Gauez manifestatuko dira Baiona eta Donibane Garazin, pentsio sistemaren erreformaren kontra

  • Tortxekilako erretreta deitu mobilizazioa eginen dute urtarrilak 23 honetan, Baionako geltokitik zein Donibane Garaziko udaletxetik abiaturik. Intersindikalak finkatu mobilizazio egunak izaki gaurkoa eta biharkoa, hainbat hitzordu daude finkaturik Ipar Euskal Herri guztian.


2020ko urtarrilaren 23an - 09:24
Gaueko manifestazioa Marseillan

Urtarrilaren 24ean aurkeztuko dute pentsio sistemaren erreforma Frantziako Ministroen Kontseiluan. Hori horrela, desadostasuna eta presioa sentiarazteko asmoz, bi mobilizazio egun dituzte sindikatuek finkaturik: bezperan eta egunean bertan.

Gau beltzean mobilizatuko dira lehen aldikoz Baionan eta Donibane Garazin, tortxekilako erretreta deitu ekimena eginez. Greba mugimenduan ez direnei mobilizatzeko aukera ematen die protesta forma horrek. 19:00etan finkatu dute hitzordua Baionako geltoki aitzinean, 19:30etan haatik Donibane Garaziko udaletxe aitzinean. Azken asteetan ezker-eskuin egin dira gisa horretako mobilizazioak.

 

 

Horrez gain, Donibane Lohizuneko Ravel lizeoaren aitzinean ere elkartuko dira urtarrilaren 23 honetan, 12:00etan.

Lege-proposamena Ministroen Kontseiluan

Urtarrilaren 24an dute pentsio sistemaren erreforma aurkeztuko Frantziako Ministroen Kontseiluan. Herritarren partetik desadostasun handiak izan arren, erreforma aitzina eraman du Frantziako Gobernuak, aldaketa handirik egin gabe. Erreforma bai ala bai pasako dela errepikatzen dabiltza gobernuko ordezkariak. Sindikatuekilako adostasunik ez bada lortzen, lege-ordenantza bidez, hots, Parlamentuaren baitako eztabaidarik gabe pasako duela abisatua du gobernuak.

Manifestazioa eginen dute egun horretan ere Baionako geltokitik abiatuz 10:30tan. Greba eguna ere izanen da sektore publiko zein pribatuan. Abenduaren 5ean abiatu zen kontrako mugimendua eta gaur egungo sistemaren aldekoa. Hain zuzen, belaunaldien arteko elkartasunean oinarrituriko sistemaren bukaera eta kapitalizazio bidezko sistemaren hasiera dakar erreformak.


Kanal honetatik interesatuko zaizu: Pentsioak
2023-11-16 | Estitxu Eizagirre
"Bertsopentsiotan", Pentsiodunen I. Bertso Jarrien Lehiaketa
Astelehenero kalera ateratzen diren aldarriak bertsotara eramateko deia

Euskal Herriko Pentsiodunen Mugimenduak bertso lehiaketa berezia jarri du martxan: "Bertsopentsiotan". "Ari garela, ari garela, astelehenero kalean" gaiari bertsoak jartzeko urtarrilaren 15a arte (astelehena) dute epea 60 urtetik gorako Euskal Herriko eta... [+]


2023-11-10 | Ahotsa.info
1080€ Orain herri ekimenak larunbateko manifestazioan parte hartzeko deia zabaldu du

1080€ Orain ekimenak, prentsaurreko bidez, larunbatean 17:30ean Baluarte plazatik abiatuko den manifestazioan parte hartzeko deia luzatu du. Eta gainera, dei berezia egin nahi izan diete nafar emakumeei, "pentsioetan ematen den genero arrakala ukaezina delako eta... [+]


Gutxieneko pentsioa 1.080 eurokoa izateko Nafarroako aurrekontuetako dirua bideratzeko eskatu dute

Nafarroan 51.000 pertsona dira 1.080 eurotik beherako pentsioa dutenak. Horietatik %66 emakumeak dira. Nafarroako Gobernuak ardura har dezala eta gutxieneko pentsioak ziurta ditzala eskatzen ari dira. 


2023-08-22 | Ilargi Manzanares
Pentsiodunak Bilboko jaietan mobilizatu dira

Milaka pentsionista atera dira kalera astelehenean, txistulariekin eta konpartsekin batera, Bilboko Aste Nagusiaren oihartzuna aprobetxatuz. Hainbat erreibindikazio egin dituzte, hala nola 1.080 euroko gutxieneko pentsioa.


72 urterekin jubilatu? Zergatik Espainiako enpresarien lobbyaren proposamenak ez duen heldulekurik

Espainiako Enpresarien Zirkuluak dio pentsioen sistema publikoak "bost urte barru" kiebra ez jotzeko modua dela 68 eta 72 urte artera luzatzea erretiro adina. AEBetan eta beste zenbait tokitan eskuin muturrak darabilen diskurtso bera erabili du lobby honek.


Eguneraketa berriak daude