Gorrekin komunikazioa hobetzeko kanpaina abian jarri dute

  • Arabako gorren guraso eta lagunen elkarteak Hormek hitz egiten dute baina ez dute entzuten kanpaina martxan jarri du. Arana kalean kolektiboaren arazoa ikusarazteko horma-irudia egin dute.

Arabako Alea @ArabakoALEA
2016ko ekainaren 02a

Aspasor Arabako gorren guraso eta lagunen elkarteak herritarren eta gorren arteko komunikazioa hobetzeko kanpaina aurkeztu du gaur, Hormek hitz egiten dute baina ez dute entzuten lemapean. Komunikazioa errazteko, gorrekin komunikatzeko aholku erraz eta erabilgarriak zabalduko ditu elkarteak, bereziki, hezkuntza, osasun eta gizartearen arretarako zerbitzuen alorretan. Horretarako, ospitaletan, eskoletan eta erakundeetan banatuko diren hiru gida argitaratu dira.

Erakusketa eta hitzaldia

Era berean, gorrekin komunikatzeko aholkuak emango dituen argazkilaritza erakusketa ibiltaria antolatu du elkarteak. Ekainaren 9an, berriz, Unibertsitatean ikasten duten ikasle gorrei laguntza eskaintzeko hitzaldia eskainiko dute eta ekainaren 14rako, adituen topaketa antolatu dute. 

Horrez gain, Fill In kolektiboak, Aspasor elkartearekin batera, Hormek hitz egiten dute baina ez dute entzuten horma-irudi berria egin du Arana kalean.

Gorrekin komunikatzeko gomendioak

Entzumen arazoak dituzten pertsonekin komunikatzeko eman dituzten aholkuen artean honakoak aurkitzen dira; gorrarekin hitz egin aurretik bere atentzioa deitu behar da, honek begiratu arte itxaron eta orduan aurrez aurre hitz egin behar zaio, ahoa ondo ikus dezan. Horrekin batera, modu naturalean ahoskatzea gomendatzen dute, esajeratu gabe, tonu altuan baina ohikatu gabe.

Albiste hau Arabako Aleak argitaratu du eta CC-by-sa lizentziari esker ekarri dugu ARGIAra

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal honetan artxibatua: Aniztasun funtzionala

Aniztasun funtzionala kanaletik interesatuko zaizu...
"Nerea dut izena eta ez naiz desgaitua"

"Nerea dut izena eta ez naiz desgaitua. Desgaitasun bat daukat, miopia dudan bezalaxe. Aurreiritzi zaharkituak azpimarratzen dituen hizkuntza daukagu, eta hizkuntzaren bidez estereotipoak eta balio-iritziak sor ditzakegu, besteengan eragiten duten pentsamenduak eta sentimenduak adierazten ditugulako. Ez dadila izan ezgaitasuna definitzen gaituena; ez sustantibizatu adjektiboa".


2018-07-06 | Nahia Ibarzabal
Autismoa gizarteratzeko Mutriku eta Hondarribia igerian elkartuko dituzte

Autismoa gizarteratzea helburu duen proiektuari bukaera emateko, Saturraran-Hondarribia zeharkaldian ehundaka igerilarik hartuko du parte asteburuan.


2018-05-31 | Zuzeu
Errugbi Txapelketa barneratzaileko bigarren edizioa ekainaren 9an Hernanin

Hernanin, Landaren izango da Inklusibo txapelketaren 2.edizioa ekainaren 9an, larunbatean.


Markeli taka-taka egin diote ikasle helduagoek

Garapen motorra galarazten dion paralisia du 7 urteko Markelek, ez dauka nahikoa indarrik gerria eta hankak behar bezala mugitzeko eta taka-taka behar du, baina oso garestia da. Eskolan bertan aurkitu dute soluzioa: ikasle helduagoek, Soldadura eta Galdaragintza Ziklokoek, egin diote ibilkaria.


Jessica Martin Da Silva, diseinatzailea
"Jendeak ikusten gaitu gurpildun aulkian ia mugitu gabe eta pentsatzen du inutilak garela"

Jessica Martin irundarrak 24 urte ditu eta garun-paralisia du jaiotzetik. %95eko elbarritasuna dauka, gurpildun aulkian mugitzen dute eta apenas hitz egin dezake. Baina ez zaitzatela aurreiritziek engaina: bere egunerokoa ohean irudikatu baduzu, oker zabiltza. Buruan janzten dioten likornioari esker, idatziz komunikatu ahal izateaz gain, arroparako diseinuak egiten ditu, bigarren liburua ari da idazten eta ilustratzen, erakusketa egin berri dute bere margolan eta diseinuekin, hainbat enpresa... [+]


Aniztasun funtzionala duten emakumeak
"Gu gara gure bizitzetako protagonistak"

“Ikusezinak izan gara orain arte: ikusezinak legeetan, beste emakumeentzat, mugimendu feministarentzat. Zorionez, azken urteetan egiten ari garen lanari esker, ikusgarriak bihurtu gara“. Fekoor-eko (Gutxitasun Fisikoa edo Organikoa duten Pertsonen Bizkaiko Federazio Koordinatzailea) Bilboko egoitzan izan gara Mari Carmen Azcona Domínguez, Rosalía Cuadrado Pascual eta Marian Andrés Acharekin.


Paralitikoek ere sexua nahi dute

“Zuk medikuari ordaintzen diozu hagina konpontzeko. Gorputza ukitu diezadaten ordaindu beharra daukat nik. Deprimituta nengoen eta hau egiten dudanetik gustura sentitzen naiz, terapia bezalakoa da”. Sexu-laguntzailea darabilen emakume bat da hitz egiten duena, Kataluniako telebista publikorako egin duten Jo també vull sexe! dokumentalean.


Paralitikoek ere sexua nahi dute

"Deprimituta nengoen eta hau egiten dudanetik gustura sentitzen naiz, terapia bezalakoa da”. Sexu-laguntzailea darabilen emakume bat da hitz egiten duena, Kataluniako telebista publikorako egin duten Jo també vull sexe! dokumentalean.


Elena Urko
"Orain, emakumeok, transok, bollerok, amaneratuok, elbarriok eta lodiok hartzen ditugu kamerak, eta geure errepresentazioa gobernatzen"

Aktibista transfeminista da Elena Urko, eta Post Op taldeko kidea, Majo Pulidorekin batera. Postpornoaz eta errepresentazioaz hitz egin dugu berarekin.


2016-09-05 | Aiaraldea.eus
Parapentean jauzi egingo du gurpildun aulkian dabilen urdu˝ar batek, Renferen irisgarritasun falta salatzeko

Maria Luisa Goikoetxeak hilabeteak daramatza trenera igotzeko dituen eragozpenei erremedioa bilatzen. Orain, ekintza ikusgarria iragarri du bizi duen egoera salatzeko.


Azkenak
EGILEA
Eguneraketa berriak daude