Gipuzkoako lau obratan ez da eraikuntzako hitzarmena errespetatzen, LABek salatu duenez

  • AHTaren zati batean, adibidez, langileak “egunean hamaika orduz” jarduten dira, sindikatuaren arabera. Horrez gain, “azpikontratazioaren bidezko amarruak” ere salatu dituzte.


2020ko uztailaren 09an - 12:44

LABek ostegun honetan adierazi duenez, “lan hitzarmena ez betetzea eguneroko ogia da eraikuntzan”. Hainbat obra ikuskatu dituzte sindikatuko kideek, eta Gipuzkoako lau obra Lan Ikuskaritzaren aurrean salatzea ebatzi dute, herrialdeko ituna haustea egotzita.

Obra horietako bi publikoak dira. Bata abiadura handiko trenak Arrasate, Elorrio eta Bergarako lurrak zeharkatzen dituen tartea da. Bertan, LABen ustez, langileek zortzi orduko jardunaldiak erregistratzen dituzten arren, “egunean hamaika ordu egiten dituzte”. Sindikatuak adierazi duenez, “dokumentuen faltsutze delitua” litzateke jarduera irregular hori.

Salatu duten beste obra publikoa Gipuzkoako Ogasuneko eraikinaren fatxadaren berrikuntza-lanena da. Arabako enpresa bati esleitu zion obra Gipuzkoako Foru Aldundiak, Indenort SLri. Indenortek, bitartean, Bizkaiko beste enpresa bat azpikontratatu zuen, Euskogres SL. Horrek, ordea, beharginei Bizkaiko eraikuntzako hitzarmena aplikatzen diela ohartarazi du LABek.

Donostiako Igara auzoko zahar etxe bateko eraikuntza eta Astigarragako etxebizitza batzuena ere salatu dute Lan Ikuskaritzan. Bi horien atzean Burgoseko eta Madrilgo azpikontratak daude, eta bertako hitzarmenak aplikatzen dituzte.

Azpikontratazioa

Hitzarmen kolektiboa saihestearen ondorioz “ez da langileek jaso beharreko gutxieneko soldata errespetatzen”. Lau salaketen erro komuna seinalatu du LABek: kostuak merkatzeko azpikontratazioa. Sindikatuaren iritziz, erakunde publikoak “hitzarmena ez betetzearen erantzule” dira, hots, Eusko Jaurlaritza eta Gipuzkoako Foru Aldundia.


Irakurrienak
Matomo erabiliz
Azoka
Kanal honetatik interesatuko zaizu: Azpikontratazioa
Urteko lanaldia 108 ordukoa izatea eta soldata %20 igotzea lortu dute Hondarribiko lorezainek

Elai Serbitzuak azpikontratatutako enpresako langileek 115 eguneko greba egin dute eta behin akordioa lortuta bertan behera utzi dute. Langileen akordioa “oso positibotzat” jo du ELAk.


Beste greba ziklo bat hasi dute Osakidetzako garbiketako azpikontratatutako langileek

Martxoaren 20an hasi eta bi aste iraungo du sindikatu guztiek deitutako grebak. Lehen egunean mobilizazioak egin dituzte Araban, Bizkaian eta Gipuzkoan.


Kantabriako errepideen ustelkeria sarean nahasita dagoen enpresa batek Gipuzkoan mantentze lanak egiten ditu

Kantabrian, obra publikoen kontratazioetako ustezko ustelkeria sarean nahasita egoteagatik atxilotu zuten API Movilidad enpresako Jose Luis Blanco, beste hainbat pertsonarekin batera. Enpresa horri, besteak beste, errepideak mantentzeko kontratua esleitu dio Gipuzkoako... [+]


Istiluak izan dira Osakidetzako azpikontratatutako langile garbitzaileen lehen greba egunean

Aste osoan egingo dute greba. LAB sindikatuak jakitera eman duenez, hainbat langile zauritu dituzte eta euretako bat larrialdietara eraman behar izan dute. Sindikatuaren arabera, lau langile identifikatu eta bi atxilo hartu dituzte.


Eguneraketa berriak daude