ARGIA.eus

2022ko abenduaren 08a

Gasteizko lau grebalarien aurkako epaiketa muntai poliziala dela salatu dute eta absoluzioa eskatu

  • Lau pertsona epaitu dituzte asteazkenean Gasteizen, 2020ko urtarrileko greba orokorraren harira. Babesa adieraztera gerturatu dira epaitegira dozenaka lagun, greba antolatu zuten eragileek, Euskal Herriko Eskubide Sozialen Karta osatzen dutenek, deituta.

Hala Bedi @halabedi
2022ko azaroaren 24a - 10:21
Artikulu hau Hala Bedik argitaratu du eta Creative Commons BY-SA 4.0 lizentziari esker ekarri dugu.

Epaiketak muntai poliziala duela oinarri salatu dute, “eskubide sozialen defentsan borroka egiten dugun guztiok beldurtu eta kriminalizatzea” helburu duena. Euskal Herriko Eskubide Sozialen Kartak pertsona hauen absoluzioa eskatu du, eta “pobretzearen aurka, zein lan, pentsio eta bizitza duinen alde mobilizatzen eta aliantzak ehuntzen” jarraituko duela adierazi.

2020ko urtarrilaren 30ean greba orokorra egin zen Hego Euskal Herrian eta milaka langile eta herritar mobilizatu ziren Euskal Herriko Eskubide Sozialen Kartaren deialdiarekin bat eginez. “Lan, pentsio eta bizi duinak izateko eredu aldaketa” eskatu zuten kaleetan, eta borroka horrek gaurkotasun osoa duela uste dute eragileek oraindik ere.

Aurreko larunbatean ere mobilizazioak egin zituzten lan, pentsio eta bizi duinen norabidean pobretzearen aurka: “Greba orokorrean egin genuen bezala, geroztik ere lan, pentsio eta bizitza duinen alde lanean eta borrokan jarraitzen dugu, bakoitzak bere eremuan zein elkarlanean”. Aldaketa soziala eskatu dute, eta horren aldeko borroka kriminalizatzeari utzi diezaiotela.

Kanal hauetan artxibatua: Errepresioa  |  Gasteiz

Errepresioa kanaletik interesatuko zaizu...
2022-12-05 | ARGIA
Poliziaren jazarpena eta kolaborazio eskariak salatu ditu Mugimendu Sozialistak

Mugimendu Sozialistako bi kidek Poliziaren partetik jazarpen jarraitua pairatu dutela salatu dute. Irekita zeuzkaten prozesu judizialek etorkizunean eragin liezazkieketen balizko kalteen aurrean laguntza eskaini diete militanteei, trukean Mugimendu Sozialistari buruzko... [+]


2022-11-21 | ARGIA
Berangoko auzipetuen sumarioan zenbait militantziaren aurkako jazarpena antzeman daitekeela salatu dute

Azaroaren 17an eta 18an deklaratu behar izan dute 15 pertsonak, Iban Aginaga euskal preso ohiaren ongietorrian parte hartzeagatik terrorismoa goratzea leporatuta. Larunbatean agerraldia egin dute Berangoko frontoian, auzipetutakoei babesa helarazteko eta gertakizunen... [+]


Tubacex-eko greba
Aintzane Mendiaren absoluzioa: Epaileak agerian utzi ditu ertzainen gezurrak puntuz puntu

Beatriz Eva Roman epailearen sententziak ez du zalantzarik uzten. Modu neutroan azaltzen badu ere, Gasteizko Zigor-Epaitegiko kideak argi eta garbi jaso du Aintzane Mendia kolpatu eta atxilotu zuen ertzainaren bertsioak ez duela inondik inora errealitatearekin bat egiten eta... [+]


2022-11-11 | Leire Artola Arin
Olga Rodríguez, Ekialde Ertainean aditua
"Matxismoa Egiptoko estatuaren muina da, eta armadak beti aplikatu du"

Egiptoko matxinadetan emakumeei egin zizkieten sexu erasoak ditu abiapuntu As I Want (Neuk nahi bezala) 2021eko dokumentalak. Samaher Alqadi zuzendariak lehen pertsonatik eta gordin erakusten ditu 2011 eta 2013 artean bizitakoak, besteak beste, Kairon piztu ziren emakumeen... [+]


2022-11-07 | ARGIA
Aintzane Mendia Tubacex-eko langilea epaitu dute, autoritatearen aurkako atentatua egotzirik

Astelehenean epaitu dute Aintzane Mendia Tubacexeko langilea, greba bitartean jazotako gertakari batzuengatik. Auzipetutako zenbait lankide Amurrioko epaitegian zeudela, kanpoan zirenen aurka oldartu zen Ertzaintza. Ostean identifikatu eta atxilo eraman zuten Mendia, eta... [+]



Irakurrienak
Argia buletina
Egunaren laburpena
zure e-postan
Eguneraketa berriak daude