Falangearen sortzailea Madrilgo beste hilerri batera eraman dute, ez alde bateko ez besteko oihartzunik sumatu gabe. Duela gutxi Espainian onartutako Memoria Demokratikoaren legeak behartu du lekualdaketa.
José Antonio Primo de Rivera falangista Espainiako Bigarren Errepublikan epaitu eta errudun jo zuten 1936an, eta fusilatu eta hobi batean lurperatu. Gerra Zibilaren ondoren, faxistek atera zuten gorpua bertatik eta Madrilgo El Escorial monasterioan hilobiratu zuten, Erorien Harana eraiki artean, Francoren aginduz. Ohorezko lekua eman zioten Erorien Haranean, eta bertan egon da orduz geroztik.
Memoria Demokratikoaren Legea iazko udan onartu zuen Espainiako Parlamentuak –Urko Apaolazak artikulu honetan xehatu zuenez, hutsune handiak dituen legea da biktimen ikuspegitik–, eta lege horrek berak 54. artikuluan zera zehazten du, Erorien Haranean soilik Gerra Zibileko biktimak egongo direla hobiraturik, baina ezingo dela biktimen arteko bereizketarik egin; hau da, ohorezko lekurik ezingo duela inork eduki. Horregatik, inork Primo de Rivera falangistaren kasua epaitegien aurrera eraman eta gatazka politikoa sortu baino lehen, haren familiak eskatu du deshobiratzea. Diskrezioz egiteko eskatu du, gainera.
Goizean goiz egin dute guztia: 05:00ak aldera hasi dira lanean eta 07:00 inguruan atera dituzte gorpuzkiak Erorien Haranetik, San Isidro hilerrira eramateko.
Jose Miguel Etxeberria Naparra-ren gorpua aurkitu gabe bukatu da Frantziako Landetan egindako bigarren indusketa. 44 urte dira militantea desagertu zenetik eta bere familiaren belaunaldi batetik bestera pasa da bere bilaketaren zama. Azken indusketa honek ez du, berriki hildako... [+]
Madrilgo Cuelgamurosen, Erorien Harana deituriko monumentuan arkeologoak egiten ari diren indusketetan etengabe ari dira jasaten eskuin muturreko jendeen presioa, hala adierazi du Pako Etxeberria auzitegi-medikuak. Egunotan, biktima errepublikarren senideek bisitatu ahal izan... [+]
Iruñeko Txantrea auzoko kale-izendegian frankismoan errepresaliatuak izan ziren hamar emakume gogoratuko dituzte. Ekitaldia egin zuten atzo eta auzoaren hegoaldean dagoen plaza bat oroimen gune ere izendatu zuten. "Garrantzitsua da historian gertatutakoa gogoratzea;... [+]
Andatza mendia memoria leku bihurtu zuen Usurbil 1936 elkarteak apirilaren 13ko birsortze historikoan. Herritarren lan boluntarioarekin berreskuraturiko lubakiak antzezleku bihurtu ziren egun batez. Gerraren eraginez Usurbilen jazotakoak elkarbanatzeko enegarren ekimena izan da.
87 urte bete dira ostiral honetan, 1937ko apirilaren 26an abiazio faxistak Gernika bonbardatu eta sarraskitu zuenetik. Urtero legez ekitaldi andana antolatu dute erakunde eta eragile sozialek. Tartean, pasealekuan eta Astra fabrikan dauden sirenak martxan jartzea.