Garai-Etxaniz eta Etxegarai-Oses bikoteak Emakume Master Cupeko txapeldun
Leire Garai eta Leire Etxanizek nagusitasun osoz irabazi dute lehen mailako txapela (22-5). Promozio mailakoa, Uxue Oses eta Madalen Etxegaraik osaturiko bikoteak eraman du (18-15), partidaren bigarren zatian markagailua irauli eta gero.
aurre egingo dieten hedabide independenteak
Zumarragako (Gipuzkoa) Beloki pilotalekua sarrerarik gabe gelditu da igande eguerdian jokatu diren Emakume Master Cupeko finalak ikusteko. Lehen mailako eta promozio mailako txapelak izan dira jokoan eta frontoian bizi izan duten festa giroak ez du etenik izan.
Pilotaleku inguruan bildu den jendetza dela eta, herriko zinema aretoa ireki behar izan dute frontoira sartu ezinik geratu diren pilotazaleek finalak pantaila handian ikusi ahal izateko.
Desoreka elite mailan
Lehen mailako finalean bikote bakarrak eman du bere ohiko maila. Leire Garai hamabost urteko aurrelari gasteiztarrak eta aurreko bi edizioetan txapeldun izan den Leire Etxanizek, hasieratik bukaerara erakutsi dute bikote bezala duten sendotasuna. Partida serioa jokatu dute urdinek, erasoan pilotarik galdu gabe eta defentsa ikaragarria erakutsiz. Partida guztian zehar errenta handia izan dute markagailuan beren alde.
Patri Espinar eta Miriam Arrillagak ezer gutxi egin ahal izan dute. Hasiera batean Arrillagak atzeko koadroetan partida eustea lortu duen arren, jokoan eta markagailuan urdinak nagusi izan dira. Espinarren aurreko jokaldi ausartek ere ez dute merezitako emaitzik eman, tanto bakoitza egitea oso garesti baitzegoen gorrientzat.
22-5eko aldearekin, merezimendu osoz irabazi dute Garaik eta Etxanizek.
Emozioa promozioko finalean
Uxue Oses eta Madalen Etxegarai oñatiarrek promozio mailako txapela jantzi dute gorabehera handiak izan dituen partida bereganatu ostean. Hamahiru urte baino ez dituzten pilotari gazteek, final batek eragiten duen urduritasuna sumatu dute hasierako tantoetan.
Arerio zituzten Maria Granado hernaniarra eta Ainhoa Lakuntza adunarra hobeto sartu dira partidan. Pilota gutxi galduta, oñatiarren zalantzak baliatu dituzte markagailuan 8-2 aurreratzeko. 18 tantora jokatu den finalean, 12-7ko aldeaz ere gozatu dute Granado eta Lakuntzak, baina Oses eta Etxegaraik ez dute amore eman.
Urduritasunak alde batera utzita eta harmailetatik jaso duten bultzadak hauspoturik gorrien erreakzioa heldu da. Oses atzeko koadroetan nagusitzen hasi da eta Etxegaraik parebat sake on atera ostean konfidantza berreskuratu du. Partidaren bigarren zati ikaragarri bati esker markagailuari buelta eman eta garaipena lortu dute, Oñatitik bertaratu diren 100 zale ingururen zoramenerako.
.JPG)
Pilotazale guztien garaipena
Emakume kirolariek eman dezaketen maila eta ikuskizuna zaletu guztiek gozatzeko modukoa den beste erakustaldi bat izan da igandean Zumarragako Beloki pilotalekuan bizitakoa. Azkenaldian kirol ugaritan egin dira tankerako erakustaldiak eta horren geurea den esku pilotan ere ezin zen gutxiago izan. Urte luzez isilean egin den lan izugarriaren fruituak dira eta emakumeen kirolak bizi duen gorakadak etenik ez duenaren seinale da.
Finaleko argazki gehiago:
.PNG)
.JPG)
Flamenco On Fire jaialdian ospatu dute ijito komunitatearen, flamenkoaren eta pilotaren arteko harremana. Iruñeko Alde Zaharreko Mañueta pilotalekuan antolatu dute jaialdia, eta bertan omenaldia egin diete lau pilotari ijitori.
Wallball txapelketa abuztuaren 27tik 30era jokatuko dute. Euskal Herritik aparte Argentina, Belgika, Erresuma Batua, Valentzia, Herbehereak eta Puerto Rico herrialdeek hartuko dute parte.
1917tik 1980ra erraketalariak profesionalki aritu ziren munduko frontoi ezagunenetan. “Chiquita de Anoeta”, “Arane”, “Emili”, Albisu, “Amparito”, “Chiquita de Aizarna”, “Asteasu”... Hamaika pilotari... [+]
Abian da zesta-puntako Nazioen Liga. Ekainaren 6ra bitartean, hainbat selekzio arituko da lehian Gernika-Lumoko Jai Alai pilotalekuan, euskal selekzioa tartean. “Historikoa” da hori, txapelketaren antolatzaileek adierazi duten moduan, euskal selekzioak aurrenekoz... [+]
Hamabi bertsoko sorta dotorea jarri du pilotariak, galtzeari eta irabazteari buruz. Inspirazioa 2024an Larrun aldizkarirako egindako mahai-inguruak piztu zion, Jokin Altunarekin gai horri buruz aritu baitzen gogoetan. Bertso sorta musikatuta entzun daiteke Bertso Ikasgela... [+]
Irungo Landetxa auzoko pala txapelketa mistoan, hogei bikotetik bakarra da emakumeek osatua, 40 lagunetik bi baino ez dira emakumeak: Idoia Karrera eta Loiola Zuazu. Lehiaz, txapelketa misto eta ez mistoen arteko aldeez eta joko-mailaz mintzatu gara haiekin. "Emakumeok... [+]
Gipuzkoako Euskal Pilota Federazioak 100 urte betetzen ditu aurten. Ospatzeko antolatu dituen ekitaldien artean dago apirilaren 12an Zumarragan egingo den bertso saio berezia. Pilotari bat arituko da gai-jartzen, eta pilotarekin harremana duten Gipuzkoako lau bertsolari kantuan... [+]
Lehengai anitzekin papera egitea dute urteroko erronka Tolosako Lanbide Heziketako Ikastetxe Integratuko kimika industrialeko ikasleek: platano azalekin, orburuekin, lastoarekin, iratzearekin nahiz bakero zaharrekin egin dituzte probak azken urteotan. Aurtengoan, pilota... [+]
Euskal selekzioaren ofizialtasuna lortzera bidean urratsa eman du Nazioarteko Euskal Pilota Federazioak, Euskadiko Federazioa eskubide osoko kide izatea onartuta. “Lorpen historikoa da”, zioen Euskadikoak pasa den abenduaren 28an, baina zuhurtziaz mintzo zen,... [+]
Lapurdiko Makean egin du Euskal Selekzioa Orain elkarteak lehenengo biltzar nagusia. Iazko udan Frantziako selekzioarekin jokatzeari uko egin ziotela iragarri zuten Ipar Euskal Herriko hamabost pilotarik osatzen dute gaur gaurkoz ekimena, zeinak helburu duen, besteak beste,... [+]
Euskadiko Selekzioa lortzea, ezbairik gabe, lorpen historikoa izan da. Baina horretan geratzen bada, euskaldun askorentzat –ni barne, nafarra bainaiz– egunik ilunena eta tristeena izango da. Lehenengo egunetako poza eta berotasuna gozatu ondoren, itzul gaitezen... [+]
Hainbeste urte borrokan horren atzetik ibili ondoren, 34 urte, hain zuzen, oso pozik gaude orain egun batzuk, abenduaren 28an Inuzente egunean, Iruñean, Nazioarteko Euskal Pilota Federazioak antolatu zuen batzarrean hartu zen erabakiagatik. Zeren ondo bidean,... [+]
Askok espero zuen moduan, Nazioarteko Pilota Federazioak Euskadikoa onartu ostean eskubide osoko kide gisa, Espainiako kirol-erakunde, alderdi politiko edota hedabideek erabakiaren aurkako oldarraldia hasi dute, nork beretik presioa eginez. Ostegunean, Espainiako Pilota... [+]
.jpg)
Espainiako Federazioak salatu du ez zaiola parte hartzen utzi iragan asteburuko Nazioarteko Pilota Federazioaren biltzar nagusian, eta hori “bidegabekeria” dela. Biltzar hartan onartu zuten, bozketan, Euskadiko federazioa nazioartekoaren eskubide osoko kide gisa... [+]
Euskadiko Euskal Pilota Federazioa eskubide osoko kide izatea onartu du Nazioarteko Pilota Federazioak, larunbatean Iruñean egindako batzarrean. Ofizialtasuna lortzeko bidean urrats handia da, "lorpen historikoa", Euskadiko Federazioak adierazi duenez, baina... [+]