Gazteen aisialdia: talde kohesioa ahultzearen beldur
Udako oporrak gerturatu ahala, seme-alaben aisialdi eskaintzari begira jarri ohi da guraso asko. Bada, COVID-19ak baldintzaturiko garaiotan, Kataluniako hainbat monitore eta hezitzaile beldur dira ez ote den hango sare asoziatiboa ahulduko.
Directa agerkarian plazaratutako artikuluan hainbat punturi heldu dio Laura Roig kazetariak. Dioenez, aurtengo udari begira, data hauetan antolatu ohi diren ekintzak aurrera eraman ahal izango dira ziurrenik. Entitate pribatuek antolatzen dituzte aste gutxi irauten duten ekintza horietako asko eta, horiek, hein batean, betea izango lukete helburua. Aldiz, badira ikasturte osoa irauten duten egitasmoak, zeintzuk "zalantzaz" begiratzen dioten etorkizunari, Kataluniako asoziazio- eta hezkuntza- sarea ahultzen ari dela sumatzen dutelako.
Plataforma digitalak baliatuta hutsunea bete ahal izan dute neurri batean, baina ekintzak presentzialki egitea ezinbestekotzat dute. Beldur dira, pandemiagatik bi ikasturte "galduta", talde-lotura ahuldu ez ote den. Hori horrela, hainbatek garrantzia handiagoa eman(go) dio harremanak sendotzeari, ongi pasatzeari, talde-lana indartzeari... eduki pedagogikoari baino.
Beste puntu bat espazio publikoaren erabilerarena da. Pandemiak behartutako baldintzak (pertsonen artean 1,5 metroko espazioa...) direla-eta, sarri ez dute leku egokirik aurkitzen haien ekintzak aurrera eramateko. Administrazioei eskatzen diete azpiegitura publikoak haien esku jartzeko, eurenak nahikoa ez direnean gazteekin ekintzak egiteko. Zentzu horretan, Esplac aisialdi taldeen sareak elkarretaratzeak dietu zituen otsailaren 20an, "espazio seguruak" direla aldarrikatzeko.
Hamar urteren ostean, Euskal Herriko Hitz Gurutzatuen Txapelketa antolatu dute berriz ere Irunen, Korrika bertatik abiatuko dela baliatuta. Martxoaren 2an egingo da eta lehia kutsurik izango duen arren, lagun giroan denborapasazaleak elkartzea du helburu nagusi. Hizkuntzarekin... [+]
6-10 urte bitarteko haurrek doan dituzte eskolaz kanpoko jarduerak Portugalen. Ekintza hauetan parte-hartze unibertsala bermatzea onuragarria izan da Portugalgo ikasleen arteko desoreka sozioekonomiko eta ondorioz akademikoei aurre egiteko eta eskola porrota txikitzeko, besteak... [+]
Klima larrialdiarekin eta energia krisiarekin gure bizi ohiturei buruzko galderak sortu zaizkigu: Zenbat bidaiatu eta nola? Josu Iztueta bidaiari ezagunak kontraesanen ispiluaren aurrean jartzera gonbidatu gaitu, tonu goxoan eta irribarre xamur batekin: “Ikusi beharra dago... [+]
Erronka jarri nahi izan dugu ARGIAtik: zenbateraino utzi diezaiokezu sormenari hegan egiten? Zenbateraino bihurritu dezakezu istorio bat eta bilakatu beldurgarria, barregarria, dramatikoa? Gauza al zara euskarak duen aberastasunari etekina atera, hitz-jolasei leku egin eta... [+]