XXX. Euskal Herriko eskolarteko txapelketa Sarako trinketean egin da larunbatean eta Gorka Pagonabarraga durangarrak jantzi du txapela, Aner Peritz zarauztarra geratu da bigarren.
Hasierako agurraren ondoren, zortziko txikian, zortziko handian, puntu erantzunean eta bakarka aritu dira bertsolariak eta bukaerako agurrekin borobildu dute saioa.
Guztira, hamabost eta hemezortzi urte bitarteko hamahiru bertsolari igo dira oholtzara: Oihana Arana, Xabat Ilarregi, Haitz Capot, Elixabeth Etxandi, Irati Alcantarilla, Aner Peritz, Julen Etxebarri, Hodei Renteria, Gorka Pagonabarraga, Ekiñe Zapiain, Aitor Ugarte, Iruri Altzerreka eta Aroa Arrizubieta.
Bi fase izan ditu finalak eta aurrera egitea lortu duten sei bertsolarien artean Pagonabarraga izan da puntu gehien eskuratu dituena eta Aner Peritz gelditu da txapeldunorde.
Julene Etxeberri aritu da gai-jartzaile lanetan eta epaile, berriz, Aitor Jimenez, Arkaitz Goikoetxea, Eneritz Azkue, Joakin Arregi, Jurgi Fuentes eta Lierni Elortza.
Eskolartekoaren antolaketan aritu den Mikel Mendizabalek jantzi dio txapela Pagonabarragari. Txapel gehiago ere eskuratu ditu Pagonabarragak azkenaldian, izan ere, 2018ko Bizkaiko eskolartekoan zein Durangaldeko kopla txapelketan txapeldun geratu berria da.
Bertsozale Elkarteak eta Ikastolen Elkarteak elkarlanean antolatutako Euskal Herriko Eskolartekoak 30 urte bete ditu. 1989an jokatu zen lehen aldiz eta harrezkero urtero egin da txapelketa hau.
“Jarrai dezagun kantari” aipatu du txapeldunak agurrean eta kantari jarraitu dute bertsolari eta bertsozaleek larunbatean Saran, jai giro ederrean murgilduz.
Bertsoak honako helbide honetan aurkitu daitezka: https://bertsoa.eus/bertsoak/15549-gorka-pagonabarraga-txapeldunaren-agurra
Gasteizko Printzipal Antzokian izanen da Arabako Bertsolari Txapelketaren finala, 17:30ean. Ez da inoren estreinako aldia izango finalean.
Ainhoa Urien, Onintza Enbeita, Sustrai Colina eta Xabi Igoa izango dira taldean, Batzar Nagusian bazkideek bozkatu eta onetsi ondoren.
Hamahirugarren Bizkaiko Bertsolari Txapelketa eta bederatzigarren finala izan ziren iazkoak Onintza Enbeita Maguregirentzat (Muxika, 1979). Irautearen esfortzua eta poza ederki ezagutzen ditu, bertsotan zein handik kanpo, eta horri esker dago dagoen lekuan. Irauteko aldatzeari... [+]