Frankismoaren "zigorgabetasuna" salatu dute Donostian

  • Frankistek Donostia hartu zutela 77 urte bete direnean, Frankismoaren zigorgabetasunari tolerantziarik ez lelopean manifestazioa egin da Gipuzkoako hiriburuan.


2013ko irailaren 16an - 00:00
Azken eguneraketa: 2015-02-26 13:37:33
Tropa frankistek 1936ko irailaren 13an hartu zuten hiria. (Argazkia: Eitb.com)

Frankismoaren Aurkako Kereilaren Aldeko Euskal Plataformak deitu zuen igandeko manifestazioa. Bulebarretik atera zen, eta Easo plazan bukatu, han geldiarazi zutelako faxisten erasoa 1936ko uztailaren 22an. Tropa frankisten 1936ko irailaren 13an hartu zuten hiria. Ondorengo egunetan 500 lagun inguru hil zituzten, plataformako kide Felix Ibargutxik azaldu duenez. "Zoritxarrez, hirian tiroka sartu ziren frankista horien oinordekoek zigorgabetasun osoz jarraitzen dute hemen", esan du.

Bere hitzetan, "oraindik ere frankistek euren krimenengatik erantzun ez izatea onartzen duen Amnistia Legea ezabatu egin behar da". Bestalde, Espainiako instituzioei eskatu die frankismoa publikoki kondenatzeko.

Manifestazioaren aurretik ekitaldia egin zuten donostian, “militar matxinatuei aurre egin zietenei eta hilabete batzuk beranduago frankisten gorrotoaren ondorioak jasan zituztenei omenaldi gisa".


Kanal honetatik interesatuko zaizu: Frankismoa
Zamorako apaiz kartzelako ihesa Santiago Carrillo buruzagi komunistak zapuztu zuen, lekuko baten arabera

1971n hainbat euskal abadek Zamorako espetxe hartatik ihes egiteko plana bertan behera geratu zen, poliziek tunela deskubritu ondoren. Nicanor Acosta abade-ohi komunistak Apaiz Kartzela dokumentaleko egileei elkarrizketa batean esan zien Santiago Carrillo izan zela salatzailea:... [+]


Frankismoak errepresialatutako emakumeen izenez jantziko dira Txantreako karrikak

Hiru urteko lanaren emaitza jaso du Iruñeko Udalak sinatutako dekretuak. Auzotik sortutako ekimenari esker, zazpi kale eta hiru plaza izendatuko dituzte.


Tefia, homosexualak zigortzeko eremua

Fuerteventura (Kanariar Uharteak), 1954ko otsailaren 11. Tefiako Nekazaritza Kolonia abian jarri zuten uharteko aireportu abandonatuan, basamortuaren erdian. Nekazaritza kolonia eufemismoaren atzean, praktikan, kontzentrazio eremua izan zen Tefia, nagusiki LGBTI komunitateko... [+]


Frankismoko bunkerrak
Hormigoizko orbainak Pirinioetako mugan

1936ko Gerra amaitzear zela, Franco diktadoreak Pirinioetan milaka bunker eraikitzea agindu zuen. Mendian horiek ikusten aspaldi ohituak gaude, baina ez genekien defentsarako lerro erraldoi bat osatzen zutela, eta azken urteetan berreskuratzeko ekimenak jarri dira abian. Izan... [+]


Eguneraketa berriak daude