Etxebizitza Sindikatuak salatu du 70.000 euroko isuna jarri dietela etxegabetze bat oztopatzen saiatzeagatik

  • Eusko Jaurlaritzak eta Gasteizko Udalak jarri dizkiete isunak Gasteizko Etxebizitza Sindikatuko kideei, egotzita ez zituztela bete pandemian ezarritako neurriak 2021eko urtarrilean, hamabost lagunen etxegabetze bati aurre egiten ari zirenean. “Jazarpena” salatu dute eta elkartasunerako deia egin: diru-bilketa abiatu dute isunak ordaindu ahal izateko.


2022ko maiatzaren 25an - 16:32

Gasteizko Etxebizitza Sindikatuko kideek irmoki salatu dute Eusko Jaurlaritzak eta Gasteizko Udalak euren aurka ezarritako zigorra; guztira 70.000 euroko isunak ezarri dizkiete, 2021eko urtarrilean etxegabetze bat geldiarazteko protestan ari zirela pandemiari lotutako zenbati arau haustea leporatuta. Salatu dute mozal legea eta pandemia garaiko salbuespen legeak baliatu dituztela horretarako, eta konfinamendu perimetrala eta distantziak ez errespetatzeagatik zigortu dituztela, besteak beste.

“Argi dugu protesta horretan parte hartu genuenon aurkako neurria izateaz gain, aurrerantzean antzeko salaketak egin asmo dituen ororentzako mezua ere badela”, argitu dute ohar batean. Jaurlaritzari eta Udalari egotzi diete “mugimendu oso bat ekonomikoki itotzeko saiakera” egin izana. Horregatik, nabarmendu dute “klase elkartasuna hedatzeko unea” dela, eta dei egin dute isunak ordaintzeko ekarpenak egitera. Diru-bilketa abiatu dute, eta kontu korronte bat ahalbidetu dute horretarako.


Kanal honetatik interesatuko zaizu: Etxegabetzeak
2024-04-04 | Gedar
La Caixak hiru familia etxegabetu nahi ditu Bilbon

Babes Ofizialeko Etxebizitzetan bizi dira familiak, eta La Caixak ez dizkie alokairu-kontratuak berritu nahi. Bilboko Etxebizitza Sindikatuak salatu duenez, bizilagunak kaleratuz, "alokairu sozialetatik aberasten da" banketxea. "Etxegabetzeak berehala eta... [+]


Etxegabetzeak 48 ordutan burutu ahal izateko lege aldaketa proposatu du EAJk

EAJren asmoa da legezko aldaketa azkar bati ekitea, 48 orduko epean etxegabetzeak egin ahal izateko etxebizitzak okupatzen diren kasuetan.


Iruñean familia bat etxegabetuko dutela salatu dute Harituk eta Jaki Tokik

Bilatu dituzten beste etxeetako jabeek ez diete etxerik alokatu nahi izan familia ugaria, soldata bakarra eta atzerritar jatorrikoak izateagatik.


2024-02-13 | ARGIA
Hamabi familia etxetik bota nahi dituzte Pasaian, trenbide zati bat egiteko

Pasaiako portuko langileen familiak bizi diren Trintxerpeko etxebizitza bloke bat bota nahi dute Pasaiako Portu Agintaritzak eta Euskal Trenbide Sareak, 400 metro inguruko trenbide zati bat egiteko. Lau hilabetetan etxea utzi behar dutela ohartarazi diete.


Eguneraketa berriak daude