GKSk “proletariotzaren antolakuntza independenteari” egindako mehatxutzat jo du jasandako kriminalizazioa
El Mundo egunkariak mugimendu sozialistari buruz argitaratutako erreportajeari "oligarkiaren zerbitzura dagoen egunkari baten bitartez egin den maniobra politiko-soziala" deritzo GKSk. Egin duten irakurketaren arabera, argitaratutako informazioarekin ez dituzte soilik beraiek mehatxatu nahi izan, baizik eta "proletariotzaren antolakuntza independentea" oro har.
aurre egingo dieten hedabide independenteak
La gran convocatoria de los nuevos "cachorros" (Kume berrien deialdi handia) titularra zeraman urriaren 17ko igandez El Mundo egunkariak Crónica gehigarrian argitaratutako erreportajeak. Gazte Koordinadora Sozialistak (GKS) eta Ikasle Abertzaleak-ek (IA) deituta Altsasun gauzatutako Gazte Topagune Sozialista abiapuntutzat hartuta, Leyre Iglesias kazetariak sinatutako lerroek mugimendu sozialista ETArekin eta kaleko istiluekin lotzen zuten, aurrera begirako balizko mehatxu gisa aurkeztuz. Zehazki, Francisco Osorio izenez aurkezten den ikerlari baten hitzok ixten dute erreportajea: "[ETAren] etetetik hamar urte pasa diren honetan, ez dakigu Sortu eta Bildurekin atsekabeturik dauden gazte horiek indarkeria adierazpen baten germena izango diren ala ez".
Mugimendu sozialistako gazteez mintzatzerakoan, zehaztasunetan sartu da egunkaria. Erreportajearen goiburuan zortzi pertsonaren erretratuak erakusten ziren, denak mugimendu sozialistako militanteak, eta argazkiekin batera beren izen-abizenak, adina, jaioterria eta mugimenduan ustez zein funtzio duten zehazten zen. Seinalizazio hori eta mugimenduari buruz esaten eta iradokitzen direnak tarteko, argitaratutakoak arrabotsa sortu zuen publiko egin orduko.
Asteartean plazaratu du gertakizunen inguruko gogoeta oharra GKSk. Jasandako kriminalizazioa "oligarkiaren zerbitzura dagoen egunkari baten bitartez egin den maniobra politiko-soziala" dela salatu dute, beren begietara xede zehatza duena: antolakuntza komunista seinalatzea. "Espainiako eta Europako enpresari handiak, mafiosoak eta bankariak zerbaiten beldur badira eta zerbait ia ezerezean uztea lortu badute, hori antolakuntza komunista da", adierazi dute.
Egindako irakurketaren arabera, gertakaria ez da "euskal gazteriaren aurkako eraso soila" eta beren mugimenduaz harago doa; izan ere, beren arabera, erreportajea "proletariotzaren antolakuntza independenteari eman zaion abisua eta egin zaion mehatxua" da. Horren aurrean, "defentsa posible bakarra" antolakuntza politiko independentea indartzea dela azpimarratu dute: "Gauzak horrela, oinarrizko eskubideen murrizketaren eta errepresioaren aurrean, askatasun politikoak defendatzeko oinarri sendo bat eraikitzeko antolakuntza lana berresten dugu, eta hori proletariotza osoaren zeregina da. Kolektibo proletario eta gizabanako orori dei egiten diogu pobretzea, eskubiderik eza eta errepresioa ezaugarri dituen oligarkiaren erasoaldi berri honen aurrean indarrak batzeko".
Beren aldetik, sozialismoarekin eta klase eta zapalkuntzarik gabeko gizarte demokratikoa eraikitzearekin duten konpromisoan berretsi gura izan dute oharraren bidez.
Bertsio ofizialaren arabera, ETAko militante Montxo Martínez Antiak 1975ean bere buruaz beste egin zuen Madrilen, Poliziak inguratuta zuen eraikin batean. Eusko Jaurlaritzak bertsio horri eutsi zion 2015ean. Orain, GEBehatokiak ikerketa egin du eta ondorioztatu du poliziek... [+]
Ezin da gehiago luzatu lelopean, presoentzako espetxe politika arrunta ezartzea eta iheslarien eta deportatuen itzulera eskatuko dituzte Bilbon, urteroko legez. Horrekin batera, presoen eskubideak defendatu eta, batez ere, Euskal Herrian “konponbidearen, bakearen eta... [+]
50 urte bete dira Txiki eta Otaegi fusilatu zituztenetik. Urteurrenaren harira, BERRIAk lan hau ekoiztu.
«Txikiren anaia bat kalean ikusi nuen behin, Zarautzen [Gipuzkoa], eta pentsatu nuen: '50 urte igaro dira fusilamenduaz geroztik. Zer pentsatuko du berak? Nola... [+]
Frankismoaren azken exekuzioak hartu ditu hizpide Javier Buces historialariak, Askatasun Haizea (Txalaparta) liburuan. Estatuak eragindako biktimak, "bigarren mailako biktima" izaten jarraitzen dutela uste du Bucesek.
1985eko irailaren 25ean Inaxio Asteasuinzarra hernaniarra, Sabin Etxaide zestoarra, Agustin Irazustabarrena astigarragarra eta Jose Mari Etxaniz urretxuarra hil zituen GALek Baionan. 40 urte geroago omenaldia egin diete Monbar Hotelaren aurrean, hil zituzten lekuan.
Guardia Zibilak "jardunaldi irekiak" antolatu ditu irailaren 27an Bilboko Ramon de la Sota moilan, Karola garabi ezagunaren ondoan, eta armak eta ibilgailuak erakutsiko dituzte, besteak beste. Naiz-ek argitaratu duenez, erakustaldia egiteko Bilboko Udalaren baimena dauka... [+]
1985ean Guardia Zibilak Mikel Zabalza bahitu, torturatu eta hil zuela 40 urte dira aurten. Hori dela-eta, ekimen berezia antolatu dute hainbat eragilek: autobus ibiltari batek erakusketa eramango du herriz herri, kasuari buruz oraindik erantzunik gabe dauden galderak... [+]
Izpegiko besten karietarat Baztango eta Baigorriko gazteek mahai-ingurua antolatua dute arrats honetan Iparretarrak talde armatuaren memoria kolektiboa eraikitzeko beharrez. IKko sortzaileetan izan den Pilipe Bidartekin mintzatu gira, jakiteko nola bizi izan dituen 40 urte... [+]
"Oraindik korapiloa askatzeko" dagoela gogoratzeko eta Txiki eta Otaegiren fusilatzeen 50. urteurrena kari, Sortuk bi pankarta handi eskegi ditu Cuelgamuroseko monumentuko arku batetik. 1975ean bertan lurperatu zuten Francisco Franco diktadorearen gorpua, 1936ko gerran... [+]
Iratzar eta Olaso Dorrea fundazioek antolatu duten erakusketa ibiltaria ezin izango da Zarauzko areto publikoetan ikusi. Udalak argudiatu du errelato "partziala" eta "ideologizatua" eskaintzen duela. EH Bilduren lokalean paratuko dute azkenean.
Nafarroako Torturatuen Sareak eta Egiari Zor elkarteak ostegunean jakinarazi dutenez, Nafarroako Gobernuak “giza eskubideen urraketaren biktima” modura aitortu ditu sei herritar, 16/2019 Foru Legearen babesean.
Jose Mari Dorronsoro preso politikoak Frantziako Estatuan bete zuen zigorra aintzat hartu ondoren, aske utzi zuten abuztuan, Etxerat elkarteak jakinarazi duenez.
50 urte dira Francoren diktadura garaiko azken bost fusilamenduetatik. Jon Paredes, Txiki eta Angel Otaegi ETAko kideak, eta Sánchez Bravo, Humberto Baena eta Ramón García Sanz FRAPekoak. Txikiren abokatuetakoa izan zen Magda Oranich, mende erdia eta gero... [+]
UPNk salatu du Nafarroan eskuin muturreko taldeen eta Poliziaren indarkeria aztertzen duen batzordeak ia edonor hartzen duela biktima gisa. María Chivite lehendakariak erantzun dio Poliziak egindako abusuen salaketak asko izan direla eta denboran hainbat garaitan... [+]
