"Gora Espainia" oihukatu du Frantziako ultraeskuinak Espainiako Abortuaren Lege Erreforma eskertzeko
Espainiako Estatuan Alberto Ruiz Gallardon ministroak abiatutako abortatzeko eskubidearen erreformak Frantziako Estatuko ultraeskuina hauspotu du eta kalera atera da eskubidea Frantzian ere murriztu dezaten eskatzeko.
“Gora Espainia” aditu zitekeen atzo Parisko kaleetan abortu eskubidearen kontrako taldeek deitutako manifestazioan. Izan ere, “eredugarria” iruditzen zaie PPren Gobernuak emakumeei erabakitzeko eskubidea murrizteko hartutako ekimena.
16.000 pertsona inguru bildu ziren “Elkarrekin bizitzaren alde” zioen pankartaren atzean; antolatzaileen arabera 40.000 ziren. Aurretik, 80.000 lagun bilduko zirela aurreikusi zuten, lortutakoaren bikoitza, alegia.
Frantziako Asanblada Nazionalak gaur eztabaidatuko du gizonen eta emakumeen aukera berdintasunaren aldeko lege bat, sexu eta ugalketa eskubideak errespetatuz. Protestan zeudenek lege egitasmoaren kontra egin zuten.
Kontramanifestazioa, ugalketa eta sexu eskubideen alde
Abortatzeko eskubidearen aldekoek “kontramanifestazioa” egin zuten, beste protesta egiten zen ordu berean. Besteak beste, “gure gorputza, gure eskubidea” eta “erabakiko dugu” leloak irakur zitezkeen. Thomas Samson argazkilariak hartu zituen irudiak:
Abortuaren eskubidea Frantziako konstituzioan sartu da aste honetan. Baina abortatzeko eskubidea ez da gaur goizeko afera. Jadanik 1970. hamarkadaren hasieran mugimendu azkarrak izan ziren eskubide horren erdiesteko Ipar Euskal Herrian.
Senatuaren babesa jaso zuen joan den ostegunean, eta Kongresuak berretsi du astelehenean konstituzioaren aldaketa agintzen duen neurria. Frantzia da konstituzioan abortu eskubidea "bermatzen" duen munduko estatu bakarra.
267 senatarik alde bozkatu dute eta 50ek kontra. Frantziako Legebiltzarrak eta Senatuak alde bozkaturik, bi ganberak biltzen dituen Kongresuaren bozketa eskas da: martxoaren 4an eginen da, eta printzipioz aldeko botoa gailendu beharko litzateke.
Abokatu Kristauek "iraingarritzat" jo dituzte Donostian agertutako kartelak. Haien ustez, hiru delitu egin dituzte egileek: gorroto-delitua, erlijioen-sentimenduen aurkakoa eta egoera zibilaren usurpazioa. Ekintza anonimoa izan da, Askabide klinikaren ondoan jarritako... [+]
Espainiako Gotzainen Batzarraren izena daramaten kartelak agertu dira Askabide klinikaren ondoan: "Orain abortatzen baduzu, zer joko dugu larrutan hemendik 5 edo 6 urtetara?".