"Gehiegizko diru-goseak ez ditzala Baztango herriak jan"

  • Etxe handien "nolanahiko salmentak" Baztango herrietan izaten ahal dituen ondorioez ohartarazi nahi izan du EH Bilduk ohar bidez. Azken aldian, Baztango etxe handiak erosteko asmoz kanpoko inbertitzaileak "han-hemen" omen dabiltza, eta hori hedatzen ari den joera dela gaineratu du. "Afera biziki larria" delakoan dago EH Bildu.

Artikulu hau CC BY-SA 3.0 lizentziari esker ekarri dugu.

2020ko urriaren 09an - 13:13
"Tokiko biztanleen bizitegia izateko eskubidean ondorio zuzena du"

Baztango EH Bilduren hitzetan, "etxe horien erosketa landa-hoteletarako edo bigarren bizitegietarako da". Hala, "azkeneko aldian bailaran ezagutzen ari garen ostatu-turistikoen gehiegizko eskaintza eta herritarrak bizitegia eskuratzen dituzten zailtasunak handitzen" direla uste du eta "bereziki kontuan hartzekoa» iruditzen zaio «erosle horiek ordaintzeko duten ahalmena gainerakoen gainetik" izatea, "horrek merkatuaren kariotzea dakar, herritar arruntak etxe horiek erosteko aukeratik baztertuz". Gehiago ere bai. Merkatua garestitzearen ondorioz, "ohiko bizilagunak bailaratik kanporatzeko arriskua" ikusten du, "erosahalmen handiko jendearekin ordezkatua" izanen delako. "Afera biziki larria» delakoan dago EH Bildu, "tokiko biztanleen bizitegia izateko eskubidean ondorio zuzena baitu".

Hirietako gentrifikazioaz ere mintzo da oharrean, hau da, "auzo herrikoiak klase sozial ahaltsuagoek ordezkatzeko prozesu urbanoaz". Baztanen, «irudiko zerbaiten hastapenean" egon daitezkeela dio: "lehenago ere Ipar Euskal Herrian horrelakoak salatu izan dituzte; jubilatu ondotik heldu diren paristarren gelditu gabeko etorrerak etxeak eta lurrak nola garestitu dituen, arazo sozial larria sortuz".

"Herritarrak ohartarazi nahi ditugu gibelerat bueltarik ez duen bidean sartu aitzinean"

Egoera ikusita, eta "gibelerat bueltarik ez duen bidean sartu aitzinean", EH Bilduri "beharrezkoa" iruditzen zaio "kontzientzia sozial bat sortzea: ohiko bizitegia izatea lehenestea eta salneurriak arrazoizkoak izatea". Areago: "ahalik eta negozio handiena egitea ez da onargarria izaten ahal". Gisa berean, "norberaren ondarearekin hartzen diren erabakiek ondorio sozialak" dituztela azpimarratu du, eta EH Bilduren irudiko, "herritar guztioi dagokigu nahi dugun bailara ereduaren arabera jabetza pribatuarekin egin ahal dena finkatzea, bai legez, bai kontzientzia edo etika sozial jakin baten bidez. Gehiegizko diru-goseak ez ditzala gure herriak jan".


Kanal honetatik interesatuko zaizu: Baztan
2024-02-09 | Ahotsa.info
Erdiz Bizirik plataformak meategiko UGEParen kontrako alegazio sinadurak bilduko ditu

Heldu den asteazkenean, otsailaren 14an, batzar irekia eginen dute Arizkunenean 19:30ean eta "UGEParen inposizioari aurre egiten lagundu nahi gaituzten guztiak" gonbidatu dituzte parte hartzera.


2024-01-18 | ARGIA
Nafarroako Gobernuak Baztango Erdiz inguruan magnesita meategia eraikitzeko plana onartu du

Nafarroako Gobernuak asteazken honetan onartu du proiektua udalerriz gaindiko eragina duen plan modura (UGEP), eta horren ondorioz, Magnesitas Navarras SAk 25 urtez ustiatu ahal izango du Erdizen ireki nahi duen meatzea.


Mutil-dantza baztertzailerik gabe, lehen aldiz Baztanen

Baztango herrietako festetan Mutil-dantza parekideak egitea “mugarri garrantzitsu bat gainditzea” dela adierazi du Plazara Dantzara taldeak. Hala ere, azpimarratu du dena ez dagoela “irabazita” eta oraindik “bide luzea” dutela egiteko.


2023-10-30 | Garazi Zabaleta
Eztibeltza kooperatiba
“Afizioa ofizio bihurtu zaigu sagardotegiarekin”

Baztango sagar mota baten izena da eztibeltza, eztigorri eta eztixuriarekin hirukotea osatzen duena. Iaztik, baina, bertako kooperatiba baten izena ere bada Eztibeltza. Kirikoketa besta, Baztango sagarraren kultura eta Arizkungo Gamioxarrea dolaretxea bultzatzeko lanean urteak... [+]


2023-10-18 | Jon Torner Zabala
Baztango Udalak ezezkoa emanda, Arxuriako pista ez dute egingo

Baztango Udalak ez ohiko bilkuran hala bozkatuta, Arxuriako lepoan egitekoa zen bide berriaren proiektua bertan behera geratu da. Kontra bozkatu dute EH Bildu eta Baztango Independenteetako sei hautetsik, eta abstenitu egin dira Zurekin Baztan, UPN eta Geroa Baiko bost... [+]


Eguneraketa berriak daude