Fronte Polisarioak Marokoren aurkako borroka armatua indartzea erabaki du bere kongresuan

  • Marokok 2020an ia hiru hamarkadatako su etena hautsi zuenetik, gerra berrabiarazi dute Rabatek eta Mendebaldeko Saharako askapen mugimendu nazionalak. Polisarioa XVI. Kongresua egiten ari da egunotan, eta estrategia berria eztabaidatzen ari dira. Buruzagitzan Brahim Galik jarraitzea ala aldatzea ere erabakiko dute gaur eta bihar.


2023ko urtarrilaren 20an - 12:09
Azken eguneraketa: 13:35
Fronte Polisarioa XVI. Kongresua egiten ari da joan den ostiraletik, eta bihar arte luzatuko dute buruzagia aukeratzeko. / Argazkia: Ecsaharaui

Mendebaldeko Saharako askapen mugimendu nazionala XVI. Kongresua egiten ari da joan den ostiraletik. Besteak beste, Saharako mugimendu independentistaren estrategia berria eztabaidatzen ari dira, eta horren bueltan, Fronte Polisarioaren buruzagitzak proposatu du Marokoren aurkako borroka armatua areagotzea. Ostegunean, kongresuko partaideek onartu egin dute proposamena.

Kongresuko bozeramaile Mohamed Sidatik erabakiaren inguruan adierazi du beren "eskubideak defendatzeko eta eskubideen gaineko subiranotasuna berreskuratzeko tresna gisa" egin dutela borroka armatuaren alde. 

Fronte Polisarioa eta Maroko gerran daude 2020an Maroko Guerguerat eremuan sartu eta ia hiru hamarkadatako su etena hautsi zuenetik. Mendebaldeko Sahararen gehiengo eremua okupatuta du Marokok, eta haren askapenerako sortu zuten Polisarioa duela 50 urte hain justu.

XVI. Kongresuan, halaber, buruzagitzarako bi hautagaien artean aukeratuko dute, eta horretarako bihar arte luzatuko dute bilkura. Bi hautagaiak dira Brahim Gali egungo idazkari nagusia, bigarren agintaldian, eta Batxir Mustafa, El-Uali Mustafa Saied Polisarioaren buruzagi historikoaren anaia.

 


Kanal honetatik interesatuko zaizu: Mendebaldeko Sahara
2024-03-20 | Reyes Ilintxeta
Kristina Berasain. Sahararekin kateatuta
"Palestinakoa ikusita, zer egingo du orain Marokok Sahararekin?"

Arnas luzeko kazetaritza maite du Kristina Berasainek. Kazetaritza pausatua. Haimaz haima ibili da sahararrekin hizketan, kontakizunak eta testigantzak bilduz, gero horiek guztiak liburu eder batean harilkatzeko. Pasioz eta pazientziaz, ia 50 urte erresistentzian daraman saharar... [+]


2023-12-22 | Euskal Irratiak
Saharari buruzko euskarazko lehen kazetaritza kronika idatzi du Kristina Berasainek

Sahara, herri bat erresistentzian liburua argitaratu du Kristina Berasainek. Urte luzez jarraitu du Mendebaldeko Saharako gatazka, 2005ean BERRIA egunkariko kazetari gisa lurralde okupatuetara lehen aldiz bidaia egin zuenetik.


'Saharari kantari' diskoaren kontzertu solidarioa egingo dute Donostian

Mendebaldeko Sahararen alde egingo dute kontzertua hilaren 22an, Kursaalean. Bertan izango dira Oreka TX, Eñaut Elorrieta, Mikel Urdangarin, edo Minatu Embarek, Nayat Hosseinek eta Hayuh Ramsik artista sahararrak, besteak beste. Sahararrak gerran daudela ez dela ahaztu... [+]


Palestinan bezala Mendebaldeko Saharan ere, okupatzailea beti espoliatzaile

Mendebaldeko Saharako Smara hirian urriaren 29an jaurtigaiekin izandako eraso ezezagun batek gorenean jarri du Fronte Polisarioaren eta Marokoko armadaren arteko gerra. Gaza bezala, harresi luze batez inguratuta dago herrialde osoa, eta Israelek palestinarrekin egin bezala,... [+]


Eguneraketa berriak daude