Glefaranek dio legearen barruan funtzionatzen duela eta kutsaduraren aurkako plataformaren informazioak gezurtatu ditu
Güeñes Bizia plataformak egindako salaketak gezurtatu ditu Glefaran enpresak hedabideei bidalitako prentsa-ohar baten bidez. Larunbat honetan enpresaren atariraino iritsiko den manifestazioa deitu du kolektibo horrek.
Glefaranek hedabideei bidali dien informazioak Güeñes Bizia plataformak emandako hainbat daturi erantzuten die. Adibidez, egunean kontsumitzen den biomasa kopurua 230 tonakoa dela baieztatu du –plataformak 350 tona erabiltzen dituztela adierazi zuen–, eta lehengai gisa zuhaitzak kimatu osteko soberakinak eta baso-jardueretako hondakinak bakarrik erabiltzen dituztela ziurtatu du: pinu, akazia, platanondo eta eukaliptoa nagusiki.
Enpresaren arabera, prozesu horretan ez dute enborrik erretzen eta erabiltzen dituzten lehengaien %90aren jatorria lantegiaren inguruko 150 kilometrotan dago. “Azaleraren %55 baino gehiago zuhaitzak diren ingurune batean, ulertzekoa da baso jarduera indartsua egotea eta hondakin batzuk sortzea, egurgintzak eta papergintzak irentsi ezin dituztenak”, azaldu du enpresak. Prozesu produktiboari dagokionez, baieztatu du materialak erre egiten dituztela, baina ez erraustu. “Desberdintasun hori garrantzitsua da, plantak ez dituelako mota guztietako hondakinak erabiltzen, horrek ekartzen dituen abantailekin”.
Mota horretako jarduerek hiriguneetatik bost kilometro baino gutxiagora ezin zutela egon adierazi zuen Gueñes Bizia plataformak, Espainiako Zientzia Ikerketen Kontseilu Nagusiaren (CSIC, gaztelaniazko sigletan) irizpideak aipatuz. Glefaranen arabera, ordea, “inolako araudik ez du distantziarik jartzera derrigortzen”. Enpresak dio Europa osoan daudela mota honetako lantegiak herritarrak bizi diren guneetatik gertu –Angers, Saint Denis, Dijon, Växjö, Périgueux eta Limoges aipatu ditu–. Gainera, CSIC aipatzea “intentzio txarrekotzat” jo du Glefaranek: erakunde horrek berak biomasa energia sortzeko alternatiba ontzat jotzen duela dio enpresak, bai ingurumenaren ikuspegitik, baita alderdi ekonomiko eta sozialetik ere.
Enpresaren isurketak neurtzeko Europako zuzentaraua aplikatzen zaiela ere gogorarazi du Glefaranek. Zuzentarau horrek biomasa solidoko plantentzat aurreikusten du mugak jartzea Nitrogeno Oxidoaren bi aldagaientzat eta partikulentzat 2025etik aurrera, baina Glefaran dagoeneko arau hori betetzen ari dela adierazi du prentsa oharrean. “Gainera, Glefaranek exigentzia handiagoa dauka, plantak isurtzen dituen partikulen kontrola etengabe egiten da eta Gobernuko dagokion unitateak baieztatzen ditu; Gobernuak datua enpresako teknikarien aldi berean ezagutzen du”, dio oharrak.
Hori guztia kontuan edukita, enpresak legearen barruan funtzionatzen duela ziurtatu du Glefaranek, energia berriztagarria ekoizten duela eta haren emisioak mota honetako planta baten estandarraren barruan daudela.
URA agentziak obrak “berehala” geldiarazi ditu, eta txostena ireki dio Red Electricari. Ez da lehen aldia bentonita isuriak atzematen dituztena. Obrek Gatika eta Europa konektatzea dute helburu.
Public Eye eta Unearthed Gobernuz Kanpoko Erakundeek eman dute gehiegikeria horren berri irailaren 23an plazaraturiko txostenean. Inportatzaileen zerrendan 93 herrialde ageri dira, eta horietatik hiru laurdenak diru sarrera txikiak edo ertainak dituzten herrialdeak dira.
Valle de Odietako epaiketa epaiaren zain geratu da ostiral honetan Iruñeko Justizia Jauregian akusatuek deklaratu eta akusazioek eta defentsak haien ondorioak azaldu eta gero. Ez da aldaketarik egon alde bakoitzak egindako eskaeretan.
Astearte honetan egin da Valle de Odietako makroetxaldearen aurkako epaiketa Iruñeko Justizia Jauregian. Epaileak ebatzi behar du ea 2021ean haien lur sailetan egindako isuri baten ondorioz, lur eremu horiek larri kutsatu zituzten ala ez, eta nork eragin zuen. Aditu... [+]
Plastikoaren kutsadura saihesteko azken gailurra porrot izugarriarekin amaitu da Suitzako Geneva hirian, abuztuan. Hori zuten bilatzen petrolio-herrialdeek, plastikoa milioika tonatan sortzen jarraitzeko. Birziklapena da beraien tekno-soluzioa, baina gero eta garbiago dago... [+]
Irailaren 2an hasi da epaiketa Iruñeko Zigor Arloko 2. epaitegian, ustez 2021ean makroetxaldeak haren inguruko lurrak minden hondakinekin kutsatzeagatik. Sasoi hartan Valle de Odieta makroetxaldeko administrazio kontseiluan ari ziren bost pertsona epaituko dituzte. ARGIA... [+]
Ikerketa batek ondorioztatu du adituek uste baino AMOC korrontearen kolapsoa egoteko aukera handiagoak daudela. Korrontean aldaketa handiek eta azkenengo kolapso batek euri tropikaletan eraldaketa handiak eragingo lituzke, Europan negu oso hotzak eta uda lehorrak izango... [+]
Europa barruan hegaldiak hartzea trenez bidaiatzea baino 26 aldiz merkeagoa izan daiteke, 31 herrialdetako 142 ibilbidetan oinarritutako Greenpeaceren ikerketa baten arabera. Hegaldien zerga pribilegioei egotzi die desparekotasuna, eta trenbidea merketzeko neurriak eskatu ditu.
Erabilera bakarreko plastikoen ekoizpenari eta erabilerari jarri nahi dizkiete mugak bereziki. Plastikoaren ekoizpena bikoiztu dute mende hasieratik, eta igoera horren arrazoia erabilera bakarreko plastikoak dira nagusiki.
The Lancet aldizkariak argitaratutako ikerketa batek eman du datua eta ohartarazi du plastikoaren ekoizpenak osasunean eragina duela bere ekoizpen prozesu osoan eta gazte zein helduei eragiten diela. Gehitu du 1950tik 200 aldiz biderkatu dela plastikoen ekoizpena.
220 milioi tona plastiko sortzen ditugu munduan eta %10a soilik birziklatu. Zifra hori, gainera, hamar urtez jarraian ez da aldatu. Iaz zabor plastiko horren herenak gaizki kudeatzeagatik gure inguruko bazter, erreka, itsaso eta atmosferan bukatu zuen. Greenpeacek salatu... [+]
220 milioi tona plastiko sortzen dira munduan eta %10a soilik birziklatzen da, zifra hori hamar urtez mantendu da bere horretan. Hainbat talde ekologistek salatu dute egoera uztailaren 3an, plastikozko poltsarik gabeko nazioarteko egunean.
EHUko ikerketa-talde batek dio Europako emisio-inpaktuaren %60 datorrela sektore energetikotik.