Fronte Polisarioak harremanak hautsi ditu Espainiako Gobernuarekin

  • Pedro Sánchezen gobernuak Sahara Mendebalderako Marokoren autonomia proposamenarekin bat egin ostean dator erabakia.

Mendebaldeko Sahararen aldeko mobilizazioa Iruñean. Argazkia: ahotsa.info

2022ko apirilaren 11n - 08:18

Ohar baten bidez jakinarazi du erabakia Mendebaldeko Saharako Fronte Polisarioak. Azaldu du neurria Espainiako Gobernuak Marokoren posizioa babestu izanaren ondorioa dela, Sahararentzako autonomia, alegia.

“Okupatzaile marokoarraren proposamena ilegala da, Mendebaldeko Saharako lurraldeen anexioa indarrez legitimatu nahi du eta saharar herriak autodeterminaziorako eta independentziarako dituen eskubide besterenezinei muzin egin nahi die”.

Gogor mintzatu da Frontea: “Sánchezen gobernua Sahara erabiltzen ari da Maroko okupatzailearekin negozio miserableak egiteko”. Azpimarratu du Espainiak ardura propioa duela lurraldearen kudeatzaile gisa, bai herritarren aurrean bai Nazio Batuen Erakundearen aurrean. Hain zuzen ere, NBEri ere zuzendu zaio Frontea beste behin, behingoz autodeterminazio erreferenduma antola dezan.

Polisarioak esker ona adierazi die, aldiz, Mendebaldeko Saharako herriari babesa adierazi dieten mugimenduei eta indar politikoei, “gobernuari gogorarazteagatik nazioarteko legedia errespetatu behar duela Saharan, eta autodeterminazio eskubidea errespetatu behar duela”.


Kanal honetatik interesatuko zaizu: Mendebaldeko Sahara
2024-03-20 | Reyes Ilintxeta
Kristina Berasain. Sahararekin kateatuta
"Palestinakoa ikusita, zer egingo du orain Marokok Sahararekin?"

Arnas luzeko kazetaritza maite du Kristina Berasainek. Kazetaritza pausatua. Haimaz haima ibili da sahararrekin hizketan, kontakizunak eta testigantzak bilduz, gero horiek guztiak liburu eder batean harilkatzeko. Pasioz eta pazientziaz, ia 50 urte erresistentzian daraman saharar... [+]


2023-12-22 | Euskal Irratiak
Saharari buruzko euskarazko lehen kazetaritza kronika idatzi du Kristina Berasainek

Sahara, herri bat erresistentzian liburua argitaratu du Kristina Berasainek. Urte luzez jarraitu du Mendebaldeko Saharako gatazka, 2005ean BERRIA egunkariko kazetari gisa lurralde okupatuetara lehen aldiz bidaia egin zuenetik.


'Saharari kantari' diskoaren kontzertu solidarioa egingo dute Donostian

Mendebaldeko Sahararen alde egingo dute kontzertua hilaren 22an, Kursaalean. Bertan izango dira Oreka TX, Eñaut Elorrieta, Mikel Urdangarin, edo Minatu Embarek, Nayat Hosseinek eta Hayuh Ramsik artista sahararrak, besteak beste. Sahararrak gerran daudela ez dela ahaztu... [+]


Palestinan bezala Mendebaldeko Saharan ere, okupatzailea beti espoliatzaile

Mendebaldeko Saharako Smara hirian urriaren 29an jaurtigaiekin izandako eraso ezezagun batek gorenean jarri du Fronte Polisarioaren eta Marokoko armadaren arteko gerra. Gaza bezala, harresi luze batez inguratuta dago herrialde osoa, eta Israelek palestinarrekin egin bezala,... [+]


Eguneraketa berriak daude