Gasteizko aurrekontuei buruzko azken erabakia, EH Bilduren esku
EH Bilduk asanblada deitu du konfiantza galdeari buruz erabakitzeko; PPk ezezko "irmoa" emango dio Urtarani.
EH Bilduk asanblada deitu du larunbat honetan, Gorka Urtaran EAJko alkateak 2017ko aurrekontuak onartzeko aurkeztu duen konfiantza galdeari buruz erabaki bat hartzeko. PPko Euskadiko lehendakari Alfonso Alonsok, berriz, alkatearen "ahultasun politikoa eta ardura falta" salatu ditu, eta Gasteizko historian "krisi handiena" sortzea leporatu dio. Ezezko "irmoa" emango dio Urtarani. Leticia Comeron PPko zinegotziak nabarmendu du "galtzaileen itun" bati esker heldu zela Urtaran alkatetzara, eta uste du horrek ez duela "ezertarako" balio izan.
Astearte goizean iragarri zuen alkateak ezohiko formula erabiliko duela Udalaren "egoera desblokeatzeko" eta 2017ko aurrekontuak aurrera ateratzeko, behin udalbatzak kontuak atzera bota ondoren. Hala, astelehenean deitu du konfiantza galdea eztabaidatzeko ezohiko osoko bilkura. Bozketa horretan Urtaranek gehiengo sinplea lortzen ez badu, hilabeteko epea irekiko da oposizioak ordezko alkategai bat adostu eta aurkezteko. Hori gertatu ezean, alkateak udalbatzaren konfiantza lortu eta aurrekontuak automatikoki onartuko dira.
Alta, bigarren aukera bat da asteleheneko plenoan PPk, EH Bilduk edo biek abstentziora jotzea, eta gehiengo sinplearekin aterako litzateke aurrera aurrekontua.
Nolanahi ere, EH Bilduren eta PPren esku dago azken erabakia. Alkateak badaki oso zaila dela EH Bildu eta PP ados jartzea zentsura mozioa aurkeztu eta hautagai alternatibo bat adosteko.
Abstentzioa mahai gainean
Abstentzioaren inguruan galdetuta, Miren Larrion EH Bilduko bozeramaileak iradoki du aukera hori aztertuko dela larunbateko batzarrean: "Urtaranek ireki duen zuloa itxi behar dugu, hori da lehentasuna, ezohiko egoera hau desaktibatu behar dugu; aztertu behar dugu nola egiten dugun hori. Nire posizioa da zuloa itxi behar dugula eta akordio zabalak bilatu behar direla egungo egoera gainditzeko".
Dena den, EH Bilduko zinegotziek konfiantza galdea aurkezteko erabakia gogor kritikatu dute, eta nabarmendu dute Gasteizko Udala "ez dagoela blokeatuta", eta horrenbestez "beharrezkoa ez den ezohiko neurri bat" hartu duela alkateak.
EH Bilduko zinegotzi Antton Belakortuk gaineratu duenez, talde abertzaleak konpromisoa hartu zuen udal gobernuarekin "hiriko gai nagusiak" aurrera ateratzeko, eta modu horretan konfiantza galdea saihesteko. Alta, EH Bilduko eledunen ustetan, "inaugurazioak" eta "argazkiak egitea" lehenetsi ditu Gorka Urtaran alkateak, eta herritarren beharrak "alboratu" ditu.
Albiste hau Arabako Aleak argitaratu du eta CC-by-sa lizentziari esker ekarri dugu ARGIAra.
Bi aste barru hasiko diren hiriko jaietan txosna jartzen utzi ez dietela salatzeko kanpaldia egin nahi zuten Gasteizko GKSk eta Etxebizitza Sindikatu Sozialistak, Andre Maria Zuriaren plazan. 20:30ak aldera, ertzainak oldartu egin dira kanpaldian zeudenen aurka, eta bi... [+]
Gasteizko hainbat auzotan ezarri dituzten “Moros fuera de España” kartel eta pegatinak ikertzen ari da Ertzaintza. Irun, Hernani, Barakaldo… Ez dira kasu isolatuak, eta “etorkinen kontura jarraitzaileak irabazi nahi dituen ideologia” ikusten du... [+]
Langilea uztailaren 15ean hil zen eraikin baten estalduraren konpontze lanak egiten zebilela, eta ostegunean jakinarazi du ELA sindikatuak. Estaldura apurtu, eta altueratik erori zen. Guztira 31 langile hil dira Hego Euskal Herrian 2025ean, bostgarrena Araban.
Astelehenetik ostiralera bitarte, 18 eta 35 urte arteko 80 gaztek mundu osoko hizkuntza gutxituen arteko harremanak sendotuko dituzte hitzaldi, mahai inguru eta mintegien gisako jarduerekin. Guztira 68 hizkuntza gutxituk izango dute presentzia topaketan, inoizko kopuru handiena.
ELA, LAB eta ESKk Eusko Jaurlaritzako Ekonomia, Lan eta Enplegu Sailaren proposamena errefusatu dute, nahikoa ez dela arrazoituta. 100 egun baino gehiago daramate lorezainek greban.
Gasteizko lorezainen eta udalak azpikontratatutako enpresaren arteko negoziazioak uztailaren 7an hasiko dira Eusko Jaurlaritzaren bitartekaritzarekin.
Sindikatuaren arabera Gasteizko garraio publikoko konpainiak bazekien langileak osasun arazoak zituela, eta "presioaren ondorioz" ekainaren 23an istripu larria izan zuen.
Ekainaren 20ko osoko bilkuran, herritarren txanda baliatuta, hitza hartu zuen Auzoan Bizi etxebizitza sareak, gasteiztar guztiei errolda eskubidea bermatzea aldarrikatzeko. Etxebizitza sareko kideek PPko zinegotzi Gustavo Antépararen negozioak ere salatu zituzten, eta... [+]
Duela urtebetetik duen aldi baterako harrera proiektua eten diote familia bati, eta bestea joan den astean etxegabetu zuten, inolako jakinarazpenik jaso gabe. Auzoan Bizi etxebizitza sareak agerraldia egin du ostegunean Txagoko Komunitate Sarearekin eta Federico Baraibar... [+]
ESK eta LAB sindikatuek jakinarazi dutenez, lorezainek greba egiteko duten zilegitasuna aldarrikatu nahi izan dute ekintza ikusgarri honen bitartez. PSE eta EAJren gobernu-taldea seinalatu dute erantzule nagusi gisa, "Green Capital markaren atzean hiriaren ikurra zaintzen... [+]
Astelehenetik igandera askotariko 106 jarduera antolatu dituzte auzoko bizilagun eta eragileek, parte hartzea, auzo harrotasuna eta autogestioa ardatz. Aurten poliziak bortizki hustu berri duen Korda espazioa izango dute gogoan. Hamazazpigarren edizioa da aurtengoa.
Ostegunean hiru hilabete beteko dira Gasteizko lorezainek greba mugagabea hasi zutenetik aho batez, ELA, LAB eta ESK sindikatuek deituta. Gasteizko parke, igerileku eta berdeguneak belar eta sasiek hartuta ikusteak oso ikusgarri egin du greba, baina iragan astean “zerbitzu... [+]
78ko Sanferminak Gogoan plataformak eta Gasteizko Martxoak 3ko ekimenak bat egin dute espainiar estatuak gertakari latz horietan bere erantzukizuna onartu eta biktimen aitortza ofiziala egin dezan. 'Estatua Erantzule!' izena darama kanpainak.
Gasteizko Umandi ikastola duela 50 urte sortu zuten hainbat familia aski ausartek –herri ekimena, orduan ere–, euskararen transmisioa ardatz hartuta. Mende erdia joan da, ikastola hazi egin da, belaunaldi berriak hezi ditu ez gutxi, komunitate baten erreferente ere... [+]