Inauterien atarian, bat egin dute Gasteizko proiektu autogestionatuek. Gasteizko Gaztetxea, Talka, Errekaleor, Sumendi espazioa eta Auzolana Pilotalekua elkarrekin mozorratuko dira otsailaren 22an, “negu gorrian, autogestioaren deabru” direla aldarrikatzeko.

Deabruz mozorrotuko dira, hain zuzen, bost guneetako kideak eta beraiekin batera ekimenean parte hartu nahi duen orok.

Gasteizen ” jaun eta jabe” den kapitalari aurre egin nahi diote dinamika berri honekin, “Negu gorrian izoztera kondenatuta” dauden kale, auzo eta milaka herritar “berotzeko”. “Berotasunaren monopolioarekin hausteko prest, beste behin ere kaleak astintzeko hautua egin, eta negu gorria gure egiteko batuko gara Gasteizko Gune Autogestionatuak” azaldu dute zabaldu duten oharrean.

🔱Otsailaren 22an🔱

Kapitalaren hiria 🤵👮🚓

infernu bilakatuko dugu 💥👹😈

👇👇👇👇👇👇👇👇👇👇 pic.twitter.com/WDf41d34Vc

— Errekaleor Bizirik! (@Errekaleor) February 3, 2020

Ez da Gasteizko Gune Autogestionatuak inauterien testuinguruan elkartzen diren lehenengo aldia, 2016ean “Okalauasa” dinamika jarri zuten martxan. Tribu indigenak hartu zituzten orduan gaitzat.