Galizieraren defentsan milaka pertsona atera dira kalera Galizierazko Letren Egunean
Galizieraren defentsarako eta erabilera bultzatzeko mobilizazioak arrakastatsuak izan direla adierazi du Queremos Galego plataformak, eta Galiziako Xuntari hizkuntzarekiko konpromiso gehiago izatea eskatu dio.
Milaka pertsona batu ziren joan den maiatzaren 17an Queremos Galego plataformak deitutako mobilizazioetan. Galizierazko Letren Eguna izan zen, eta galizieraren erabilera bultzatzeko eta hizkuntzaren defentsan aurrerapausoak emateko mobilizatu ziren. 'Nahiz eta busti, galiziera ez da txikitzen' oihukatu zuten manifestariek Santiago de Compostelan, euri zaparrada bota baitzuen, eta 'Galizieraz orain eta beti' izan zen mobilizazioaren leloa.
Horrez gain, mobilizazioaren aurretik, galizieraren etorkizuna aldarrikatu zuen Marcos Maceirak, Queremos Galego plataformaren bozeramaileak eta Hizkuntzaren Normalizaziorako Mahaiaren presidenteak. Gizartearen mobilizazioak azken urtean izandako arrakastak nabarmendu ditu Maceirak, eta Xabarín iniziatibari esker, laster Netflix galizierara bikoizten hasiko dela adierazi du.
Bestalde, Galiziako Justizia Auzitegi Gorenaren sententzia goraipatu du, eta "historikoa" dela gehitu du; sententzia honi esker, administrazioa behartuta dago galizieraren erabilera bermatzera. Hala ere, autoritate publikoen aldetik aurkakotasunak daudela dio.
O Festigal jaialdian elkartu dira Euskalgintzaren Kontseilua eta katalanaren eta galizieraren aldeko hainbat erakunde eta elkarte. Bertan egin dute eskaera, eta hizkuntza gutxituen normalizazioaren aurkako “oldarraldia” gertatzen ari dela salatu dute.
Galizierazko Letren Egunean sortu da Mastodon.gal, galiziar hizkuntza eta kulturaren komunitatearentzako Mastodon instantzia. 1963ko maiatzaren 17an ospatu zuten lehen aldiz, Rosalia de Castrok Cantares gallegos liburua argitaratu zuela 100 urte betetzen zirelako. Gaurtik... [+]
Lagunarekin galizieraz ari zelako gizon batek besoetatik heldu eta demanda egin ziola salatu du emakume batek Lugon. Poliziak erasotzailea identifikatu du dagoeneko. “Gure herrian gure hizkuntza hitz egiteagatik beldur izatea nahi dute, baina ez gara geldituko”,... [+]
Urriaren 21ean, Bilboko Euskararen Etxean antolatu da mahaingurua, Ondarearen Europako Jardunaldien barruan: “Bizkaiko hizkuntza aniztasuna eta euskararen balio integratzailea”. Urriaren 21ean da hitzordua, 19:00etatik aurrera.
A Mesa Normalización Lingüística galegoaren aldeko elkarteak urriaren 11n Espainiar Estatuko telebista publikoak ez ikustea eskatu du, joan den astean MasterChef Celebrity telebista saioan galiziera imitatzen hasi eta mespretxuz tratatu zutelako hizkuntza... [+]