Getxoko HAPOari jarritako helegiteen erantzunak non dauden galdetu dute dozenaka auzokidek
Getxoko hainbat herritarrek ia 2.000 helegite aurkeztu zituzten orain dela lau hilabete Udalak aurkeztutako HAPOa egokitzeko. Ordutik, baina, gobernu-taldearen erantzunik jaso ez dutela deitoratu dute eta, horregatik, dozenaka auzokide Udalaren Hirigintza zerbitzua hartzen duen eraikinera gerturatu ziren, erantzunen berri izatera. Berririk izan ez zutenez, iragarri dute helburu bera izango duen elkarretaratzea egingo dute bihar, barikuan, San Nikolas plazan, arrastiko 19:00etan.
Adi HAPO! plataformako hainbat kidek protesta egin zuten atzo, eguaztenean, Getxoko Udalaren Hirigintza zerbitzua hartzen duen eraikinean hirigintza-planari jarritako ia 2.000 helegiteen inguruko erantzunik jaso ez dutela salatzeko. Ekintzaileek gogoratu dutenez, ia lau hilabete igaro dira gai horrek sortzen dituen "beldur eta kezkak" erakusten duten helegiteak aurkeztu zituztenetik. Ordutik, ekintzaileek jakinarazi dute bilera bat eskatu ziotela gobernu-taldeari (EAJ eta PSE-EE), "baina ez digute erantzun ere egin".
Hori dela eta, atzo, protesta egin zuten helegiteen inguruko informazioa jasotzeko asmoz. "Zergatik Udalak ez du oraindik bat bera ere erantzun?", galdetu dute plataformakoek. Era berean, azaldu dute jakin gurako luketela ea plana aldatzeko asmorik dagoen, "auzokideen kezkei kasu eginez", edo planagar aurrera jarraituko duten.
Hala, atzoko protesta egiteaz gainera, bihar, barikuan, elkarretaratze bat egingo dute Algortako San Nikolas plazan, 19:00etan: "Zeren zain dago Getxoko Udala helegiteei erantzuteko? Ez al ditu hauteskundeen aurretik herritarren zalantza, kexa eta proposamenak erantzun nahi? Zergatik ez du 3.000 pertsonako manifestazio bat antolatu zuen elkartearen bilera proposamena erantzun?".
Hiriak nola elikatu? Horra Egonarria saioan Eli Pagolak Audrey Hoc laborariari luzatu dion galdera. Hoc-ek, bere lagun Aimar Rodriguezekin batera, fruitu arbolak ekoizten ditu, Etxalarren baso jangarria dauka eta Biriatuko udalarekin elikadura burujabetzaren estrategia martxan... [+]
Hiru urteko lanaren emaitza jaso du Iruñeko Udalak sinatutako dekretuak. Auzotik sortutako ekimenari esker, zazpi kale eta hiru plaza izendatuko dituzte.
Txina, 1417 urte inguruan. Zheng He almiranteak, Ming dinastiako enperadoreen soldatapeko esploratzaileak esan zuen posible zela “mundu osoa ibiltzea Txinatik irten gabe”. Ordurako Indiako Ozeanoan, Itsaso Gorrian eta Asiako hego-ekialdean zabaltzen hasia zen kolonia... [+]
Uliako auzo elkarteak eta SOS Manteo plataformak herri galdeketa egin dute asteburuan. 6.948 lagunek hartu dute parte, eta 6.486 parkeak babestearen alde agertu dira.
Gipuzkoa Nafarroako Erresumatik aterarazi eta Gaztelarentzat konkistatu zuen Alfonso VIII. erregearen omenezko kaleari izena aldatuko diote. Horren partez, “17 emakume" deituko da kale hori, frankismoaren lege matxisten aurka borroka egin zuten herriko emakume batzuen... [+]