Garaiko produktuak sustatzeko kanpaina zinematografikoa

  • Garaiko produktuen kontsumoa bultzatzeko kanpaina abiatu du Kutxa Ekoguneak. Donostiako Nazioarteko Zinemaldiaren baitan “Baratzeko estreinaldi handiak” lelopean hainbat komertziotan informazioa banatuko dute. Filmeen izenekin hitz jokoak eginez gaiaz ezagutza zabaldu nahi dute.


2015eko irailaren 19an - 15:46

Mugikorretarako Garaikoa aplikazioa prestatu dute eta webgunean ere informazioa eskaintzen dute.

Garaiko elikagaiak kontsumitzea denontzat onuragarria da” artikuluan, praktika honen aldeko arrazoiak bildu dituzte.

Batetik, ingurunearekiko jasangarriak direla nabarmendu dute. “Garai bakoitzean gure eskualdean naturalki ematen diren produktuak kontsumitzean, natura zaintzen dugu, ez dugulako lurra agortzen duen baratza artifizialik sortu behar”. Garraiatzeko distantziak gutxituz gastu energetikoa eta kutsadura ere murriztu egiten dela diote, CO2 emisioak eta embalajea kasu.

Bigarrenik, tokiko ekonomia sustatzen laguntzen dutela gogoratu dute. “Garai bakoitzean gure eskualdean ekoizten diren elikagaiak kontsumitzen baditugu, urrutiko produktuak ekarri beharrean, tokiko nekazaritzari laguntzen diogu”.

Produktuen zaporea eta nutrizio ezaugarriak ere aipagai dituzte. Hori ekoizpen-ziklo naturala errespetatzeagatik gertatzen dela diote, heltze garai onenean biltzen direlako.

Azkenik, nekazaritza aktiboa mantenduz nekazal eremuak mantendu eta baserri paisaiak bizirautea bermatzen dela irakur daiteke.

Kanpainan parte hartu nahi duten saltokiek ekogunea@ekogunea.eus helbidera idatzi behar dute.

Baratzeko estreinaldi handiak ikus-entzunezkoa ere prestatu dute kanpainarako.


Kanal honetatik interesatuko zaizu: Elikadura
2024-05-15 | Estitxu Eizagirre
Zer ikasi Kubako laborantza eta elikadura sistema (ezinbestean) agroekologikotik?

Amets Ladislao Kuban egon berri da bertako laborantza eredua eta elikadura sistema ezagutzen. Sobiet Batasuna (SESB) erori zenean eta jasaten duen mundu mailako blokeoa dela-eta, pestizida eta ongarri kimikorik gabe geratu zen Karibeko irla, eta kimiko horien ondorioz, lur oso... [+]


2024-05-14 | Garazi Zabaleta
Ja(ki)tea
Betiko eta bertako sukaldaritza sustatzeko elkartea

2009an sortu zen Ja(ki)tea elkartea zenbait jatetxe, sukaldari eta gastronomia kritikariren arteko elkarlanetik. “Hasiera hartan, Gipuzkoako 14 bat jatetxe elkartu ginen, baina pixkanaka hazten joan da proiektua, eta gaur egun 37 gara”, azaldu du Xabier Zabaletak,... [+]


2024-05-06 | Jakoba Errekondo
Intsusa lore edariak

Edanari emateko prest? Uda atari hau aproposa da gero berokoak etortzean ez lehortzeko edariak destilatzeko. Hezetasunari eustea garrantzitsua da gorputzari bere onenean atxikitzeko, eta etxean sortutako mamarekin bada zer esanik ez.


Erromatar ardoa ez zein hain txarra

Antzinako erromatarrek edaten zuten ardoa gaizki egina, gorputzik gabea eta zapore desatseginekoa zela uste izan da. Baina Gante eta Varsoviako unibertsitateetako ikerlariek Antiquity-n argitaratu duten lanak uste hori  bertan behera uztea eragin du.

Antzinako... [+]


2024-05-03 | ARGIA
Ja(ki)tea, gertuko ekoizleek hasitako lana borobildu nahi duen sukaldari elkartea

Sukaldean ere tokian tokiko produktuekin lan egitearen garrantzia nabarmentzeko asmoz, Ja(ki)tea elkarteko bazkideek ezagutarazi nahi dute “euskal gastronomia tradizionala” sustatzen dihardutela euren jatetxeetan; horretarako, zenbait otordu berezi eta ikastaro... [+]


Eguneraketa berriak daude