Gasteizko udaltzainek ere taser pistolak izango dituzte
Bi T10 pistola elektriko erosiko ditu udalak, baina beste sei erostea eskatu dute poliziek. Arma zurien erabileraren ustezko gorakada hartu dute aitzakiatzat, erabilera justifikatzeko. Gero eta udaltzaingo gehiagotan ari dira taser pistolak eskuratzen; Ertzaintzaren BIZKOR unitateek 2017tik dituzte, eta Nafarroako Foruzaingoak 150 lortzeko prozesua martxan jarri du.
Gasteizko Udalak taser pistolak erosiko ditu horretarako "dirua duenean", Segurtasun zinegotziak argitu duenez. Uztailean adierazi zuen arma horiek erosteko asmoa, eta erabakia berretsi du orain zinegotziak. Udan, gazte batek kristalezko botila batekin eraso zion ertzain bati, eta hori probestuta iragarri zuen udalak arma berriak eskuratzeko asmoa.
Poliziek beraiek eskatu diote udalari taser pistolak erosteko, eta gobernuak "abantailak eta desabantailak" aztertu ondoren, erosi egingo dituela erabaki du. Udaltzaingoak dio "segurtasuna handitu eta disuasio-efektua" izan dezaketela pistola elektrikoek, eta justifikaziotzat hartu du "arma zuriak zabaltzen" ari direlako mamua.
Oraingoz, T10 modeloko bi pistola erosteko konpromisoa erakutsi du udalak, baina poliziek denera zortzi erostea nahi dute: bi ekipoko kopurua "eskasa" da, haien hitzetan. 18.800 euroko kostua izango dute bi taser pistolek, eta, azaldu dutenez, irudia zein audioa grabatzeko kamera izango dute.
Taser pistolak nonahi
Geroz eta polizia-indar gehiago ari dira taser pistola berriak eskuratzen. Nafarroako hainbat udaltzaingok lortu dituzte arma elektrikoak, besteak beste, Azagran, Azkoienen, Balterran, Cascanten, Corellan, Faltzesen, Funesen, Iruñean, San Adrianen eta Zentronikon. Bizkaian ere hedatzen ari dira arma horiek: Basaurin jadanik badituzte taser pistolak udaltzainek, eta Barakaldon, Durangon zein Trapagaranen ere neurria aplikatzeko asmoa dute udalek.
Ertzaintzako BIZKOR unitateek 2017tik daukate arma horiek erabiltzeko baimena, eta jadanik baliatu dituzte. Esate baterako, martxoan, agerraldi psikotikoa izan zuen pertsona baten aurka erabili zuten taser pistola ertzainek, Astigarragan (Gipuzkoa): Poliziaren esku-hartze bortitzean bizia galdu zuen gizonak.
Bestalde, Nafarroako foruzaingoek 150 taser pistola eskuratuko dituzte aurki, eta horretarako beharrezko araudi-aldaketa jarriko du martxan. Guardia Zibila ere ari da pistola elektrikoak zabaltzen, besteak beste, Nafarroan bertan.
Azken sei urteotan Piztu Donostia eragile sozialaren talde motorra osatu dugunoi txanda pasatzeko unea iritsi zaigu, mila gai eta beste mila fronte zabalik geratzen diren arren.
Duela sei urte Eneko Goiak, PSOEren laguntzarekin, osaturiko Donostiako Udalak bideratzen zuen... [+]
Ondo jakina da Euskal Herriak bere buruaren jabe izateko beharrezko duen botere politikoa ukatua duela Espainia eta Frantziako estatuen aldetik. Euskal Herrian, bertan bizi, lan egin eta euskaldun izan nahi duen biztanleriari, herritar gisa bizi-proiektu duin eta ziurra garatu... [+]
Eusko Jaurlaritzako Segurtasun Sailaren arabera, hainbat pertsonen arteko borroka bat zela eta bertaratu dira larunbat gauean ertzainak Ordiziara (Gipuzkoa), eta liskarrak izan dira. Bi ertzain ospitaleratu dituzte: bat lepauztaia apurtuta eta masailean ukabilkada bat jasota;... [+]
Arrazekeriaren aurkako eragilearen arabera, pertsona baten aurka piperbeltz espraia erabili du Poliziak, eta hainbat lagun identifikatu dituzte. Foruzaingoak eta Udaltzaingoak baieztatu dute pertsona bat atxilotu dutela, "ez laguntzeagatik eta aurre egiteagatik".
Kasuan "inpunitatea gailendu ez dadin" egingo du lan, "Poliziaren berezko izaera salatzearekin batera". Hiru aldarri zehatz egin ditu: foam balak eta jaurtigaiak debekatzea, polizien identifikagarritasuna bermatzea, eta brigada mugikorraren desegitea.
Nafarroako Barne Sailak araudia aldatu du Foruzaingoak taser pistolak erabiltzen hasteko hurrengo urtean. Pistola elektrikoen erabilera poliziek daramatzaten kamerek kontrolatuko dute.
17 urteko gazteari tiro egin zion Frantziako poliziak bere nahia bete du, eta Ipar Euskal Herrira ekarri dute lanera. Polizia gehiegikeriaren ondorioz hildako Merzouken kasuak mobilizazio eta protesta ugari eragin zituen Frantziako Estatuan.
Apirilean gertatu zen, Etxarri II gaztetxearen desalojoan, eta tiroaren ondorioz barrabila galdu zuen Iker Aranak. Aranak berak emandako materialetik identifikatu dute ertzaina.
Rosa Zarraren hilketaren 30. urteurrena da ekainaren 30ean. Ekainaren 29an, biolentzia polizialaren biktimaren omenaldian, hainbat eskakizun egin zituen Egiari Zor fundazioak. Zarraren familiak Juan Mari Atutxa Segurtasun sailburu ohiari barkamena eskatzea galdegin dio.
Hernaniko Txosna Batzordeak azaldu duenez, gutxienez hiru eraso arrazista izan ziren herrian ekainaren 23ko gauean, eta horren harira zabaldutako “bulo eta gezur arrazistak” salatu ditu. Udalak ere adierazpen instituzionala onartu du gertaturikoa gaitzesteko. Amher... [+]
Xabier Lertxundi alkateak adierazi du istiluak leku eta ordu ezberdinetan gertatu direla, eta haien artean ea loturarik dagoen ikertzen ari dira. Udaltzaingoak laguntza eskatu dio Ertzaintzari 03:30 aldera, eta haiek oldartzean hainbat lagun zauritu dituzte. Segurtasun Sailak... [+]
Gaztetxearen aldeko manifestazio jendetsu bat egin zuten larunbatean Durangon, espazioaren irekieraren berri eman eta lau egunera. "Lehenengo gaua ere ez genuela bertan pasatuko esan ziguten, eta oraindik gaztetxean tinko jarraitzen dugu", aldarrikatu... [+]
Lagun marika batek deitu dit galdetzeko nola salatu dezakeen hurrengoa: joan zen Akarlandara, EHUren parean dagoen parkera, eta komun publikoetan bi tiporekin zegoela, udaltzainen bizpahiru kotxe agertu ziren super azkar, poliziak sartu ziren komunera borrekin hormak kolpatzen,... [+]
Erasoa Bilboko kale horretako ile apaindegi batean egin zuten maiatzean. Erasoa grabatua izan zen eta auzokideek salatu zuten.
Emaitza positiboa eman zuen iragan abuztuan egindako testak, baina Polizia Zientifikoaren laborategira bidali baino lehen Ondarroako komisariatik desagertu zen frogen poltsa.