Gutxienez datozen lau hilabeteetan gizarte-larrialdietarako laguntzak tramitatzeko aukera kendu dute Barakaldoko gizarte zerbitzuetan. Hala salatu du Berri Otxoak elkarteak. Barakaldon, familien %10,1 pobrezia egoera larrian dagoela gogorarazi du elkarteak.
Berri Otxoak elkartearen hitzetan, azaroaren 3tik gutxienez lau hilabetez etengo dute laguntza horiek tramitatzeko aukera: “Barakaldoko herritar prekarizatu eta pobretuenak inongo arreta eta babesik gabe utziko dituzte”.
Elkarteko kideek nabarmendu dute legez kontrakoa dela, araudiak dioelako herritarrek urteko hamabi hilabeteetan dutela administrazio publikoarekin tramiteak aurrera eramateko eskubidea. Horregatik, laguntza hori jaso nahi duten herritarrei baliabideak eta alegazioak erraztuko dizkie Berri Otxoak-ek, “arreta jasotzeko eskubide hori gauzatzeko eta dagozkien eskubideak erabili ahal izateko”.
100 barakaldar, kale gorrian
Hirian familien %10,1 pobrezia egoera larrian bizi denean eta kalean lo egiten duten herritarren kopurua bikoiztu egin denean dator murrizketa. 100 pertsona etxerik gabe eta kale gorrian bizi dira, Barakaldoko Gizarte eta Hezkuntza Esku-hartze Zerbitzuaren arabera.
Egoerari tamaina hartzeko, beste datu bat ere eman dute: Bizkaiko Elikagai Bankuen parte diren Barakaldoko bi zentroetatik 2.000 familia pasatzen dira hilabetero.
ESK sindikatuaren Argilan plataformak, Berri Otxoak plataformak eta Euskal Herriko Etxebizitza Sindikatu Sozialistak helegitea jarriko diote DSBEaren araudi berriari, prestaziorako sarbidea mugatu eta "eskubide gehiago murriztuko" dituelako euren esanetan.
Diru-Sarrerak Bermatzeko Errentaren legea martxoan onartu zuen Eusko Jaurlaritzak, eta bertan aurreikusitako neurrietako bat jarri dute orain martxan: 19 ikuskatzailek osatutako Kontrol Unitatea, Lanbideren baitan. Iruzurrik apenas dagoen prestazioaren bueltan pobreak... [+]
EAEko parlamentuan aurrera egin du Inklusiorako eta Diru Sarrerak Bermatzeko Euskal Sistemaren lege aldaketak. Badago zer aztertu legearen eztabaidak, aldaketa egiteko ezker zein eskuin egin den akordioak, eta legeak ekartzen dituen berrikuntzak izan duten oihartzun eskasari... [+]
Teorian pobreak egoera horretatik ateratzea helburu duen Diru-Sarrerak Bermatzeko Errentan aldaketak adostu dituzte EAJ, PSE eta Elkarrekin Podemos-IUk, eta indarrean sartu da lege berria. Jende asko kanpoan uzten duela, pobrezia egoeratik ateratzeko ez duela balio eta txiroak... [+]
Diru Sarrerak Bermatzeko Errenta kobratzen hasi aurretik ere, prestazioa eskatu duen jendearen etxeak arakatzen ari da Ertzaintza: “Prebentzioaren izenean, egunero-egunero ari dira etxeetan sartzen; astakeria da eta jendea beldur da, modu oldarkorrean ari direlako,... [+]