Gasteizko Udalak Israelekin harreman komertzialak dituen euskal enpresa bat kontratatu du airearen kalitatea neurtzeko
Zehazki, emisio txikiko eremuan airearen kalitatea neurtzeko gailuak erosi dizkio Gasteizko Udalak Kunak enpresa nafarrari. Horrek Meteo-Tech konpainia israeldarrarekin hitzarmena dauka Israelen lehen banatzailea izateko.
aurre egingo dieten hedabide independenteak
Palestinarren aurkako oldarraldia eta genozidioa bereziki larria da azken hilabeteetan. Israelek 18.000 palestinar baino gehiago erail ditu urriaren 7tik gaur arte. Testuinguru honetan indarra hartzen ari da Palestinako eta mundu osoko ehunka eragilek bultzatutako Boikot, Desinbertsio eta Zigor kanpaina Israelen aurka, egoerari erantzuteko. Bien bitartean, euskal erakundeek Israeleko instituzio eta enpresekin harremanak izaten jarraitzen dute. Horien artean, Gasteizko Udala.
Izan ere, Gasteizko Udalak Kunak enpresa kontratatuta du 2022tik airearen kalitatea neurtzeko gailuak eta ekipoak erosi, abiarazi eta mantentzeko, 13.500 euroko aurrekontuarekin. Orokoieneko (Nafarroa) enpresa da Kunak Technologies. 2022tik hitzarmena sinatu zuen Meteo Tech konpainia israeldarrarekin, Israelgo airearen monitorizazio tresnen banatzaile ofiziala izateko. Momentuz gailu horietako bi daude Gasteizen funtzionamenduan. Kai plazan dago horietako bat.
Ez da Gasteizko administrazio publikoak kontratatua duen eta Israelekin harreman komertzialak dituen konpainia bakarra. Sacyr multinazionalak Gasteizko eta Arabako Foru Aldundiko udal uren saneamendu eta araztegi sareak kudeatzen ditu. Gasteizekin 2.034.687 euroko kontratua du bi urterako. Sacyr-en filial bat Palestinako uraren apartheidean egon da inplikatua.
Palestinako ehundik gora eragilek 2005. urtean jarri zuten abian BDZ kanpaina, tartean giza eskubideen aldeko hainbat taldek. Hego Afrikako apartheidaren aurkako borroka izan da inspirazio iturria. Funtsean, boikota, desinbertsioak eta zigorrak eskatzen ditu Israelen aurka. Helburua presioa egitea da Israelek nazioarteko legedia errespetatu dezan eta kolonizazioa eta apartheid erregimena eten daitezen. Palestinarren askatasun eta justizia printzipioak ditu oinarri. Berriki, garaipen handi bat lortu du kanpaina honek: Puma marka ezagunak utzi egin dio Israelen futbol selekzioa babesteari, presioak medio. Euskal Herriko hainbat kolektibok ere bat egin dute boikot kanpainarekin eta euskal erakunde eta enpresek Israelekin dituzten harremanak etetea exijitzen dute.
Ohiturari jarraituta, astelehenean Olarizuko zelaietan agurtu dute uda gasteiztarrek. Aurtengoa, ordea, desberdina izan da, egunak argitu duenetik presente izan baitira lorezainen aldarrikapenak, greba hasi zutenetik ia urte erdia bete denean.
Larunbat honetan Gasteiz Euskararen Hiria ekimenak hartuko du Gasteizko Andre Mari Zuriaren plaza. Goizean hasi eta gauera arte, “euskararen aldeko festa handia” izatea nahi dute euskalgintzako eragileek, kirol jarduerak, kultur emankizunak edo arratsaldeko... [+]
Global Sumud Flotillak deituta, dozenaka ontzi itsasoz ahaleginduko dira Israelek ezarritako blokeoa hausten. Ekimenera mundu osoko aktibistak batu dira, tartean lau euskal herritar. Deialdiari babesa adierazteko, Gazarako Mugimendu Globaleko Euskal Herriko delegazioak hainbat... [+]
Ontzidia abuztuaren 31n irtengo da Bartzelonatik. Euskal Herriko lau kide joango dira bertan, munduko beste 40 herrialdeetako solidarioekin batera.
50 maliar inguru ari dira kalean bizitzen Gasteizen beren asilo eskaeren ebazpenaren zain. Eusko Jaurlaritzak Oñati eta Tolosako harrera zentroetara mugituko ditu Espainiako Gobernuaren pasibotasunaren aurrean, horren eskumena baita eskaerak ebaztea eta ostatu alternatiba... [+]
Ostegunean eman dituzte asilo eskaera tramitatzeko lehen txandak: bederatzik lortu dute, irailerako. Eusko Jaurlaritzak ebazpena arintzea, eta migiratzaileak ostatzeko zentroetara mugitzea eskatu dio Espainiako Gobernuari.
Mugimendu Feministak azaldu duenez, Fermin Muguruzaren kontzertuaren aurretik gertatu ziren erasoak. Horiez gain, beste hiru eraso zenbatu dituzte: hiru gizonak atxilotu ditu poliziak.
Gasteizko lorezainen grebak lau hilabete bete ditu, langileek salatu dute Enviser enpresak eta Gasteizko Udalak blokeatu dutela auzia, bilera berririk ez dutelako egin uztailaren 7tik.
GKSk eta Etxebizitza Sindikatuak salatu dute Ertzaintzak eta Gasteizko Udaltzaingoak gogor kargatu zutela "giro lasaian" egiten ari ziren ekimenaren aurka. Lau atxilotu, 11 identifikatu eta hamarnaka zauritu utzi zituzten Poliziaren esku hartzeari buruzko bestelako... [+]
Bi aste barru hasiko diren hiriko jaietan txosna jartzen utzi ez dietela salatzeko kanpaldia egin nahi zuten Gasteizko GKSk eta Etxebizitza Sindikatu Sozialistak, Andre Maria Zuriaren plazan. 20:30ak aldera, ertzainak oldartu egin dira kanpaldian zeudenen aurka, eta bi... [+]
Gasteizko hainbat auzotan ezarri dituzten “Moros fuera de España” kartel eta pegatinak ikertzen ari da Ertzaintza. Irun, Hernani, Barakaldo… Ez dira kasu isolatuak, eta “etorkinen kontura jarraitzaileak irabazi nahi dituen ideologia” ikusten du... [+]
Langilea uztailaren 15ean hil zen eraikin baten estalduraren konpontze lanak egiten zebilela, eta ostegunean jakinarazi du ELA sindikatuak. Estaldura apurtu, eta altueratik erori zen. Guztira 31 langile hil dira Hego Euskal Herrian 2025ean, bostgarrena Araban.
Astelehenetik ostiralera bitarte, 18 eta 35 urte arteko 80 gaztek mundu osoko hizkuntza gutxituen arteko harremanak sendotuko dituzte hitzaldi, mahai inguru eta mintegien gisako jarduerekin. Guztira 68 hizkuntza gutxituk izango dute presentzia topaketan, inoizko kopuru handiena.
ELA, LAB eta ESKk Eusko Jaurlaritzako Ekonomia, Lan eta Enplegu Sailaren proposamena errefusatu dute, nahikoa ez dela arrazoituta. 100 egun baino gehiago daramate lorezainek greban.
Gasteizko lorezainen eta udalak azpikontratatutako enpresaren arteko negoziazioak uztailaren 7an hasiko dira Eusko Jaurlaritzaren bitartekaritzarekin.