako bideoa eskuratu du BBCk, eta bertan astearteko 18:00 aldera ontzia geldirik ikusten da. Iluntzean, 19:40 eta 22:40 aldera, Greziaren hitzetan, “norabide eta abiadura egonkorra” zuela ontziak esan dute. Hala ere, Atenasek kaleratu dituen irudietan migratzaileen ontzia ez zela mugitzen ikusten da.
00:00 aldera, Greziako Kostazaintzako ontzi bat gerturatu zela esan dute Greziako hedabideak. Migratzaileek laguntza ukatu zutela esan du ontzi horretako kapitainak. Laguntzeko asmoarekin sokekin lotu zutela itsasontzia esan du, baina migratzaileek laguntza ukatu eta sokak kendu zituztela, eta motorra martxan jartzen saiatu zirela. Nawal Soufi-ren arabera, sokekin migratzaileak beldurtu zituzten, itsasontzia irauliko zutelakoan, ez zekitelako “ea erreskatatzeko operazioa zen ala beraien bizitza arriskuan jartzeko”. 01:40 inguru, minutu batean hondoratu zen ontzia, eta erreskate taldeak mugitzen hasi ziren.
Gipuzkoako Foru Aldundiak eta Donostiako Udalak Oñatiko Arantzazu egoitza eskaini dute maliar migratzaileentzat. Bertan geldituko dira Espainiako Gobernuak haien asilo eskariak ebazten dituen bitartean.
Manteroekin Bat plataformak eta Mbolo Moye Doole elkarteak elkarretaratzea egin zuten astelehenean Bilbon, azken asteetan poliziak manteroen aurka eginiko eraso "arrazistak" salatzeko. Izan ere, Boubacar Diouf kale saltzailearen arabera, poliziaren jazarpena... [+]
Diskurtso erreakzionarioen gorakadaz ari gara azken urteetan. Dela migrazioei buruz, dela feminismoa, euskara eta abarri buruz. Testuinguru horretan, garrantzitsua iruditzen zait jarrera erreakzionarioak edota migrazioei buruzkoak aztertzeko ez gelditzea titularretan, eta gaiari... [+]
Migrazio krisia deitzen diote neoliberalismoaren ondorio ankerrenetako bati. Ultraeskuinaren agendaren lehen puntuetako bat da langile klaseko migratzaileen aurkako neurri sorta. Baina faxismo berrituaren lorpenik handiena da gainerako indar politikoek bere egitea haien agenda... [+]
Migratzaileak deportatzeko neurriez mintzatzeko, EB Europako Batasuna osatzen duten 27 estatuetako Barne eta Migrazio ministroak bildu dira asteartean, Kopenhagen. Ondorioztatu dute EBko herrialde gehienek babesten dutela etorkinak deportatzeko neurriak gogortzea... [+]
Atherbea elkarteak Baionako eguneko harrera zentroa ixtea erabaki du higiene falta dela eta. Egunero 100 pertsona ingururi ematen zien dutxa hartzeko eta gosaltzeko aukera, baina lokalean labezomorro eta arratoi asko daudenez, itxi egin behar izan dute.
Portugalgo Gobernua osatzen duten Alderdi Sozialdemokratak eta CDS-Alderdi Popularrak Chega eskuin muturreko alderdiarekin bat egin dute Atzerritarren Legea erreformatzeko. Delitu larriak egiten dituzten migratzaile nazionalizatuei pasaportea kenduko diete, herritartasuna... [+]
Frantziako Estatutik kanporatu zituzten, asilo-eskaerak Espainiako Estatuan egin behar zituztela esanez. Asteak daramatzate zain Donostiako Amara auzoan.
Euskal Herritik eta Kataluniatik abiatu da aurtengo Mugak Zabalduz karabana. Calaisko itsasartea, Frantziako Estatuan du helmuga, giza eskubideak bermatzea eta berehalako erregularizazioa eskatzen ditu besteak beste.
17 urteko gazteari tiro egin zion Frantziako poliziak bere nahia bete du, eta Ipar Euskal Herrira ekarri dute lanera. Polizia gehiegikeriaren ondorioz hildako Merzouken kasuak mobilizazio eta protesta ugari eragin zituen Frantziako Estatuan.
"Oxala Mediterraneoko herrialdeek beren betebeharrak beteko balituzte, eta bilaketa eta erreskateko uretan eskura dauzkaten operatibo guztiak martxan jarriko balituzte, jendeak itsasoan arriskurik izan ez dezan". Mikel San Sebastian Aita Mari erreskate ontziko kidearen... [+]
Bestea”-k gogaituta du gizateria, duena kenduko dio, duena eraldatuko du, kutsatuko du... “Bestea”-k definitzen gaitu... baina “bestea” denok izan gaitezke.
Egun, nor da “bestea”? Nork seinalatzen du izan behar ez dena?
Zapalduen... [+]
Emaitza positiboa eman zuen iragan abuztuan egindako testak, baina Polizia Zientifikoaren laborategira bidali baino lehen Ondarroako komisariatik desagertu zen frogen poltsa.
Oraindik joan den astea asimilatzen nabil. Boterean daudenen eta botere ereduetan eragin nahi dutenen aldarriak ozen entzun ditugu nonahi. Sareetan zein kalean.
Izan diren manifestazio ezberdinetan, herrietako giza eskubideen garapen maila agerian geratu da. Amerikako Estatu... [+]