Gobernuek telefono lineak "pintxatuta" dituztela onartu du Vodafonek

  • Telefono konpainia britainiarrak onartu du bere sareak eta gainontzeko konpainienak ezkutuko mekanismoak dituztela, agentzia sekretuek sarean gauzatzen diren elkarrizketak entzun ahal izateko.


2014ko ekainaren 12an - 00:00
Azken eguneraketa: 2015-02-26 13:37:33
Herritarren zaintza masiboa egunero gertatzen dela aitortu du Vodafonek (argazkia: The Guardian).

The Guardian berripaper britainiarrak atera du argitara, gobernuek telefono-elkarrizketak eta erabiltzaileen datuak nola monitorizatzen dituzten azaltzeko Vodafonek atera berri duen txostenaren edukia. Konpainiako segurtasun eta pribatutasunaren arduradun Stephen Deadmanek baieztatu du zaintzako kanal horiek benetakoak direla eta sarbide zuzena existitzen dela.

Konpainiak azaldu duenez, fisikoki ezarritako kable batzuk daude operadoreen sareetara konektatuta eta horien bidez, agentzia sekretuek zuzenean entzun eta grabatu ditzakete elkarrizketak, zenbait kasutan baita erabiltzailea lokalizatu ere.

AEBetako Segurtasun Nazionalerako Agentziak (NSA ingelesezko sigletan) eta antzeko inteligentzia-agentziek eragin zituzten susmoak baieztatzen ditu albisteak. Vodafoneren arabera, hipotesi txarrenak bete dira.

Espioitza 29 herrialdetan

Vodafoneren arabera, ezkutuko mekanismoak aurki daitezke konpainiak lan egiten duen 29 herrialdeetan, tartean Espainiako eta Frantziako Estatuetan. Sei herrialdetan konpainiari sistema horiek instalatzera edo gobernuari horretarako baimena ematera behartu dituztela adierazi du enpresak; ez dute ordea herrialde horien izenik aipatu, bertako Vodafoneko langileak espetxeratuak izan daitezkeelakoan.

Egun, herrialde guztiek publiko egiten dituzte atzemandako dei eta mezuei buruzko datuak. Horiek erabiliz, The Guardianek ondorengo laburpen taula argitaratu du herrialdez-herrialde gobernuek aztertutako elkarrizketen zenbatekoekin:

Operadoreen egoitzetatik espiatzen da

Herritarren zaintza masiboa egunero gertatzen dela dio Vodafoneren txostenak, eta inteligentzia-agentziek arrastorik utzi gabe edo operadoreei beren jardunaren berri eman gabe zain ditzaketela herritarren elkarrizketak.

Lan hori ordea, operadoreen egoitzetatik egiten da argitaratutako informazioek dioetenez. Sarri askotan, operadoreetako langileak dira dei eta mezuak kontrolatzen aritzen direnak, baina erabat debekatuta dute gela horien barruan gertatzen denaz beste langile batzuekin hitz egitea, espetxe-zigor handiak jasan baitezakete bestela.


Kanal honetatik interesatuko zaizu: Espioitza
Fiskaltzak dio ez dela delitua polizia infiltratuak emakumeekin sexu harremanak izatea

Bost emakumek kereila jarri zuten Kataluniako mugimenduetan hiru urtez infiltratutako poliziaren aurka, haien aurkako sexu abusuak egin zituela egotzita. Fiskaltzak epaileari eskatu dio ez onartzeko kereila, eta adierazi du harremanetan emakumeen "onespena" egon zela.


Sei urtez Madrilgo mugimendu sozialetan infiltratutako beste polizia baten berri eman dute

2015etik 2021era mugimendu antifaxista eta antierrepresiboetan infiltratutako poliziaren kasua publiko egin du El Saltok, Directarekin elkarlanean ikertu ondoren. Hamabost hilabetean hedabideek argitaratutako polizia satorren seigarren kasua da.


2023-07-11 | ARGIA
Auzitegi Nazionalak artxibatu egin du Pegasus espioitza kasua

Espainiako presidente Pedro Sánchezen eta beste lau ministro mugikor bidez espiatzeagatik irekitako kasua itxi egin dute, Pegasus programaren jabe den Israelgo Gobernuaren eta Justiziaren "erabateko" kolaborazio faltagatik.


2023-04-23 | David Bou
Marc, Dani eta Ramón

Artikulu honen izenburuan agertzen diren hiru izen propioak ez datoz bat horrela deitzen ziren pertsonen errealitatearekin. Marc Hernàndez Pons, Dani Hernàndez Pons eta Ramón Martínez Hernàndez ziren Barne Ministerioak Polizia Nazionaleko hiru... [+]


Espainiako Gobernuak onartu du Poliziari baimena eman ziola gizarte mugimenduetan infiltratzeko

Espainiako barne-ministro Fernando Grande-Marlaskak adierazi du infiltrazioekin lotutako informazioa espediente sekretu batean dagoela bilduta. Polizia horiek inteligentzia agente gisa definitu ditu, "ordenaren eta segurtasun publikoaren" intereseko informazioa... [+]


Eguneraketa berriak daude