ARGIA.eus

2020ko uztailaren 11

Kalean da galizierazko egunkaria: NÚs Diario

  • Egun handia Galizian: kioskoetan da Nòs Diario egunkaria. Bi urte igaro dira berripapera sortzeko proiektua iragarri zutela, eta 3.000 harpidedun lortu dituztenean, urte berriarekin batera, kalera atera dira. Egunkariaren lehen azaleko titular nagusia: Datuek hankaz gora bota dute Xuntaren hamar urteko politika demografikoa.

Lander Arbelaitz Mitxelena @larbelaitz
2020ko urtarrilaren 02a
Egunkaria kalean da.

"Kazetari izateak gizartearekin konpromitzea eskatzen du, zentsurarik, autozentsurarik, presiorik eta bezerokeriarik gabe. Horri uko egiten dionak kazetari izateari uzten dio eta diktaketa-peko idazle edo harreman publikoetarako norbait bilakatzen da. Nòs Diariok prentsa aske eta ustelezina izan nahi du", adierazi dute Nòs Diario: Errealitate bilakatu den ametsa albistean.

Urteko 365 egunetan eguneratu nahi dute www.nosdiario.gal webgunea eta asteartetik larunbatera argitaratuko dute paperezko egunkaria. 32 orrialdekoa izango da hasiera batean eta ondorengo ataletan sailkatuko dute informazioa: Galizia, Ekonomia eta Lana, Nazioartea, Iritzia, Kultura eta Agenda. Larunbatetan, Sermos Galiza izeneko gehigarria eramango du, 2012an sortutako astekariaren eta egunkari honen ernamuina izan den proiektuaren izena da.

"Galiziako agenda mediatikoan ez dauden gaiak ekarriko ditugu informazioaren lehen planora –diote–. Galiziako kultura, lana, feminismoak, hizkuntza, diaspora, eskubide zibilak, historia, memoria, ekologismoa... Pentsamendu irekia, egungoa eta inplikatua duen publikoari interesatzen zaion guztia, gizartea hobetzeko ideiak ohiko prentsan islatu gabe ikusten dituenarentzat".

Galizia osoko 2.400 saltokitan salduko dute egunkaria 1.50 euroko prezioan, eta larunbatetan 3 euro balioko ditu. Hainbat harpidetza aukera eskaintzen dituzte.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Galiziera  |  Kazetaritza

Galiziera kanaletik interesatuko zaizu...

Azkenak
EGILEA
Argia buletina
Egunaren laburpena
zure e-postan
Eguneraketa berriak daude