Gastu publikoa murrizteko eskatu dio Europar Batzordeak Espainiako Estatuari
"Zor publikoaren nahiz langabeziaren adierazle altuak" dituela gogorarazi dio Bruselak Madrili. Ondorioz, arau fiskalik zurrunenak geldirik mantenduko dituzten arren, gastu publikoa "berehala doitzea" agindu dio Europar Batzordeak. 2023ko zerga-politika "kontu handiz" diseinatu beharko dute Europar Batasuneko estatu kideek.
"Gastu-doikuntzak" iragarri ditu Europar Batasunak 2023rako. "Zuhurtasunezko zerga-politika" jarrai dezaten agindu die estatu kideei, "gastu publikoaren hazkundea kontrolatzeko". Batasuneko estatu guztiak atzeraldi ekonomiko baten arriskupean dauden arren, horietako zenbaiten egoera "bereziki larria" dela diote Bruselan. Ohartarazi du "zor handiarekin lotutako desorekak" dituela Espainiako Estatuak, "langabezia handiko testuinguruan".
Espainiako Estatuko zor publikoa Barne Produktu Gordinaren (BPG) %118 ingurukoa da, eta zorpetze hori elikatzen duen defizita 81.500 milioi eurokoa izan zen iaz, BPGaren %6,76ren baliokidea. Aurrera begira, EBk "arrisku handiak" ikusten ditu epe ertainean, 2021ekoak baino zor-ratio handiagoekin. Azken urteotako ziurgabetasunek beste estatuetan ere eragina izan dutenez, Europar Batzordeak geldirik mantentzen ditu Egonkortasun Ituna deiturikoaren ohiko arau fiskalak, 2024ra arte, gutxienez.
Ihesean
Europar Batasunak ohiko arau fiskalak "leundu" egin ditu COVID-19aren agerpenaz geroztik. Arauok urteko %3ko defizit publikoaren gehienezko langa ezartzen dute, batetik, eta zorra %60raino minimizatzeko planak indarrean jartzea, bestetik. Arauok indargabetzen dituen Ihes klausula orokorra luzatu dute, ordea, COVID-19aren sasoian "salbuespenezkoa" zirudiena.
Horren atzetik bi arrazoi daude, gutxienez: egungo koiuntura ekonomikoan estatu bat berak ere ez lituzkeela baldintzak beteko eta betetzen saiatzeak zorraren krisia areagotuko luke. Bestalde, Ukrainako gerraren harira NATOren armatze-prozesua bizkortu denez, EBko estatu kide gehienak armagintza industriara zein armadetara diru-partida gehiago bideratzen ari dira. Armatze-prozesuak eskatzen duen defizitak azaltzen du Bruselaren ustezko "eskuzabaltasun fiskal" hori.
Mugak, gastu publikoan
Doikuntza-mekanismo egonkor deiturikoaren behin-behineko etenaldiak, ordea, muga zehatzak ezartzen dizkio gastu publikoari. Osasungintzan, hezkuntzan, gizarte segurantzan edo bestelako zeharkako soldatetan egindako gastua gertutik ikuskatzen du Europar Batasunak. Oso tarte murritza baimentzen du arlo horretarako, inbertsio militarrerako zorpetze maila handiagoak onartzen dituen bitartean.
Madrilen ahulguneak
"Zerga-gomendioen dokumentua" deituriko txostenaren arabera, desorekak izaten jarraitzen duten potentzien taldean dago Espainiako Estatua, beste sei estatu kiderekin batera: Alemania, Frantzia, Herbehereak, Portugal, Errumania eta Suedia. Bruselak "zor handiarekin" lotzen du Madrilen kalteberatasuna; zerga-politikarako tarte estua uzten duen langabezia handiko testuinguruan, gainera. Espainiako Estatuko zor pribatua, bestalde, COVID-19aren krisiaren aurretik baino handiagoa omen da orain.
Talka makroekonomikoa
"2023an ihes-klausula orokorrari eustea proposatzen dugu, eta 2024an desaktibatzea", esan du Valdis Dombrovskis Ekonomia Saileko presidenteorde exekutiboak astelehen honetan egindako agerraldian. EBk Europako seihilekoa-ren udaberriko paketea iragarri berri du. Bertan, "talka makroekonomikotzat" jo du Ukrainako gerra, besteak beste, "EBren segurtasun energetikoaren beharretarako epe luzerako inplikazioak dituelako".
Paolo Gentiloni Europako Ekonomia batzordekidearen hitzetan, "shock larria" nabari da hainbat alorretan: "energia zein elikadura-merkatuetan, industria-hornidurako kateetan, erregaiaren inflazioan eta kontsumitzaileen zein inbertitzaileen konfiantza ahultzean". Halaber, italiarra ere ihes-klausula orokorra luzatzearen alde agertu da, estatu kideek "ahalik eta azkarren" erreakzionatu ahal izan dezaten eskura dituzten zerga-tresna murritzen bidez. "Oso garai iragarrezinak dira", ondorioztatu du.
Egoera "delikatua" dela aitortu dute batzordekideek, eta ondorioz, estatu bakoitzak 2023ko zerga-politika "kontu handiz" diseinatu beharko duela.
2022ko krisi militarrak bizkortuta, hazkunde-itxaropen beherakorrak eta inflazio-itxaropen gorakorrak irakurri behar izan ditu batzordeak erkidegoko bloke osorako. Iragan astean jakinarazi ziren udaberriko aurreikuspenetan, BPGaren igoera %2,7ra arte murriztuko zela esan zuen Bruselak, neguko aurreikuspenak baino 1,6 puntu gutxiago. Inflazioa, berriz, %6,1ean kokatu zuen, neguan baino 2,6 puntu gorago.
EBko iturriek ziurtatzen dutenez, bi elementuok kontuan hartu dira agindu fiskalak zehazterakoan. Gainera, "gastuaren hazkunde" bat izango dela diote; izan ere, energia-krisiari erantzuteko neurriek eragina izan dute estatu kide gehienetan. Enpresa zein kontsumitzaile kalteberak arintzeko ezarri diren mekanismoek euren kostua izan dute: erkidegoko BPGaren ia %0,6, batzordearen datuen arabera. Hiru estatutan, berriz, BPGaren %1 gainditzen dute dagoeneko: Lituanian, Hungarian eta Grezian, alegia.
Batzordeak 2022ko hazkunde-itxaropen apalei eusten die, "ziurgabetasun handiaren eta beheranzko arriskuen erdian". Ez du, gainera, inolako bultzada fiskal orokorrik bermatzen ekonomiarentzat 2023rako. Gauzak horrela, "inbertsio jakin batzuen handitzea" eta "Estatuak finantzatutako lehen mailako gastu arruntaren hazkundea kontrolatzea" uztartuko dituzte
Azoka-eguna da Errenterian, eta bizi-bizi dago zumardia. Ingurua ondo ezagutzen du Uzuri Aboitizek, herri horretan 2008ko krisiak zer-nolako eragina izan zuen aztertu baitzuen bere tesian. Antropologoa da, eta antropologo-begiradaz erreparatzen dio ekonomiari: behetik,... [+]
Hamar urteko epea dute NATOko estatu-kideek helburu hori lortzeko. Espainiak ere sinatu du akordioa, baina, aldi berean, Mark Rutte aliantza atlantikoko idazkari nagusiaren gutun bat eskuratu du Pedro Sánchezek, ustez "malgutasuna" emango liokeena. Donald Trumpek... [+]
.jpeg)
Lanpostuak, emakumeak artatzeko egonaldi ertaineko harrera zerbitzua eta aurrekontua murriztu ditu Aldundiak.
Aspaldian Irunen ikusi den manifestaziorik jendetsuenetakoa izan da larunbatekoa, Bidasoako ospitaleko zerbitzuak desegitearen aurka. Besteak beste, larrialdi pediatrikoak, haur eta gazteentzako psikiatria zerbitzua eta urologia ezabatu dituzte, eta agerikoak dira ondorioak... [+]
Pazienteek Donostiara joan behar dute arreta jasotzeko. Osasun Bidasoa plataforma herritarrak salatu du itxierak “are gehiago hondatuko” duela eskualdeko osasun publikoa.
PPrekin eta EH Bildurekin negoziazioetan porrot egin ondoren etorri da Ahal Dugurekin adostutako akordioa. Indar politiko honek aitortu duenez, maximalismoak atzean utzi eta errealitateari heldu diote, errenta baxueneko herritarren aldeko akordioa lortuta.
Amparo Viñualesek, Erronkariko alkateak, salatu du Erronkariko, Burgiko, Gardeko eta Bidankozeko kontsultategiek arreta txikitu beharko dutenez prebentzioan eragingo duela.
.jpg)
Espainiako Estatistika Institutuak erreferentziazko indize berria argitaratu du urtarrilaren 2an. Horren arabera, alokairuen prezioak gehienez %2,2 garestitu ahalko dira urtean. Indize hau 2023ko maiatzaren 25ean indarrean sartu zen Etxebizitza Legearen ondorio da, eta data... [+]
Urte berriaren hasierarekin, hainbat zerbitzu eta produkturen prezioetan igoerak izango dira. Elikagaietan, energia fakturetan, udal-zergetan eta etxebizitza gastuetan garestitze nabariak atzemango dira.
Iazko Gabonetan, hamabi ordurainoko itxaronaldiak izan ziren. Urtean 180 egunetan ezartzen ditu nolabaiteko murrizketak Osakidetzak.
Garraio publikoaren prezioa handitzea eta deskontuak kentzea “onartezina” dela kritikatu dute dozenaka pertsonak, Jauzi Ekosozialak eta Euskal Herriko Eskubide Sozialen Kartak deituta. Langile klasearentzako “zama gehigarri bat” izango litzatekeela eta... [+]
Duin bizi ahal izateko prestazio ekonomikoa jasotzen dutenak lupapean ditu, berriro ere, Eusko Jaurlaritzak: postontzia jarri du martxan, herritarrek modu anonimoan “jardun irregularren edozein susmo” jakinarazi dezaten, eta Lanbideko Kontrol Unitatea indartu du,... [+]
Alfonso Setiey Anitzak elkarteko lehendakariak esan du langile eta informazio falta dagoela, itxaron zerrenda “luzea” dela eta estigmatizazio “handia” dagoela.
Valentziako Generalitateko presidentearen aurka salaketa jarri du CGT sindikatuak, heriotzak saihesteko neurriak hartu ez izana leporatuta. Hogei bat eragile sozial eta sindikalek berriz, haren dimisioa eskatzeko manifestazioa antolatu dute hiriburuan, datorren larunbaterako.
Amurrioko anbulatorioko Etengabeko Arreta Gunean ez zen medikurik egon joan den igandean, Aiaraldeak informatu duenez. Hain justu, hainbat bizilagunek sinadura bilketa abiatu dute eskualdean: “Erabat normalizatu da Laudioko zein Amurrioko Etengabeko Arreta Guneetan mediku... [+]