Frantziako migrazio politikaren benetako aurpegia: adin txikiko bi migratzaile laguntzeagatik epaitua
“Nire izena Martine Landry da, 73 urte dauzkat. Kartzelaratua izateko arriskua dut, bi adin txikiko atzerritarri laguntzeagatik”. Hala mintzo da Amnesty Internationalen 15 urte daramatzan emakume frantziarra; Italiako mugatik gertu bizi da eta Frantziara iristen diren migratzaile gazteak laguntzen ditu. Pasa den uztailean Gineako bi nerabe Italiako kontrol-postutik Frantziako harrera etxe batera eramateagatik epaitu dute asteazken honetan, “solidaritate delitua” egotzita.
Menton-Garavan tren-geltoki inguruan ibiltzen da Landry: bertan dabiltzan migratzaileekin poliziak zer egiten duen eta Italiara itzularazten al dituzten adi behatzen du, migratzaileei laguntzen saiatzeko. 2017ko uztailean, Haurrentzako Babes Soziala eskatu zuten Gineako bi adin txikiko Italiako muga-postura itzularazi zituztela jakin zuenean, bertaratu eta Frantziako harrera etxe batera eraman zituen. Frantziako legediarentzat, “solidaritate delitua” da hori.
Bost urteko kartzela-zigorra
Harrabots handiarekin Emmanuel Macronek Mamaudou Gassamaren egoera legeztatzea erabaki eta bi egunera, Gobernuak duen migrazio politika hobeto islatzen duen gertakaria dugu hau, atzerritar bati “modu ez legalean” herrialdean sartzen laguntzen dion pertsonari bost urteko espetxe-zigorra eta 30.000 euroko isuna ezartzen baitio Frantziako Estatuko legeak. “Solidaritate delitu” izenez ezagutzen dena atzera bota nahi izan zuen hainbat politikarik Asanblea Nazionalean, baina argi mintzatu zen Macron presidentea: “Solidaritate delitua egokitua izan daiteke, baina ez ezabatua”.
Europar Batasunean migrazio politika gogorragoa ezartzeko ituna onartu du euroganberak, zortzi urtetako negoziazioen ondoren. Hala, eskuin-muturraren ideiei men egin eta arau baztertzaileak erabili ahal izango dituzte hemendik aurrera herrialdeek, kontrola areagotzeko eta... [+]
Hegoaldetik ekimena pertsona migratuei ekonomia sozial eraldatzailea hurbiltzeko jaio zen 2023ko ekainean, Enarak kooperatiba, OlatuKoop eta Lankiren eskutik. Geroztik ari da bidea egiten, formazio saioak eskaini nahi ditu eta Katalunian izandako esperientziak konpartitu... [+]
Pertsona migratzaileak laguntzea kriminalizatzen duten politikak nagusi dira Europar Batasunean, eta hori egiteagatik auzitara eraman dituzten pertsonen kopuruak errekor berria ezarri du 2023an: gutxienez 117.
Ostegun goizeko 8:00etatik 12:20era Polizia operazio handia egon da Donostiako Martutene auzoko etxe okupatu batean. Espainiako Poliziak, Ertzaintzak eta Udaltzaingoak elkarrekin egin dute operazioa, “atzerritarren bulegoaren operazioa” dela azaldu dute. Donostiako... [+]