ARGIA.eus

2022ko maiatzaren 20a

Genero rolak haur literaturan, idazle, ilustratzaile eta argitaletxeen begiradatik

  • Genero rolen ikuspegitik, zein eredu islatzen du haur eta gazte literaturak, eta zein neurritan laguntzen du hainbat balio eta jarrera erreproduzitzen eta mantentzen? Halako galderei erantzuteko, hitzaldi zikloa antolatu dute idazle, ilustratzaile, ipuin kontalari eta argitaletxetako ordezkariekin.

2022ko maiatzaren 10a

Haur eta Lehen Hezkuntzako ikastetxe bateko liburutegian sartu eta bertako liburuak genero ikuspegitik ikertu ditu Parean elkarteak. Ipuinetan ikusi dituzten joera eta estereotipo batzuk espero zituzten, beste hainbat datuk txarrerako harritu ditu, artikulu honetan kontatu genuenez: ipuinen idazleak gizonak dira nagusiki, mutil protagonistak gehiago dira neskak baino, istorioek sarri estereotipo sexistak erreproduzitzen dituzte…  “Ez dira ikusten emakume abokatu edo alkateak –adierazi zigun Oihana Llorente Pareaneko kideak–. Askotan diogu neskak astronauta izan daitezkeela eta halako erreferenteak jarri behar direla mahai gainean, baina oso urrun gaude horretatik; pentsa, gure alabek ez dute ikusten emakumeak lan munduan gaudenik ere!”.

Orain, ikerketa hori abiapuntu harturik, haur eta gazte literaturan generoak joka dezakeen paperaren inguruan gogoetatzeko "Sustraietatik eraldatuz, berdintasuna errotzen” hitzaldi zikloa antolatu du elkarteak. Lur Gallastegi Zendegi haur literaturako idazlearekin solasaldia izango da asteazken honetan (Donostiako Tobbaco Days liburu dendan, 18:30ean); Ainara Azpiazu Axpi ilustratzaileak 8-13 urte arteko gazteei zuzendutako ilustrazio saioa eskainiko du (maiatzaren 26an, 17:30ean, Errenteriako Lekuona fabrikan); Haizea Loira Matxiñena ipuin kontalari eta musikariak “Berdintasunari konta eta kanta” saioa emango du (ekainaren 10ean, 17:30ean, Oiartzungo liburutegian); eta Pamiela-Kalandrakako haur literaturako arduradun Carmen Elvirak eta Alberdania argitaletxeko Jorge Giménezek emango diote amaiera zikloari (ekainaren 21ean, 19:00etan, Irungo liburutegian).

Printzesek ere puzker egiten dute

Ipuinak ez daude eredu sexistetatik salbu, baina badira bestelako adibideak literaturan, jakina. Gida ederra kaleratu du Parean elkarteak, Katakrak liburu-denda eta editorialaren laguntzaz. Bilduman aholkatu dituzte, besteak beste, Munstro arrosa, Nik ere nahiko nuke mango bat, Arturo eta Klementina, Tximeleta-belarriak, Munduko karramarrorik ertainena, Printzesek ere puzker egiten dute, Gerrak ez du etenik, Hankaz gora du amak mundua, Daniela pirata, Leotolde, Pippi itsasorako asmotan, Momo, Gu gara marimatrakak, Marie Curie, Tango, Martin

Kanal hauetan artxibatua: Haur eta gazte literatura  |  Feminismoa  |  Generoa

Haur eta gazte literatura kanaletik interesatuko zaizu...
Kontatu ipuin bat...

David Mckeek 1969an idatzi zuen, Paul Klee margolari suitzarraren eraginez, Elmer koloretako elefantearen istorioa. Liburu hark ezberdinen arteko harremana eta errespetua errebindikatzen zuen. Elmer ez da beste elefanteak bezalakoa, eta hori Elmer protagonista izan den... [+]


Europa amets

Maliko hegoaldean sortutako 14 eta 16 urte bitarteko lau gazte ditugu nobela honetako protagonistak. Beraiek egiten duten bidaia da, hain zuzen, Xalbat Itzainak kontatzen diguna. Nola ateratzen diren etxetik, batzuk gogoz, bateren bat behartuta; nola doazen Burkina Fasora, Niger... [+]


"Ez dut lotsarik sentituko idazten dudanarengatik"

Irakurri eta idaztearen aldeko manifestua publikatu dute, haurrentzako liburu bihurtua. Lehenengo irakurlearen aldeko dekalogoa eta gero idazlearen aldekoa jasotzen ditu liburuak, eta izenburukoa da aldarrikapenetako bat. “Nik aukeratzen dudana irakurriko dut”,... [+]


Bakarrik eta ikaraturik

Benetan bitxia eta gomendagarria Zubizarretak eta Gurrutxagak eskaintzen diguten obra hau! Lehen orria kenduta gainerako guztia espazio berean gertatzen da; antzokian bageunde bezala, irakurleak agertokian (etxeko sukaldean) jazotakoak ikusi ahal izango ditu.

Hasieran... [+]


Irudimenak irribarrea

Zelaietak eta Arnalek lau eskutara idatzitako hirugarren obra dugu hau, oker ez bagaude. Torlojuak izan zen lehena, Tatxani Handiaren azken trukoa etorri zen ondoren, eta orain Berta Berezi dakarkigute Gasteizko irakasleek.

Beren obretan umorea, hitz jokoak eta bizitasun... [+]


Irakurrienak
Azken albisteak
Argia buletina
Egunaren laburpena
zure e-postan
Eguneraketa berriak daude