Arropa denda batera joan,
eta “neska” edo “mutil” sekzioa aukeratu behar izatea.
Aukeratu nahi ez baduzu,
haur sekziora joan behar izatea.
Eta bertan ere, kolore eta irudiek aukera beraren aurrean jartzea.
Arropa denda batera joan,
eta 42 talla baino handiagorik ez aurkitzea.
Horrelako dendaren batean,
feminismoa aldarrikatzen duten kamisetak salgai izatea.
Janariari beldurra izatea,
baita norbere gorputzari ere.
Eta janariaz ezin gozatzea,
ezta norbere gorputzaz ere.
Argaltzeko edo argal mantentzeko dena,
osasuntsua dela kontsideratzea.
Baita koipetsua eta azukreduna berez txarra dela ere.
Eta hori plazerez jaten duena,
epaitzea.
Guapa izan behar izatea. Guapa, atsegina eta jatorra,
...pasatu gabe, eh!
Photoshopez eraldatuta, arropa gutxiz eta guztiz kosifikatuta,
emakumeak kaleko iragarkietan aurkitzea.
Itsusiak izan ezin, baina itsusi izanda ere, objektu sexual besterik
ez diren emakumeak.
Sexy eta sexualak izan behar garela esaten diguten kartelak
etengabe topatzea.
Baita sexualak garenean pasatzen garela eta putak garela entzun
behar izatea.
Lodiak ere sexyak izan daitezkeela entzutea,
hobe sexyak, itsusi eta potolo hutsak baino.
Hiri eta herriko kaleetatik ibiltzea,
eta arropa eta estetika arloko marka handien okupazioa sentitzea.
Okupazio espaziala, diskurtsiboa, ideologikoa eta kapitala.
Frantziatik Donostiako Zarara erostera etortzea,
“prezio españolen” bila.
Baita Zara aitzaki hartuta turismoa bultzatzea ere.
Hiriko zentroa Amancio Ortegarena izatea,
zonaldea garestituz eta bertan bizitzea zailduz.
Auzoko azoka zena,
marka handien erakusleiho bihurtzea.
Eta bertakoek euren egunerokotasuneko ohitura, ibilbide eta
harremanak
aldatu behar izatea.
Prezio merkeen oihanean,
lehen merkatzen diren prezioak eskulanarenak izatea:
Inditexek mendebalde aberatsean dituen dendetan,
zein pobretutako herrialdeetan dituen lantegietan.
Azaroak 25 honetan honi guztiari indarkeria matxista deitzen diogu.
Indarkeria estetikoa jopuntuan jarri nahi izan dugu gaur, eta
horrekin batera egituratzen diren bestelako indarkeria forma eta
zapalkuntzak.
Indarkeria matxista ez baita zerbait isolatua edota gizartearen
akats bat, erroan kokatzen den zerbait baizik, mundu kapitalista eta
heteropatriarkal honetan ezinbestekoa.
Indarkeria estetikoak buruak eta gorputzak zeharkatzen dizkigu. Edo
horren ahalegina egiten du behintzat. Gure gorputzekin egin bezala,
lurraldea, hiria, kaleak eta espazio publiko eta komunitarioak ere
egin nahi ditu bere, indarkeria estetikoa bultzatu eta eragiten duten
agente kapitalista eta heteropatriarkal berberek.
Baina ez, ez gara objektu pasiboak, ez dugu izan nahi, eta ez gara
izango!! Indarkeria estetikoak gure gorputzetan ere kokatu digu
borroka,
eta gorputzetatik, gorputzekin eta gorputzez erantzungo diogu!
Guzti honengatik, pasa den larunbatean itxita esnatu ziren Donostiko
erdialdeko dendak, donostiarroi eta emakumeoi bizitza aldarazten,
inposatzen, txikitzen, bereganatzen dituzten komertzioak salatzeko
asmoz. Sortu eta eragiten duten indarkeriaren aurrean planto eginez,
eta inposatzen diguten hiri eredu kapitalistari ezetz esanez.
Ez ditugulako gure gorputzetan, gure buruetan, gure kaleetan, gure
hirian nahi.
Ilegalki baina zilegitasunez!
Proposatzen dizkiguten bideek ez digutelako balio.
Eskaintzen dizkiguten apurretatik ez dugulako bizi nahi.
Bizitza handiena delako,
inposiziorik gabe eta indarkeria matxistarik gabe bizi nahi
dugulako!
Borroka dezagun indarkeria sinbolikoa etxeetan, komunetan, kale eta plazetan, arropa dendetan eta tabernetan!
Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.
Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!
Erabaki dute sindikatuek: ez da greba orokorrik izanen. Ostegunean bildu ziren Jaka Horien mugimenduari begira jarrera bat adosteko. Testu amankomun bat argitaratu zuten, "bortizkeriak" gaitzetsi eta hitz erdika Frantziako Gobernua negoziatzera deitzeko.
Bazterketa izan da historian zehar herri askotako bizitzeko moduan gertatu dena. Eta baztertuek bere defentsarako erabili izan dute bazterketa. Defentsa fisikoa egiteko batzuetan eta ohiturak babesteko beste batzuetan, pentsatuz hobe zela berdinak berdinekin elkartzea indar handiagoa izateko.
Amak sukaldean duen egutegia begiratu dut. Mungialdeko paisaia lainotsu bat eta azpian aipu bat: “Euskara hizkuntza bisexuala da. Anari”. Ozen irakurri dut. Amak eta biok desberdin interpretatu dugu. Berak uste duelako, euskaraz genero markarik ez dagoela. Nik euskaldun guztiok garelako aldi berean erdaldun. Tira, nire amak arrazoia izango du.
Txikia nintzenean Mecanoren Mujer contra mujer kanta mitikoaz gain, beste batek egiten zidan kilika barrenetan: “Y nos metimos en el... [+]
Filosofo australiarra da Peter Singer, 72 urtekoa; 1975ean Animalien askapena liburua idatzi eta, kritikak ugari bildu ditu hemen gaindi, batzuk zakarrak.
Esperimentazioan eta hazkuntzan abereekin erabiltzen diren torturak jorratzen ditu Singerrek, eta elikagai begetalen abantaila anitzak azpimarratzen. Kulturetan, erlijioetan edo filosofian izan diren jarrerak ere aztertzen ditu, zoliak zein traketsak. Traketsetan Descartes ahaztezina: sentsibilitaterik gabeko makinatzat jotzen zituen... [+]
Noizean behin irteten diren gaien artean, hau da Bilboren periferian azken bi hamarkadatan abertzale munduaren inguruan ibili garen adiskideen artean dugun hizketa gaietako bat. Hasi gintezke nazioartean dauden aukerez, Kataluniaz edo guztiz agerikoa den Estatuaren krisi orokorraz, gure begiradak ordea ez dira hain urrutira iristen. Kaleko harremanak, laneko elkarrizketak, familiako zailtasun eta ilusioak dira gure oinarri. Bilborako metroko joan etorriak gure soziologia laborategia... [+]
Sekula gauzatu ez dudan proiektu bat dut aspaldian buruan: arratsaldeko telebista saioen etenetan ematen dituzten iragarkiak grabatu, eta ostean iruzkinak egin. Ziur naiz irudi terrible bat aterako litzaidakeela. Izan ere, publizitateek urteko sasoiak adierazi ez ezik, modan eta bogan dagoena ere markatzen dute.
Proiektua egin bitartean, aspaldion ikusitakoekin konformatu behar. Poker, erruleta eta postura etxeen iragarkiak nagusi dira, diru erraz baten promesa egin, era ludiko eta errazean... [+]
Azaro hastapenean gertatu zen Trambusaren aurkezpen ekitaldia.
Trambusa, azal dezadan, Baiona-Miarritze-Angelu hirigunean gaindi ibiliko den autobus sofistikatua da, garraio ohiturak irauli behar dituena, errazagoa bihurtuko diguna edonora autobusez joatea, autoz baino. Kostu ikaragarrikoa da, bistan dena, eta bi urte dira jada bideen moldatzeko obrak abiatuak dituztela. Ibilgailua bera Irizar enpresak egina da, ederra, elegantea, distiratsua, erakargarria.
Je suis Trambus. Hori... [+]
Kanaky eta Kaledonia Berria. Bi izen, leku berarentzat. Lehena da hango autoktonoek ematen zioten izena; bigarrena, kolonoek. Kaledonia zen oraingo Eskozia. Eta James Cookek Kanakyko uharteak aurkitu zituenean, bere aitaren sorlekuaren omenez, Kaledonia Berria izena eman zion artxipelago hari. 1860an, Frantziak konkistatu eta kolonizatu zituen hango lurrak, eta geroztik, Kaledonia Berria Frantziaren kolonia baten izena da. Ez da gauza bera, beraz, Kanakyk erabakitzea edo Kaledonia Berriak... [+]
Eusko Ikaskuntzak amaitu ditu bere XVIII. Kongresuko lanak eta ondorioak ezagutzera eman ditu. Ez da nolanahikoa izan Kongresuari jarritako erronka, baina are garrantzitsuagoa izan da Euskal Herriko lurraldearen eta lurraldeen Liburu Zuria idazteko deia egin izana.
Abenduaren 8an, larunbatarekin klimaren aldeko nazioarteko mobilizazioaren karietara Bizi! mugimenduak Baionan hitzordua finkatzen du Herriko Etxe aitzinean, goizeko 10etan. Mugimendu altermundialistak justizia soziala eta klima ber borroka direla azpimarratzen du bere deian eta hitzetatik ekintzetara pasatzeko garaia dela, sistema aldatuz, eta ez klima! Bestalde, klima suntsitzaileak diren inbertsioak dituzten banku etxeetan lehena den Société... [+]
