Frantziako Tourrean "murgiltzeko esperientzia": tirolina erraldoia, "food-truck"-a eta herri kirolak

  • Ekainaren 29an egingo da Frantziako Tourreko taldeen aurkezpen ofiziala, Bilbon. "Fan Park" handia jarriko dute erakundeek.

Irekia

2023ko ekainaren 20an - 12:30
Azken eguneraketa: 20:13

Askotariko ekintzak antolatu ditu Eusko Jaurlaritzak, tokiko erakundeekin elkarlanean, Frantziako Tourra uztailaren 1ean Euskal Herritik abiatu aurretik. "Tour-aren giroan murgiltzeko" parada eskaini nahi die herritarrei.

Uztailaren 1, 2 eta 3an txirrindulariak Araba, Bizkaia eta Gipuzkoako errepideetan ariko dira pedalka; txapelketaren aurkezpen ekitaldia ekainaren 29an egingo dute, ostegunez, Bilbon. Taldeen aurkezpena Euskalduna Jauregiaren eta Guggenheimaren artean izango da, eta Areatzan, berriz, "Tour-eko giroan murgiltzeko esperientzia" eskainiko dute "Fan Park" deiturikoan, ekainaren 29an, 30ean eta uztailaren 1ean.

Besteak beste, babesleen standak egongo dira animazioekin, opariak, tirolina erraldoia, bizikleten erakusketa eta bi gurpilen gainean ibiltzen ikasteko pistak. Horrez gain, herri kirolen eta euskal dantzen erakustaldia ere egongo da, eta era berean, bisitariek hainbat food-truck-ez gozatzeko aukera ere izango dutela jakinarazi dute ekitaldian.

"Instalazioak" turismoa erakartzeko

Eusko Jaurlaritzak dio "munduko erakusleihoa" izango dela Frantziako Tourra, bereziki telebista-emanaldiei begira, eta hori baliatzeko, hainbat ekintza aurreikusten ditu leku eta puntu "sinbolikoetan", "hainbat baliabide turistiko nabarmentzeko". Besteak beste, Bizkaia Zubian, Bizkaiko Flysh-ean, Urdaibain eta Lekeitioko Santa Katalina Itsasargian egingo dira.

Donostia: diplomazia eta city dressing-a

Herritarrek kalean aurkitu ahalko dituzten dekorazioak dira city dressing-ak. Dena den, Donostiaren erakargarritasuna "ondare materiala erakustea" izango da gehiago: besteak beste, San Telmo Museoak "Bizikleta. 150 urte" erakusketa hartuko du, zeinak Araba, Bizkaia eta Gipuzkoan fabrikatu izan diren bizikletak bistaratuko dituen.

"Kirolaren diplomazia" gizarteratzeko, bestalde, uda ikastaro bat eskainiko da Miramarren, EHUren bidez.

Gasteiz: mugikortasun jasangarria eta Green Capital zigilua

Ekainaren 30ean egingo den Bicycle Summit Euskadi 2023 kongresua izango da abiapuntua. Mugikortasun jasangarrian, bizitza osasungarrian eta turismoan sakontzea izango da helburua, bizikleta ardatz hartuta.

Uztailaren 1ean, bestalde, smart bizikleten plaza bihurtuko da Ama Zuriaren Plaza. Gasteiz eta Donostia modu birtualean lotzeko ekintza egingo dute, bizikletaz 209 kilometro eginda, pantaila erraldoi batekin.


Kanal honetatik interesatuko zaizu: Txirrindularitza
2023-10-29 | Jon Torner Zabala
Nola jan espazioa, espazioa jan duenari?

Martxoaren 22an, Frantziako Tourra hasteko 100 egun falta zirenean, Bilboko San Mames estadioan lur hartu zuen Juan Mari Aburto alkateak. Hainbat lagunek osatutako tropelaren erdian zihoan, Bilbaobizi alokairu-zerbitzuaren logoa zuen bizikleta elektriko gorri batean, erakusteko... [+]


Espainiako Vueltan errepideak euskal ikurrez betetzeko deia egin dute astebururako

Gure Esku eta Nafarroa Berriz Altxa elkarteek ekimenak antolatu dituzte lasterketa Euskal Herritik igarotzen denerako. "Euskal Herriaren erabakitzeko eskubidea" aldarrikatu eta "muga artifizialak" auzitan jarri nahi dituzte, besteak beste.


Bilbao ikurrinarekin zoriondu dute Tourrean: batzuk pozik, besteak hasarre

Pello Bilbao txirrindulari gernikarrak irabazi du astearteko Frantziako Tourreko lasterketa. Txapelketaren Twitter kontutik Espainiako bandera batekin zoriondu dute hasieran, baina bi minutu pasa ostean txio hori ezabatu eta ikurrina jarri diote. Pozez hartu dute batzuek, baina... [+]


Txirrindularitzarekiko zaletasuna turismoaren negozioa bultzatzeko baliatu nahi dutela salatu dute

Asteburuan Frantziako Tourraren 2023ko edizioa Bilbotik abiatuko da, eta lasterketak Euskal Herria zeharkatuko du lehenengo hiru etapetan. Ibilbidea Bilbon hasi eta, besteak beste, Gasteiz, Donostia eta Baiona hirietatik pasako da. Donostiako Bizilagunekin Plataformak Tourraren... [+]


Tourraren irabazleak eta... galtzaileak?

Frantziako Tourra hastera doan honetan, Bilbon hotelen prezioak izugarri garestitu dira eta luxuzko jatetxeetan tokirik ez dago aspaldi. Bizkitartean, ostalaritzako langileak greban dira, inflazioaren eta behin behinekotasunaren ondorioz galdutakoa berreskuratu nahian.


Eguneraketa berriak daude