Gasteizen egin den nazioarteko txakur txapelketan Israelek parte hartu duela salatu dute
Sharon Ronen israeldarrak FCI-IGP 33. munduko txakur txapelketan parte hartu duela jakinarazi du Palestinarekin Elkartasuna eragileak. Gasteizko Udalari “sionismoaren konplize” izatea leporatu dio.
Irailaren 15 eta 21 artean egin da txapelketa. Antolatzaileei Ronen israeldarra aritu izana “ezkutatzea” leporatu die Palestinarekin Elkartasunak. “Orain arte prentsan ez da agertu Israelen partehartzea, eta FCI-IGPren sareetan ere ez da agerian azaltzen”. Baina Ronen lehiaketaren rankinaren zerrendan agertzen da (parte hartzaileen herritartasuna ez da zehazten bertan), eta bere sare sozialetan txapelketan parte hartu duela argitaratu du, eragileak jakinarazi duenez.
Txapelketa nazioarteko FCI eta Espainiako Real Sociedad Canina elkarteek antolatu dute, baina babesleen artean daude Gasteizko Udala, Arabako Aldundia eta Eusko Jaurlaritzako Turismo Saila, txapelketaren webgunean ikusi daitekeenez. “Gasteizko Udala sionismoaren konplize da. Nazioarteko ekimenak antolatzeak irabaziak ematen dizkie, eta hori mantentzeko ez zaie axola estatu genozida baten ordezkariei parte hartzen uztea”, adierazi du Palestinarekin Elkartasunak.
Eragilearen ustetan, “La Vuelta-n egon den herri mobilizazioak diskurtsoa aldatzera behartu ditu ezkerreko alderdiak”, baina diskurtsoa ez da zintzoa. “Txapelketa honek erakusten du alderdikeria hutsa dela, borroka elektoralista, itxurakeria”. Azkenik, salatu dute txapelketan parte hartzen duten txakurrak “mundu osoko segurtasun indarrek baliatzen dituztela, eta Israelgo Defentsa Indarrek palestinarrak jazartzeko, erasotzeko eta torturatzeko erabili ohi dituztela”. Gazarako Mugimendu Globala Euskal Herria ekimenak ere bat egin du salaketarekin, eta Gasteizko Udalari leporatu dio genozidioa “zuritzea eta ezkutatzea”.
Urriaren 4an Iruñean Palestinaren aldeko manifestazioan parte hartzera deitu du Palestinarekin Elkartasunak.
Zinemaldiko hasierako gala izan da ostiralean, eta Kursaaleko oholtzan Palestinaren eta Israeli boikota egitearen aldeko aldarriak entzun dira. Itziar Ituñok, Silvia Abrilek eta Toñi Acostak aurkeztu dute gala, eta hiruek egin dute Palestinaren alde.
Genoako portuko langilea da duela hogei urtetik, eta Portuko Langileen Kolektibo Autonomoko (PLKA) kidea da Italo. Erakunde hori 2011n sortu zen, eta azken asteetan ospetsu egin da nazioarteko komunikabideen, haien kide batek ziurtatu zuenean Israelgo Estatuak Gazara doan... [+]
Palestinan bideratzen ari den genozidioa salatu dute Euskal Herriko Unibertsitateko ordezkariek. Hainbat neurri hartuta ditu EHUk eta tartean, batzorde bat sortzeko proposamena egina dio errektoretzak Palestinaren aldeko unibertsitate mugimenduari, aurretik ere unibertsitateak... [+]
Ia ehun Ministro Kontseilutan genozidioaren kolaboratzaile zuzenen ondoan eserita egon ondoren, IU haserre-plantak egiten ari da eta mahaia uzteko mehatxua egin du.
Irailaren 18a Palestinaren Aldeko Borroka Eguna izango da nazioartean, NBEk Palestinako okupazioarekin amaitzeko hartutako ebazpenetik urtebetera. Hego Euskal Herriko hiru hiriburutan mobilizazioak deitu dituzte.
Ikama ikasle antolakundeak deituta, ikasleak Palestinaren alde mobilizatu dira astearte honetan, Hego Euskal Herriko hainbat ikastetxe eta unibertsitatetan. “Denon erantzukizuna da egoerari buelta emateko salaketa egin eta mobilizatzea”.
RTVE irrati-telebista kate espainiarreko Administrazio Kontseiluak astearte honetan onartu du erabakia. Jaialdiaren antolaketan pisu handia duen “Big Five” deituriko herrialdeen artean, Espainia da lehena iragarri duena Eurovision utziko duela Israelek parte hartuz... [+]
Guatemala izan zen munduko lehen herrialdea Israelgo Estatua sortzearen aldeko botoa ematen, horrela diote garai hartako kronikek. 1947tik hona, jende askoren iruditeri kolektiboan Guatemala izan zen estatu sionistaren lehen harria jarri zuen lehen estatua.
Ordutik 80 urtera,... [+]
"Israelen kontrako boikot kanpainak martxan dauden honetan, kulturgileoi lerratzea dagokigu", adierazi du Saioa Alkaizak komunikabideetara igorritako oharrean. BDZk txalotu egin du Alkaizaren erabakia, eta Elkar argitaletxeari gonbita luzatu dio, "erabaki ausartak... [+]
Bi herrialdeek jakinarazi dute ez direla 2026ko Eurovision jaialdira aurkeztuko Israelek parte hartzen jarraitzen badu. Espainiako Gobernuko Kultura ministro Ernest Urtasunek ere iradoki du Espainiak ez lukeela parte hartu beharko.
Israelgo zazpi jokalariek uko egin diote Sestaoko xake txapelketan jokatzeari, beren parte hartzearen aurka antolatutako protesten ondoren. Antolakuntzak aurretik eskatu zien parte ez hartzeko edota Israelgo banderarik ez erabiltzeko.
“Ez gintuen harritu nola hartu gintuzten Euskal Herrian, ezker muturreko ekintzaileen eta separatisten gotorlekua baita”, adierazi du Sylvan Adams-ek.
Palestinarekin Elkartasunak manifestazio nazionala antolatu du urriaren 4rako. Ostiral honetan Euskal Herriko 130 udaletxeren aurrean protestatzera deitu du Gernika-Palestina ekimenak.
Bilboko erdigunean amaitu behar zuen txirrindularitza etapak, baina Deustun sartzear zirela antolakuntzak erabaki hori hartu du, helmuga ingurua manifestariz beteta zegoelako. Aurretik ere igaro dira helmuga puntu horretatik, eta istiluak izan dira. Ertzaintzak gutxienez hiru... [+]